جۇما, 29 ناۋرىز 2024
3445 1 پىكىر 18 قاڭتار, 2021 ساعات 15:43

بۇرىنعى ۆيتسە-مينيستر 10 جىلعا سوتتالۋى مۇمكىن

قازاقستاننىڭ بۇرىنعى ەنەرگەتيكا ۆيتسە-ءمينيسترى اناتولي شكارۋپاعا ساران قالاسىنىڭ اكىمى قىزمەتىن اتقارعان ۋاقىتتا بيۋدجەت قاراجاتىن ۇرلادى دەگەن ايىپ تاعىلعان.

مەملەكەتتىك ايىپتاۋشى بۇرىنعى شەنەۋنىكتى ون جىلعا باس بوستاندىعىنان ايىرۋىن سوتتان سۇرادى. ىستەگى تاعى ەكى سوتتالۋشى — "تكش دامىتۋ قورى" كومپانياسىنىڭ بۇرىعنى توراعاسى قايسار بايدالى مەن ENERCO كومپانياسىنىڭ ديرەكتورى ەرلان نابيەۆتى سەگىز جىلعا سوتتاۋىن سۇرادى. پروكۋرورلار سوتتالۋشىلاردى سوت زالىندا قاماۋعا الۋدى ۇسىندى.

شكارۋپا 2014-2017 جىلدارى قاراعاندى وبلىسىنداعى ساران قالاسىن باسقارىپ تۇرعان ۋاقىتتا جىلۋدى ەسەپتەۋ قۇرىلعىسىن ورناتۋ كەزىندە جەمقورلىق جاساعان دەپ ايىپتالدى. مەملەكەتتىك ايىپتاۋشىنىڭ مالىمدەۋىنشە، "ورتالىق جىلۋ قازاندىعى جوق قالادا مۇنداي قۇرىلعىنى ورناتۋدىڭ قاجەتتىلىگى بولماعان".

شكارۋپا بۇنىڭ الدىندا تەرگەۋ كەزىندە ءوزىن "ازاپتاعانىن" مالىمدەگەن. سونىمەن بىرگە ول تاعىلعان ايىپتار جالعان دەگەندى بىرنەشە مارتە سوتتا قايتالاعان.

پروكۋراتۋرا مالىمەتى بويىنشا، سوتتالۋشىلار بيۋدجەتتەن 104 ميلليون تەڭگە ۇرلاعان.

بۇل ىسكە قاتىستى سوت 2019 جىلى جەلتوقساندا باستالدى. شكارۋپانى 2018 جىلى قاراشادا ۇستاعان، بىراق بىلتىر جازدا ونى ۇيقاماققا اۋىستىرعان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593