جۇما, 29 ناۋرىز 2024
جاڭالىقتار 3008 2 پىكىر 15 قاڭتار, 2021 ساعات 14:59

ماجىلىستە كوميتەت توراعالارى سايلاندى

بۇگىن VII شاقىرىلعان ءماجىلىس دەپۋتاتتارى العاشقى جالپى وتىرىستا پالاتا كوميتەتتەرىنىڭ توراعالارىن سايلادى.

VII شاقىرىلعان ءماجىلىستىڭ جاڭاشىلدىعى - زاڭناماعا سايكەس، پارلامەنتتىك وپپوزيتسيانىڭ دەپۋتاتتارىنا پالاتانىڭ تۇراقتى كوميتەتىنىڭ توراعاسى، سونداي-اق ەكى كوميتەتتىڭ حاتشىلارى لاۋازىمىنا سايلانۋ قۇقىعى كەپىلدەندىرىلگەن.

وسىعان سايكەس، ءماجىلىس توراعاسى نۇرلان نىعماتۋلين پالاتا دەپۋتاتتارىنا فراكتسيا باسشىلارىنىڭ پارلامەنتتىك وپپوزيتسيا وكىلدەرى پالاتانىڭ ەكى كوميتەتىن باسقاراتىندىعى تۋرالى بىرلەسكەن شەشىمى تۋرالى حابارلادى. ولار: اگرارلىق ماسەلەلەر كوميتەتى مەن        ەكولوگيا ماسەلەلەرى جانە تابيعات پايدالانۋ كوميتەتتەرى.

وعان «اق جول» پارتياسىنان ەرلان بارلىباەۆ جانە قازاقستان حالىق پارتياسىنىڭ پارتيالىق ءتىزىمى بويىنشا سايلانعان الەكساندر ميليۋتين ۇسىنىلدى.

تۇراقتى كوميتەتتەردىڭ توراعالارى اشىق داۋىس بەرۋ ارقىلى: اگرارلىق ماسەلەلەر كوميتەتىنە - ەرلان بارلىباەۆ («اق جول»),  الەۋمەتتىك-مادەني دامۋ كوميتەتىنە  – ءجاميلا نۇرمانبەتوۆا («Nur Otan»), زاڭناما جانە سوت-قۇقىقتىق رەفورما كوميتەتىنە - قانات مۋسين («Nur Otan»), قارجى جانە بيۋدجەت كوميتەتىنە - مارات قۇسايىنوۆ («Nur Otan»), حالىقارالىق ىستەر، قورعانىس جانە قاۋىپسىزدىك كوميتەتىنە - ايگۇل قۇسپان («Nur Otan»), ەكولوگيا ماسەلەلەرى جانە تابيعات پايدالانۋ كوميتەتىنە – الەكساندر ميليۋتين (قحپ), ەكونوميكالىق رەفورما جانە وڭىرلىك دامۋ كوميتەتىنە - البەرت راۋ («Nur Otan») سايلاندى.

توراعالاردىڭ باياندامالارىنان كەيىن پالاتا ءماجىلىس كوميتەتتەرىنىڭ قۇرامىن بەكىتتى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618