14 قاڭتاردا تۇركيا پرەزيدەنتى رەجەپ تايىپ ەردوعان ءباسپاسوزدىڭ الدىندا كوروناۆيرۋسقا قارسى ۆاكتسينانىڭ ەكى دوزاسىنىڭ ءبىرىنشىسى سالىندى. انكارادا اۋرۋحانادا وتكەن پروتسەدۋرا تىكەلەي ەفيردە كورسەتىلدى.

ۆاكتسينا سالدىرعاننان كەيىن ەردوعان Twitter جانە Telegram جەلىسىندە جازدى.

مەملەكەت باسشىسىنا CoronaVac ۆاكتسيناسى سالىندى. ونى تۇركيا قىتايدىڭ Sinovac Biotech كومپانياسىنان ساتىپ الدى. Daily Sabah مالىمەتىنشە، ەلگە بۇل پرەپاراتتىڭ ءۇش ميلليون دوزاسى اكەلىنگەن.

تۇركيا پرەزيدەنتى ەل تۇرعىندارىنىڭ تەزىرەك ۆاكتسينا الاتىنىنا ءۇمىت ءبىلدىردى. ونىڭ ايتۋىنشا، قىتايدان تاعى 25-30 ميلليونعا جۋىق دوزا جەتكىزىلگەن.

ء"بىزدىڭ ۆاكتسيناتسيا باعدارلامامىزدىڭ ارقاسىندا 254 مىڭ مەديتسينا مامانى ۆاكتسينانىڭ ءبىرىنشى دوزاسىن الدى. مەن دە ولارعا قوسىلىپ، ۆاكتسينا سالدىرتتىم", - دەدى تۇرىك باسشىسى.

Abai.kz