بەيسەنبى, 4 ناۋرىز 2021
1642 4 پىكىر 13 قاڭتار, 2021 ساعات 13:46

ترامپ ۆاشينگتوندا توتەنشە جاعداي جاريالادى

اقش پرەزيدەنتى دونالد ترامپ جاڭا پرەزيدەنتتى يناۋگۋراتسيالاۋ سالتاناتى قارساڭىندا ۆاشينگتون قالاسىندا توتەنشە جاعداي جاريالادى. يناۋگۋراتسيا سالتاناتى 20 قاڭتاردا وتەدى.

توتەنشە جاعداي 11 قاڭتاردا باستالىپ، 24 قاڭتاردا اياقتالادى. اق ءۇي مالىمدەمەسىنەن بۇرىن بيلىك كەلەسى اپتادا دجو بايدەنگە بيلىكتى تاپسىرۋ كەزىندە تارتىپسىزدىك بولۋى مۇمكىن ەكەنىن ەسكەرتكەن.

بۇنىڭ الدىندا استانادا توتەنشە جاعدايدى ۆاشينگتوننىڭ جەرگىلىكتى بيلىگى جاريالاعان. مۇنداي شەشىمگە 6 قاڭتاردا ۆاشينگتوندا ترامپ جاقتاستارىنىڭ كاپيتوليگە باسىپ كىرۋى سەبەپ بولدى.

Reuters اگەنتتىگىنىڭ حابارلاۋىنشا، دونالد ترامپ پەن ۆيتسە-پرەزيدەنت مايكل پەنس دۇيسەنبى كۇنى كەشكە اق ۇيدە كەزدەسىپ، «جىلى اڭگىمەلەسكەن». ۆاشينگتونداعى وقيعادان سوڭ ترامپ پەن پەنس كەلىسپەي قالعانى تۋرالى سىبىس تاراعان ەدى.

سارسەنبى كۇنى اقش كونگرەسسىنىڭ وكىلدەر پالاتاسى پرەزيدەنتكە يمپيچمەنت جاريالاۋ جونىندەگى ماسەلەنى داۋىسقا سالادى.

اقش استاناسىندا قاۋىپسىزدىكتى قامتاماسىز ەتۋ ءۇشىن قوسىمشا كۇش ەنگىزىلىپ جاتىر. اپتا سوڭىنا دەيىن ۆاشينگتونعا 10 مىڭنان استام سارباز كىرەدى.

Abai.kz

4 پىكىر