شقو بويىنشا باس سانيتارلىق دارىگەرىنىڭ مىندەتىن اتقارۋشى حاميت يليۋباەۆ 2021 جىلعى 10-قاڭتارداعى قاۋلىسىمەن  سايلاۋ كوميسسيالارىنىڭ مۇشەلەرىن 72 ساعات مەرزىمگە ۇيدە وقشاۋلاۋعا جىبەرۋدى مىندەتتەدى. 

«سايلاۋ كوميسسيالارىنىڭ مۇشەلەرى پروفيلاكتيكالىق ماقساتتا پتر ادىسىمەن COVID-19-عا تەستىلەۋگە جاتاتىن كونتينگەنت بولىپ ايقىندالسىن جانە 72 ساعات مەرزىمگە ۇيدە وقشاۋلانسىن ء(ۇي كارانتينى)» دەلىنگەن قۇجاتتا.

سايلاۋ كوميسسياسى مۇشەلەرى 72 ساعات وتكەننەن كەيىن پتر ادىسىمەن COVID-19 باقىلاۋ تەستىلەۋىنەن وتەدى. 

وبلىستىق دەنساۋلىق ساقتاۋ باسقارماسىنا ولاردى ءۇش تاۋلىك بويى مەديتسينا قىزمەتكەرلەرىنىڭ باقىلاۋىنا الىپ، سوڭىنان پتر ادىسىمەن تەستىلەۋ جۇكتەلدى. 

بۇل شارا تۇرعىندار اراسىندا COVID-19 ينفەكتسياسىنىڭ تارالۋىنىڭ الدىن الۋ ماقساتىندا جاسالىپ وتىر. شىعىس ءوڭىرى جۋىقتا عانا «جاسىل» ايماققا وتكەنىن ايتا كەتكەن ءجون.

بۇگىنگى تاڭدا وبلىس بويىنشا ينفەكتسيانىڭ رەپرودۋكتيۆتى ءمانى R–0,95 قۇرايدى، ال ءCوVىD-19 ناۋقاستارىن ەمدەۋگە ارنالعان ينفەكتسيالىق ستاتسيونارلارداعى توسەك قورى 7% - عا تولتىرىلعان.

اينا ەسكەنقىزى

Abai.kz