جۇما, 29 ناۋرىز 2024
جاڭالىقتار 3190 2 پىكىر 11 قاڭتار, 2021 ساعات 12:35

«جاڭا پارلامەنتپەن تىڭ وزگەرىستەر بولاتىندىعىن كۇتەمىز»

ازاماتتارىمىز جاڭا پارلامەنتپەن بىرگە قاراپايىم ادامداردىڭ ومىرىندە جاڭا وزگەرىستەر بولاتىندىعىن كۇتەدى. مۇنداي پىكىردى ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى مارات ءباشىموۆ ءبىلدىردى.

«پرەزيدەنت قاسىم-جومارت توقاەۆ بۇل سايلاۋلار دەموكراتيامىزدىڭ العا قاراي دامۋ قادامى بولۋى تيىستىگىن ايتتى. ءاربىر سايلاۋ – بۇل ازاماتتىق كەمەلدەنۋگە ارنالعا بايىپتى ەمتيحان. ماجىلىسكە قاجەتتى 7 پايىزدىق توسقاۋىلدى ەڭسەرگەن 3 پارتيا ءوتتى. قازاقستاندا سايلاۋعا كەلۋدىڭ الدىن الا قورىتىندىسى – 63,3 پايىز. بۇل – بارىنشا جوعارى كورسەتكىش. ماسەلەن، پولشادا سوڭعى سايلاۋدا 30 پايىزدان ءسال استام سايلاۋشى قاتىسقان. ازاماتتار جوعارى ازاماتتىق جاۋاپكەرشىلىك كورسەتتى، سايلاۋ مادەنيەتى جوعارىلادى. ناقتى ناتيجە سايلاۋدىڭ سوڭعى قورىتىندىسى شىعارىلعاننان كەيىن بولادى. Exit poll العاشقى ناتيجەلەرى دە بار»، - دەپ جازدى مارات ءباشىموۆ Facebook-پاراقشاسىندا.

ينستيتۋت ديرەكتورىنىڭ اتاپ وتۋىنشە، Exit poll الەمدىك الەۋمەتتىك تاجىريبەدە قولدانىلاتىن پروتسەدۋرا سانالادى. ونىڭ بارىسىندا سايلاۋ ۋچاسكەسىنىڭ شىعا بەرىسىندە داۋىس بەرگەن ادامدار اراسىندا ساۋالناما الىنادى. «قوعامدىق پىكىر» زەرتتەۋ ينستيتۋتىنىڭ exit poll ناتيجەسىندە رەسپوندەنتتەردىڭ 5,75 پايىزى «اۋىل» حالىقتىق-دەموكراتيالىق پاتريوتتىق پارتياسىنا، 71,97 پايىزى «Nur Otan» پارتياسىنا، 3,07 پايىزى «ADAL» ساياسي پارتياسىنا، 10,18 پايىزى قازاقستاننىڭ «اق جول» دەموكراتيالىق پارتياسىنا، 9,03 پايىزى «قازاقستاننىڭ حالىق پارتياسىنا» داۋىس بەرگەن. سۇحبات فورماتىندا حالىقارالىق ستاندارتتى ادىستەمەگە ساي وتكىزىلگەن exit poll بارىسىندا رەسپوندەنتتەرگە «پارلامەنتتىك سايلاۋدا ءسىز قاي پارتياعا داۋىس بەردىڭىز؟» دەگەن ءبىر عانا سۇراق قويىلعان.

«سايلاۋ ۋچاسكەلەرىندە داۋىس بەرۋ سانيتارلىق-ەپيدەميولوگيالىق تالاپتاردى ساقتاي وتىرىپ وتكىزىلدى. سايلاۋ پروتسەسىن ۇيىمداستىرۋ لايىقتى دەڭگەيدە بولدى. جاستار كوپ قاتىستى. سايلاۋ بارىسىندا-اق مەملەكەت باسشىسى قاسىم-جومارت توقاەۆ حالىقتىڭ ازاماتتىق بەلسەندىلىگى وتە جوعارى ەكەندىگىن اتاپ ءوتتى. كانديداتتار كوپ جانە ولاردىڭ بارلىعىنا تەڭدەي جاعداي جاسالدى. سايلاۋ جوعارى دەڭگەيدە، زاڭناماعا ساي بولدى جانە اياقتالدى. قوعام دامۋىنىڭ جاڭا كەزەڭى باستالادى. ازاماتتارىمىز جاڭا پارلامەنتپەن بىرگە قوعامدىق، الەۋمەتتىك ومىردە، وزگە دە سالالالاردا، قاراپايىم ادامداردىڭ ومىرىندە جاڭا وزگەرىستەر بولادى دەپ كۇتەدى»، - دەدى ول.

دەرەككوز: قازاقپارات

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610