جۇما, 29 ناۋرىز 2024
جاڭالىقتار 6157 1 پىكىر 24 اقپان, 2012 ساعات 04:27

تالعات كەڭەسباەۆ. قاسقىردىڭ سۋرەتى

(اڭگىمە)

قالانىڭ توبەسىنە مامىقتاي قالقىپ ءتۇسىپ كەلە جاتقان مىڭ ميلليون ۇلپا قاردى دالادان اسىعىپ جەتكەن جەلىكپە جەل ۇرشىقتاي ءيىرىپ، ەتەك-جەڭىن جەلپىلدەتىپ، ۇكىدەي ۇشىرىپ، الا قۇيىن مىنەزىنە سالدى. ايالدامادا تۇرعان قارا بالا اينالاسىنا جاۋتاڭ-جاۋتاڭ ەتىپ قارايدى. باعىتى - باس پوشتا، ەكى ايالدامالىق جەر. اۋىلىنا حات سالماق. «اتا-اۋ، ەشكىمدى تانىمايتىن قالاعا نەمەنەگە الىپ كەلدىڭ، اۋىلدا دا مەكتەپ بار ەمەس پە؟ مەنى قايتادان الىپ كەتشى» دەگەن جولداردى جىلاپ وتىرىپ جازىپ ەدى. جانىنا بىرنەشە ادام كەلدى. اۋزى-باسىن جيرەن ءجۇن باسقان ءداۋ سارىنى بايقاپ قالدى. ىڭعايسىزداندى. ۇلكەن ادامعا امانداسپاق بولدى.

- اسسالاۋماگالەيكۋم!، - دەدى وڭ قولىن جۇرەگىنىڭ تۇسىنا قويىپ.

- چە نادو تەبە؟، - دەپ گۇر ەتە ءتۇستى. بۇعان الا كوزىمەن قاراپ، جەرگە ءبىر تۇكىردى. قوينىندا قىبىرلاعان بىردەنەسى بار. قارا بالا شىنىندا دا ءداۋ سارىدان قورقىپ قالىپ ەدى. ىعىسىپ شەتكە بارىپ تۇردى. ايالدامانىڭ ىقتاسىن جاعىندا كوكجال قاسقىردىڭ پلاكاتى ىلىنگەن. «گدك روك - كونتسەرت، 18:00 چ. 16.12.1987گ». قارا بالا قاسقىردىڭ سۋرەتىن كورىپ، ءدال ءبىر تۋىسىن كورگەندەي ىشتەي قۋانىپ قالدى. «ءاي، مىناۋ ءبىزدىڭ قويعا شاباتىن كوكجال عوي، اتام تور ايعىرعا ءمىنىپ قۋعان كەزدە اقباقاي توبەتىمىزبەن تالاساتىن قاسقىر ەمەس پە...» وسى كەزدە ءداۋ سارىنىڭ قوينىنداعى كىشكەنتاي كۇشىك سىرعىپ جەرگە ءتۇستى دە، قاسقىردىڭ سۋرەتىنە قاراپ، ال شاڭكىلدەپ ءۇرسىن كەپ...

(اڭگىمە)

قالانىڭ توبەسىنە مامىقتاي قالقىپ ءتۇسىپ كەلە جاتقان مىڭ ميلليون ۇلپا قاردى دالادان اسىعىپ جەتكەن جەلىكپە جەل ۇرشىقتاي ءيىرىپ، ەتەك-جەڭىن جەلپىلدەتىپ، ۇكىدەي ۇشىرىپ، الا قۇيىن مىنەزىنە سالدى. ايالدامادا تۇرعان قارا بالا اينالاسىنا جاۋتاڭ-جاۋتاڭ ەتىپ قارايدى. باعىتى - باس پوشتا، ەكى ايالدامالىق جەر. اۋىلىنا حات سالماق. «اتا-اۋ، ەشكىمدى تانىمايتىن قالاعا نەمەنەگە الىپ كەلدىڭ، اۋىلدا دا مەكتەپ بار ەمەس پە؟ مەنى قايتادان الىپ كەتشى» دەگەن جولداردى جىلاپ وتىرىپ جازىپ ەدى. جانىنا بىرنەشە ادام كەلدى. اۋزى-باسىن جيرەن ءجۇن باسقان ءداۋ سارىنى بايقاپ قالدى. ىڭعايسىزداندى. ۇلكەن ادامعا امانداسپاق بولدى.

- اسسالاۋماگالەيكۋم!، - دەدى وڭ قولىن جۇرەگىنىڭ تۇسىنا قويىپ.

- چە نادو تەبە؟، - دەپ گۇر ەتە ءتۇستى. بۇعان الا كوزىمەن قاراپ، جەرگە ءبىر تۇكىردى. قوينىندا قىبىرلاعان بىردەنەسى بار. قارا بالا شىنىندا دا ءداۋ سارىدان قورقىپ قالىپ ەدى. ىعىسىپ شەتكە بارىپ تۇردى. ايالدامانىڭ ىقتاسىن جاعىندا كوكجال قاسقىردىڭ پلاكاتى ىلىنگەن. «گدك روك - كونتسەرت، 18:00 چ. 16.12.1987گ». قارا بالا قاسقىردىڭ سۋرەتىن كورىپ، ءدال ءبىر تۋىسىن كورگەندەي ىشتەي قۋانىپ قالدى. «ءاي، مىناۋ ءبىزدىڭ قويعا شاباتىن كوكجال عوي، اتام تور ايعىرعا ءمىنىپ قۋعان كەزدە اقباقاي توبەتىمىزبەن تالاساتىن قاسقىر ەمەس پە...» وسى كەزدە ءداۋ سارىنىڭ قوينىنداعى كىشكەنتاي كۇشىك سىرعىپ جەرگە ءتۇستى دە، قاسقىردىڭ سۋرەتىنە قاراپ، ال شاڭكىلدەپ ءۇرسىن كەپ...

«تي-تي» پرەكراتي» دەپ  داۋ سارىقارا بالاعا تۇسىنىكسىزدەۋ تىلدە سويلەي باستادى. جۇدىرىقتاي تي-تي شاڭك-شاڭك ەتىپ بولمايدى. بالا اڭ-تاڭ بوپ قاراپ تۇر. ءبىر كەزدە جەل ۇدەي ءتۇسىپ، پلاكات جۇلىنىپ كەتتى دە، قاردىڭ بەتىمەن سىرعىپ،  تي-تيعا جاقىنداي بەردى. ول بايعۇس بولسا، دەنەسىندەگى بۇكىل تۇگى دىرىلدەپ، بۇتىنا جىبەرىپ قويدى دا، بۇنى كەلىپ پانالادى. قارا بالا قوساياقتاي كىشكەنتاي كۇشىكتى جەردەن جەڭىل كوتەرىپ، يەسىنە بەردى.

ءداۋ سارى تي-ءتيدى قوينىنا تىعا سالدى دا، قارا بالاعا  راحمەت ايتقان جوق. يەسىنىڭ جىلى قوينىندا تۇرعان تي-تي ءىن اۋزىنداعى كۇزەندەي باسىن اندا-ساندا شىعارىپ قويادى. كوزدەرى تۇيمەدەي جىلت-جىلت. بىراق باعاناعىداي شاڭكىلدەپ ۇرگەن جوق. جۋاسىپ قالىپتى.

قار بوراي جاۋىپ تۇر.

اۆتوبۋس ءالى كورىنەر ەمەس...

«اباي-اقپارات»

سۋرەتتە - جازۋشى تالعات كەڭەسباەۆ

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551