جۇما, 29 ناۋرىز 2024
دەپ جاتىر 6375 54 پىكىر 30 جەلتوقسان, 2020 ساعات 14:27

شەۆچەنكو: ماسكەۋدەن تەك يمپەرياليزمدى كۇتۋگە بولادى

رەسەيلىك جۋرناليست ءھام ساياساتشى ماكسيم شەۆچەنكو جۋىردا «Tengrinews.kz» سايتىنا سۇحبات بەرىپتى. رف مەملەكەتىك دۋماسى دەپۋتاتتارىنىڭ قازاقستان تەرريتورياسى تۋرالى سالا-قۇلاش سوزدەرىنە قاتىستى تۇسىنىكتەمە بەرىپ، ءوز پىكىرىن ايتىپتى.

سونىمەن، ماكسيم شەۆچەنكو نە دەيدى؟ ءبىز ورىس ساياساتشىسىنىڭ سوزدەرىن وقىرمان تالقىسىنا ۇسىنعاندى ءجون كوردىك.

«مەن بۇل كەزدەيسوق مالىمدەمە ەمەس، رەسەي بيلىگىنىڭ كورشىلەرىن قورقىتۋ جانە «اعا مەن ءىنى» جاعدايىن تۋعىزۋ ءۇشىن جاساپ وتىرعان يمپەرياليستىك باعىتتىڭ جالعاسى دەپ سانايمىن. ولاردىڭ ويلارىنشا، رەسەي بارلىعىنا «اعا» دا، قالعاندارى سول رەسەيدىڭ بار بولعانى ءۇشىن ولارعا قارىزدار-مىس».

«رەسەي مەملەكەتى قازاقستانعا تاۋەلسىزدىك بەردى» دەگەندى نيكونوۆ ويلاپ تاپقان جوق. مەملەكەتتىك دۋمانىڭ ۆيتسە-سپيكەرى پەتر تولستوي ورىس-تۇرىك ديالوگى تەك كۋليكوۆو شايقاسىمەن شەكتەلەتىنىن، ايتتى. فەدوروۆ تا وسىعان ءوزىنىڭ بەس تيىندىق ويىن قوستى.

سوندىقتان، مەنىڭ ويىمشا، پوستكەڭەستىك كەڭىستىكتە ۇزاق ۋاقىت جۇمساق كۇشكە («soft power») جاۋاپتى بولعان «رۋسسكي مير» قورىنىڭ باسشىسى نيكونوۆتىڭ ءسوزى كەزدەيسوق ەمەس. بۇل اناتولي چۋبايس ايتقانداي ليبەرالدى يمپەريا فورماتىنداعى رەسەي يمپەرياليزمىن قالپىنا كەلتىرۋ جونىندەگى ورتاق جولدىڭ جالعاسى».

بۇگىنگى قازاقستان-رەسەي قارىم-قاتىناسى تۋرالى:

«نۇرسۇلتان نازارباەۆتىڭ ارقاسىندا. ءيا، بۇل تەك نازارباەۆتىڭ سىڭىرگەن ەڭبەگى. رەسەيدىڭ ەڭبەگى جوق. رەسەيدەن تەك دورەكى، قورلاۋ جانە ەرسى سوزدەر شىعادى. 1990 جىلداردان باستاپ... روسكوسموستىڭ قازىرگى باسشىسى دميتري روگوزين سولتۇستىك اۋماقتاردى قازاقستاننان تارتىپ الۋعا اشىق شىققان ورىس قاۋىمداستىقتارى كونگرەسىن باسقارعان كەزدەن باستاپ، جيرينوۆسكيدىڭ مالىمدەمەلەرى، ليمونوۆتىڭ قازاقستانعا باسىپ كىرۋ ارەكەتى، پارتيزاندىق قوزعالىستى كوتەرۋ ارەكەتى ت.ب. سونىڭ دالەلى».

«ماسكەۋدە وتىرعان بۇل الاياقتار ءبىزدىڭ رەسەيدىڭ ناقتى تاريحى تۋرالى تۇسىنىكتەرى جوق. ءتىپتى، مەكتەپتەگى تاريح وقۋلىعىن وقىماعانىنا، مەن سەنىمدىمىن. بىراق، ولار گاز، مۇناي قۇبىرلارى مەن اتومدىق راكەتالاردى باسقاراتىندىقتان، وزدەرىن «ناپولەون» سانايدى. مەنىڭ ويىمشا، يمپەرياليزم ماسكەۋدەن كەلەدى».

تالقىلايىق. ورىس ساياساتشىسىنىڭ وسى پىكىرىنە قاتىستى ءسىز نە دەيسىز، مارتەبەلى وقىرمان؟!

سايتقا ازىرلەگەن كەرىمسال جۇباتقانوۆ

Abai.kz

54 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577