جۇما, 29 ناۋرىز 2024
انە، كوردىڭ بە؟ 4886 6 پىكىر 28 جەلتوقسان, 2020 ساعات 13:50

پوليتسيا: «استانادا «نود» ۇيىمى جوق»، دەيدى

«ەدينايا روسسيا» پارتياسى ساياسي كەڭەسىنىڭ جانە دۋماداعى «بيۋدجەت جانە سالىق» كوميتەتىنىڭ مۇشەسى، رف مەملەكەتتىك كەڭەسشىسى، اۋعان سوعىسىنىڭ ارداگەرى جانە «ۇلتتىق ازات ەتۋ قوزعالىسى» (ۇاق/نود) ساياسي بىرلەستىكتەرىنىڭ سەركەسى ەۆگەني فەدوروۆتىڭ ەلىمىزدىڭ، جەرىمىزدىڭ تۇتاستىعىنا سەلكەۋلىك تۇسىرەتىن اتى شۋلى بەينەبايانىنان كەيىن وسى «ۇاق-تىڭ» ەلىمىزدە تامىر جايعانىن وتاندىق باق كەڭىنەن جازدى.

«Abai.kz» اقپاراتتىق پورتالىندا «فەدوروۆتىڭ ۇيىمى كىمدى، نەدەن ازات ەتپەكشى؟» اتتى ۇجىمدىق ماقالا جارىق كورگەن بولاتىن.

ەندى وتاندىق باق «Kaztag-قا» سىلتەمە جاساي وتىرىپ، نۇر-سۇلتان پوليتسياسى «ەلوردامىزدا فەدوروۆتىڭ ۇاق شتابى جوق»، دەپ «StopFake» رەسۋرسىندا مالىمدەمە جاساعانى تۋرالى جارىسا جازۋدا.

«Kaztag» اگەنتىگىنىڭ ءتىلىشىسى: «داننايا ينفورماتسيا پروۆەرەنا. پو ۆىشەۋكازاننومۋ ادرەسۋ ي نا تەرريتوري ستوليتسى ۆ تسەلوم شتابا ورگانيزاتسي پود نازۆانيەم نود نە سۋششەستۆۋەت. سسىلكا فەيكوۆايا، ا ليتسا، ۋكازاننىە ۆ ەتوي ورگانيزاتسي، نە ياۆليايۋتسيا گراجدانامي رك. پروسيم نە پودداۆاتسيا نا پروۆوكاتسيوننىە دەيستۆيا»، - دەگەن نۇر-سۇلتان پوليتسيا دەپارتامەنتىنىڭ مالىمدەمەسىن جاريا ەتتى.

اتالعان رەسۋرس فەيكتىك جاڭالىق الىنىپ تاستالعانىمەن ەل تۇرعىندارىنىڭ بۇل سايتقا ءالى كىرە الادى دەگەنىن نەمەن تۇسىندىرۋگە بولادى؟ ەندى تەك وسى ماسەلەگە قاتىستى بىلەك سىبانا كىرىسكەن اقپارات جانە قوعامدىق دامۋ مينيسترلىگى مەن ۇلتتىق قاۋىپسىزدىك كوميتەتى نە تىندىرادى دەپ ءالىپتىڭ ارتىن كۇتۋ عانا قالدى.

سوندا بۇرىن اندا-ساندا عانا ەلىمىزگە قارسى جۇرگىزىلىپ كەلە جاتقان رەسەيلىك كيبەرشابۋىلدىڭ ەندى قاۋىرت كۇش الا باستالعانى، ءدال قازىر وعان اقپارات جانە قوعامدىق دامۋ مينيسترلىگى مەن ۇلتتىق قاۋىپسىزدىك كوميتەتى قاۋقار قىلا الماي وتىرعانى نەگە جۇرتتان جاسىرىلىپ جابىلادى؟ بۇل «ساسقان ۇيرەكتىڭ ارتىمەن جۇزەدىسىنىڭ» كەرى ەمەس پە؟!

الدە بىزدەگى رەسەيلىك باق جانە تەلەارنالاردىڭ جاپپاي جابىلۋىن وسى ناۋقاندىق داۋىلدان ساقتاپ قالۋ ءۇشىن الدەبىرەۋلەردىڭ ىستەپ وتىرعان ايلا-شارعىسى ما، دەگەن وي قىلاڭ بەرەدى.

ءابىل-سەرىك الياكبار

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622