جۇما, 29 ناۋرىز 2024
بۇ نە مازاق؟ 9643 27 پىكىر 25 جەلتوقسان, 2020 ساعات 13:10

اقساقالوۆ ماسكەۋدىڭ الدىندا اقتالىپ وتىر ما؟

«نامىستىڭ» نامىستى جىگىتتەرى پەتروپاۆلدى «قىزىلجار» اتاندىرۋ تۋراسىندا ورىندى ماسەلە كوتەرگەندىگىن وتاندىق باق جارىسا جازدى. ءبىزدىڭ سايتىمىزدا دا نۇرگەلدى ابدىعانيۇلىنىڭ «پەتروپاۆل قاشان قىزىلجار بولادى؟» اتتى ماقالاسى جارىق كورگەن بولاتىن.

ەندى وسى ماسەلەنى فەيكە اينالدىرعان رەسەيلىك «كومسومولسكايا پراۆدا كازاحستانا» گازەتىندە جاريالانىمدى وقىپ شالقامىزدان تۇسە جازدادىق.

اناتولي پاكتىڭ اۆتورلىعىمەن جارىق كورگەن ماقالاداعى «ۆ اكيماتە پەتروپاۆلوۆسكا نازۆالي فالشيۆىمي فوتوگرافي س پريزىۆامي و پەرەيمەنوۆاني گورودا ۆ كىزىلجار» دەگەن جولدار كوپ نارسەنى اڭعارتادى. ءارى اكىمشىلىك وسى ماسەلەگە قاتىستى «نامىستىڭ» نامىستى جىگىتتەرىنىڭ ءىس-ارەكەتىن فەيك اتاندىرۋ ءۇشىن رەسەيشىل باق الدىندا زىر جۇگىرىپ، زور تەر توگىپ ءوز زەرتتەمەسىن دە جاساپتى.

«سوندا بۇتىندەي ءبىر قالانىڭ اكىمشىلىگى كىمنىڭ الدىندا اقتالىپ وتىر ءوزى؟» دەگەن زاڭدى سۇراق تۋادى. الدە ەلىمىزدىڭ سولتۇستىگىندەگى شەنەۋىنىكتەر نۇر-سۇلتاننان ەمەس، ماسكەۋدىڭ كارىنەن قورقا ما؟ الدە ولار وزدەرىنىڭ قاي مەملەكەتتىڭ نانىن جەپ، سۋىن ءىشىپ وتىرعاندارىن بىلمەيتىن ماڭگۇرتتەر مە!؟ دەگەن ءدۇدامال ويعا دا قالادى ەكەنسىڭ!؟

سوندا ءيىلىپ توسەك، جاتىپ جاستىق بولاتىن رەسەيلىك «كومسومولسكايا پراۆدا كازاحستانا» گازەتى «قۇدايدىڭ جالعىز ۇلى بولعانى ما؟» دەگەن ويعا كەتىپ، «ۋستانوۆلەنو، چتو نا مالوي ارحيتەكتۋرنوي فورمە وتسۋتستۆۋيۋت پوستوروننيە پرەدمەتى، نادپيسي. پۋبليكاتسيا – فەيك»، – سووبششيلي ۆ پرەسس-سلۋجبە اكيما پەتروپاۆلوۆسكا» دەگەن جولداردى وقىپ اڭ-تاڭ بولاسىڭ؟ ەگەر قازاق ءتىلدى الدەبىر باسىلىم اقپارات سۇراسا، كورپەسىن تارس بۇركەنىپ الاتىن سولتۇستىك قازاقستاندىق بيشىكەشتەر «ينفورماتسيەي و پروۆەدەني پودوبنوگو رودا مەروپرياتي اكيمات گورودا نە راسپولاگاەت، زاياۆوك نا پروۆەدەنيە اكتسي نە پوستۋپالو» دەپ بوگدە مەملەكەتتىڭ باسىلىمىنىڭ تۇككە تۇرمايتىن ءتىلشىسى الدىندا قۇرداي جورعالاۋى ارقىلى وزدەرىنىڭ مەملەكەتتىك قىزمەتكەردىڭ ەتيكاسىن قر زاڭى الدىندا ورەسكەل بۇزىپ، قازاق ەگەمەندىگىنە سىزات تۇسىرگەنىندەرىن بىلمەي مە ەكەن!؟

وسىنداي ۇلتتىق نامىستى تاپتاپ، مەملەكەتتىك دەربەستىگىمىزگە كولەڭكە ءتۇسىرىپ، وزگە ەلدىڭ بىزدە تىركەلگەن باق الدىندا اقتالۋعا جول بەرگەن قالا اكىمشىلىگى نە پارتيالىق، نە اكىمشىلىك «جازاعا تارتىلا ما جوق پا؟» نە بولماسا، «تولىق قۇرامدا قىزىمەتتەرىنەن قوش ايتىسا ما؟» دەگەن ءبىر ساۋال كوڭىلدى تىرمالايدى.

ءارى رەسەيدىڭ بىزدە تىركەلگەن «كومسومولسكايا پراۆدا كازاحستانا» سياقتى باسىلىمدارىنداعى ەل ىشىنە ىرىتكى سالۋشى، مەملەكەتتىك ساياساتىمىزعا سىزات تۇسىرەتىن ءتۇرلى اۋانداعى ءبىرى – اشىق، ءبىرى – جاسىرىن باسسىزدىقتارىنا جوعارعى بيلىك تاراپىنان كوز جۇما قاراعاندى مۇلدەم دوعارىپ، جاۋىپ تاستايتىن كەز كەلگەن سياقتى. وسى ماسەلەنى وزدەرىنىڭ سايلاۋالدى باعدارلامالارىندا پارلامەنتتەگى ورىنداردان ۇمىتكەر بىردە-ءبىر پارتيانىڭ كوتەرمەۋىنىڭ ءوزى كوپ نارسەنى ۇقتىرادى. اقپاراتتىق تاۋەلسىزدىك پەن قاۋىپسىزدىك ەشكىمگە كەرەك ەمەس سياقتى! ءسىز بۇعان قالاي قارايسىز، قۇرمەتتى وقىرمان!

ءابىل-سەرىك الياكبار

Abai.kz

27 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590