سەيسەنبى, 19 قاڭتار 2021
557 0 پىكىر 4 جەلتوقسان, 2020 ساعات 15:37

ءماجىلىس ميكروقارجى جانە كوللەكتور قىزمەتتەرىنە قاتىستى زاڭ جوباسىن قارايدى

بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.

دەپۋتاتتار قاراۋىنا ءبىرىنشى وقىلىمدا ميكروقارجىلىق جانە  كوللەكتورلىق قىزمەتتى رەتتەۋ  ماسەلەلەرىنە قاتىستى زاڭ جوباسى ۇسىنىلدى.

سونىمەن قاتار راتيفيكاتسيالاناتىن زاڭ جوبالارى دا قاراستىرىلعان. ولار: قازاقستان ۇكىمەتى مەن ءبىلىم، عىلىم جانە مادەنيەت ماسەلەلەرى جونىندەگى بىرىككەن ۇلتتار ۇيىمى (يۋنەسكو) اراسىنداعى يۋنەسكو اياسىندا مادەنيەتتەردى جاقىنداستىرۋ حالىقارالىق ورتالىعىن قۇرۋ تۋرالى، سونداي-اق، قازاقستان مەن گرۋزيا اراسىنداعى حالىقارالىق اۆتوموبيل قاتىناسى تۋرالى كەلىسىمدەر بار.

ەكىنشى وقىلىمدا دەپۋتاتتار تەحنيكالىق رەتتەۋ جانە جول جۇرىسىنە قاراستى زاڭ جوبالارىن تالقىلاماق.

الداعى جالپى وتىرىستا دەنە شىنىقتىرۋ مەن سپورتقا قاتىستى زاڭنامالىق جاڭالىقتاردى تالقىلاۋ جوسپارلانۋدا.

كۇن ءتارتىبىنىڭ جوباسىندا مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ جانە وتباسىلىق جانە گەندەرلىك ساياسات ماسەلەلەرىنە قاتىستى زاڭ جوبالارىمەن جۇمىستى جالعاستىرۋ ۇسىنىلدى.

سونىمەن قاتار ءماجىلىس ەۋرازيالىق ەكونوميكالىق وداققا مۇشە مەملەكەتتەردىڭ تەمەكى ونىمدەرىنە اكتسيزدەر سالاسىنداعى سالىق ساياساتىن جۇرگىزۋ قاعيداتتارى تۋرالى كەلىسىمدى راتيفيكاتسيالاۋ تۋرالى زاڭ جوباسىن جۇمىسقا الادى.

Abai.kz

0 پىكىر