جۇما, 29 ناۋرىز 2024
2458 0 پىكىر 3 جەلتوقسان, 2020 ساعات 14:37

ىلە اۋدانىندا قونىس توي

الماتى وبلىسىنا قاراستى ىلە اۋدانى ورتالىعىن وتەگەن باتىر كەنتىندە 60 پاتەرلى تۇرعىن ءۇي پايدالانۋعا بەرىلدى. بۇل پرەزيدەنت قاسىم-جومارت توقاەۆتىڭ باسپانا كەزەگىندە تۇرعاندارعا ارنالعان «5-10-20» باعدارلاماسى اياسىندا جۇزەگە استى.

تۇڭعىش پرەزيدەنت كۇنىنە وراي كوپبالالى انالار، بيۋدجەتتىك مەكەمەلەردە ەڭبەك ەتەتىن ماماندار ءۇيلى بولدى. سالتاناتتى جيىندا اۋدان اكىمى باعدات قاراساەۆ پاتەر يەلەرىنە كىلتىن تابىستاپ، جاڭا قونىستارىمەن قۇتتىقتادى. سونداي-اق جاڭا پاتەر يەسى اتانعان كوپبالالى اۋباكىروۆتار وتباسىنانىڭ ۇيىنە كىرىپ، سىي-سياپات جاسادى.

«بارشاڭىزدى كەلە جاتقان تۇڭعىش پرەزيدەنت كۇنىمەن جانە جاڭا قونىستارىڭىزبەن قۇتتىقتايمىن! وتباسىلارىڭىزدان بەرەكە-بىرلىك كەتپەي جاڭا ۇيلەرىڭىزدىڭ ءىشى ىرىسقا تولى بولسىن! جەكە باسپانا اركىمنىڭ شاعىن مەملەكەتى. ال،  باسپانالى بولۋ  كىم ءۇشىن بولسا دا ۇلكەن قۋانىش.  قۋانىشتارىڭىز  جاقسىلىققا ۇلاسا بەرسىن! ەگەمەندى ەلىمىزدىڭ ىرگەسى امان، اسپانىمىز اشىق  بولسىن!»، –  دەدى اكىم باعدات قاراساەۆ ءوز قۇتتىقتاۋىندا.

ءۇيدىڭ قۇرىلىسىن جۇرگىزگەن «اگروسپەتسستروي» جشس. ءۇي بارلىق تالاپتارعا ساي ساپالى سالىنعان. اۋدان اكىمى سالتاناتتى جيىندا سەرىكتەستىكتىڭ باسشىسى ءۋاليحان ءازىمحانۇلى جۇماباەۆقا العىس ايتىپ، جۇمىسىنا تابىس تىلەدى.

سونداي-اق، بيىلعى جىلى  الماتى ىرگەسىندەگى بورالداي كەنتىندە بيۋدجەت قاراجاتىنا ينجەنەرلىك جەلىلەر تارتىلىپ، جەكە  كاسىپكەرلەر ەسەبىنەن 130 پاتەرلىك 3 تۇرعىن ۇيلەر پايدالانۋعا بەرىلەدى.

ىلە اۋدانىندا قونىس تويلار الداعى ۋاقىتتا دا جالعاسا بەرمەك. تۇرعىن ءۇي كەزەگىن ازايتۋ ماقساتىندا، وتەگەن باتىر اۋىلىندا تاعى دا 60 پاتەرلىك تۇرعىن ءۇيدىڭ قۇرىلىسى جۇرگىزىلىپ جاتىر. ودان باسقا 72 پاتەرلى ءۇش ءۇي مەن 100 ۇيدەن تۇراتىن كوتتەدج قالاشىعىن سالۋ جوسپارى بار.

مەملەكەت باسشىسىنىڭ تاپسرىماسىمەن قولعا الىنعان «50-10-20» باعدارلاماسى ادامدارعا وتە ىڭعايلى. تۇرعىن-ءۇي قۇرىلىس جيناق بانكىنەن جەكە شوت اشىپ، پاتەردىڭ جالپى قۇنىنىڭ 10 پايىزىن جيناساڭىز، 20 جىلعا دەيىن 5 پايىزدىق جەڭىلدىكپەن نەسيە الىپ، باسپانا ساتىپ الۋعا بولادى. باعدارلامانى “تۇرعىن ءۇي قۇرىلىس جيناق بانكى” اياسىندا بىرىنشىدەن، ءۇي كەزەگىندە تۇرعاندار ىلىنەدى. ەكىنشىدەن، مەملەكەتتىك قىزمەتكەرلەر، اسكەريلەر جانە بيۋدجەتتىك سالا ماماندارى. ۇشىنشىدەن، تولىق ەمەس وتباسىلار، كوپ بالالى وتباسىلار جانە مۇگەدەك بالا تاربيەلەپ وتىرعانداردار پايدالانا الادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600