بەيسەنبى, 28 ناۋرىز 2024
دەپ جاتىر 5803 20 پىكىر 3 جەلتوقسان, 2020 ساعات 13:25

وتەمۇراتوۆ ءىسى. 5 ملرد دولار قايدان شىقتى؟

ۇلىبريتانيا سوتى بولات وتەمۇراتوۆتىڭ 5 ميلليارد دوللارعا دەيىنگى اكتيۆتەرىن بۇعاتتادى. بۇل تۋرالى «The Wall Street Journal» باسىلىمى مالىمدەدى. 

ودان بولەك وتەمۇراتوۆتىڭ «Ritz Carlton» قوناق ۇيىندەگى اكتسيالارى، شەتەلدىك بانك شوتتارىنداعى قولما-قول اقشاسى مەن قازاقستانداعى «Burger King» فرانشيزاسى دا بۇعاتتالعان.

بتا بانكتىڭ وكىلدەرى كاسىپكەردى «بانكتەن ۇرلانعان اقشانى باسقا 11 اداممەن  بىرگە جاسىرۋعا كومەكتەستى» دەپ ايىپتاپتى. جاڭا ايىپتاۋلار نەگىزىندە سۋديا نيك كالۆەر اكتيۆتەردى توقتاتۋ تۋرالى بۇيرىق شىعارعان.

وليگارحتىڭ ادۆوكاتتارى قىلمىستىق جولمەن الىنعان كىرىستەردى زاڭداستىرۋ بويىنشا وزدەرىنىڭ كىناسىز ەكەندىكتەرىن دالەلدەۋگە جانە جاقىن ارادا بۇل ىسكە شاعىمدانۋعا نيەتتى. ال، وتەمۇراتوۆقا تيەسىلى «ۆەرنىي كاپيتال» كومپانياسىنىڭ وكىلدەرى بۇل شەشىمنىڭ نەگىزسىز ەكەنىن ايتادى.

«2015 جىلى «بتا بانكى» اق بۇل تالاپتى مۇحتار ءابليازوۆ پەن ءىلياس حراپۋنوۆقا قارسى قويدى. كەيىننەن ايىپتالۋشىلاردىڭ ءتىزىمىن تولىقتىرۋعا بايلانىستى، 2020 جىلدىڭ قاراشاسىندا ول تىزىمگە بولات وتەمۇراتوۆ پەن ونىڭ كاسىپكەرلىك قۇرىلىمىنا كىرەتىن بىرقاتار ادامدار ەنگىزىلدى. بۇل شاعىمعا «بتا بانكى» اق جانە ونىڭ ادۆوكاتتارى ۇسىنعان جالعان قۇجاتتار نەگىز بولدى»، - دەلىنگەن «ۆەرنىي كاپيتال» حابارلاماسىندا.

بۇعان دەيىن بتا بانكتىڭ ەكس-بانكيرى جانە قازاقستاندا تىيىم سالىنعان «دۆك» ۇيىمىنىڭ جەتەكشىسى مۇحتار ءابليازوۆ وتەمۇراتوۆتىڭ ءۇي قاماعىندا وتىرعانىن ايتقان.

«بولات وتەمۇراتوۆقا مەنىڭ، مۇحتار ءابليازوۆتىڭ اكتيۆتەرىمدى جاسىرۋعا كومەكتەستى دەپ ايىپ تاعىلدى»، - دەپ جازدى ول الەۋمەتتىك جەلىدەگى پاراقشاسىندا.

الايدا، بۇل اقپاراتتى «ۆەرنىي كاپيتالدىڭ» وكىلدەرى جوققا شىعارىپ، قازىرگى ۋاقىتتا بولات وتەمۇراتوۆ «نۇر-سۇلتان قالاسىندا جانە الەۋمەتتىك جۇمىستارعا دەن قويىپ، جۇمىسىن جالعاستىرىپ جاتقانىن»، ايتتى.

ايتا كەتەيىك، بولات وتەمۇراتوۆ ۇزاق جىلدار قازاقستاننىڭ ەكس-پرەزيدەنتى ن.نازارباەۆتىڭ كومەكشىسى بولعان. ول تمد-داعى جانە الەمدەگى داۋلەتتى ادامدار قاتارىندا. كاسىپكەر تاۋ-كەن مەتاللۋرگيا، مۇناي-گاز جانە تەلەكوممۋنيكاتسيا سەكتورلارىنداعى، سونداي-اق قارجىلىق قىزمەتتەر، جىلجىمايتىن مۇلىك پەن بۇقارالىق اقپارات قۇرالدارىنداعى اكتيۆتەردى باسقارادى.

بىلتىر وتەمۇراتوۆ الەمنىڭ ەڭ باي ادامدارىنىڭ ىشىندە 3,4 ميلليارد دوللارمەن 654-ءشى ورىندا تۇردى. ال، وسى جىلدىڭ قازان ايىندا Forbes جۋرنالى ونىڭ داۋلەتىن 2,8 ميلليارد دوللارعا باعالادى.

بۇدان باسقا «ForteBank» اق-تىڭ 87,77% تيەسىلى. سونداي-اق، كاسىپكەر «Media Management Systems» جشس مەن «Direct Technology Company» جشس-ءنىڭ 100% يەلەنەدى.

جالقى سۇراق: بريتان سوتى قازاقستانداعى اۋقاتتى ەلۋلىكتىڭ العاشقى بەستىگىنە كىرەتىن بولات وتەمۇراتوۆتىڭ 5 ميلليارد دوللارلىق مۇلكىن بۇعاتتاعانىن جاريالادى. ال وسىعان دەيىن وتەمۇراتوۆتىڭ تاپقان-تايانعانى 2,8 ملرد دوللار دەپ ايتىلىپ كەلدى. وتەمۇراتوۆتىڭ داۋلەتى ءبىر ءتۇننىڭ ىشىندە 1,2 ميلليارد دوللارعا ءوسىپ كەتتى مە نەمەسە بۇل قاراجات قايدان شىقتى؟

Abai.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522