جۇما, 29 ناۋرىز 2024
2470 4 پىكىر 27 قاراشا, 2020 ساعات 16:07

IX ازاماتتىق فورۋمىنىڭ قورىتىندىسى شىعارىلدى

27 قاراشادا «قوعام جانە مەملەكەت: «Birgemiz» سەرىكتەستىك پەن دامۋدىڭ 30 جىلى» اتتى IX ازاماتتىق فورۋمى پلەنارلىق سەسسياسى ءوتتى.

پلەنارلىق سەسسيانىڭ اشىلۋىندا قر مەملەكەتتىك حاتشىسى قىرىمبەك كوشەرباەۆ مەملەكەت ازاماتتىق قوعامنىڭ تۇراقتىلىعىن ارتتىرۋعا جاردەمدەسە بەرەتىنىن اتاپ ءوتتى.

ء"بىز قازاقستان ازاماتتارى ەمىن-ەركىن قاۋىمداستىقتارعا بىرىگە الۋىنا جان-جاقتى قولداۋ كورسەتە بەرەتىن بولامىز جانە مۇنى نەگىز قالاۋشى كونستيتۋتسيالىق قۇقىعى رەتىندە قاراستىرامىز. ول قازاقستاننىڭ ساياسي جاڭعىرۋىنىڭ جانە ىلگەرى قارىشتايتىن قوعامدىق پروگرەسىنىڭ ماڭىزدى شارتى سانالادى. سوندىقتان ءبىز بۇگىننەن-اق زاڭنامامىزدى وزگەرتىپ، قوعامدىق كەڭەستەردىڭ، ازاماتتىق قوعامدىق باقىلاۋدىڭ، ەرىكتىلەردىڭ قىزمەتىن كۇشەيتۋگە باعىتتالعان جاڭا زاڭ جوبالارىن ازىرلەيمىز", – دەدى ق.كوشەرباەۆ.

سونىمەن قاتار، وتىرىس بارىسىندا اقپارات جانە قوعامدىق دامۋ ءمينيسترى ايدا بالاەۆا، وڭىرلىك ازاماتتىق سەكتور وكىلدەرى، ساياساتتانۋشى ايدوس سارىم، الماتى قالاسى قوعامدىق كەڭەسىنىڭ حاتشىسى التىناي كوبەەۆا، «اتىراۋ. كىشكەنتاي ەل» بالالاردى وڭالتۋ ورتالىعىنىڭ جەتەكشىسى ەرلان كۇمىسقاليەۆ، «بەرەكە» قب ءتورايىمى روزا ابدۋللاەۆا، Nege.kz قازاق ءتىلدى پورتالىنىڭ ديرەكتورى  الەكساندر دانيلوۆ ءسوز سويلەدى.

فورۋم ەل پرەزيدەنتى قاسىم-جومارت كەمەلۇلى توقاەۆتىڭ جولداۋىنىڭ يدەيالىق مازمۇنىنا سۇيەنەدى، وندا ازاماتتىق سەكتوردى دامىتۋ مەن وركەندەۋدىڭ، ولاردىڭ مەملەكەتكە دەگەن سەنىمىن ارتتىرۋدىڭ ماڭىزدىلىعى اتالدى.

ايدا بالاەۆانىڭ ايتۋىنشا، فورۋم كەرى بايلانىستىڭ الۋان ءتۇرلى تەتىكتەرى قولدانىلعان شىنايى ديالوگقا اينالدى. 40-تان استام ءتۇرلى فورماتتاعى ونلاين سۇقبات الاڭدارى ۇيىمداستىرىلدى.
فورۋمنىڭ ونلاين الاڭدارىنا 20 000-نان استام ادام قاتىستى، تالقىلاۋعا 1500-دەن استام ۇەۇ بەلسەندى وكىلدەرى اتسالىستى.
ورتالىق مەملەكەتتىك ورگانداردىڭ 12 باسشىسىنىڭ سالالىق كەزدەسۋلەرى وتكىزىلدى، وندا ۇەۇ وكىلدەرى "ەركىن ميكروفون" فورماتىندا وزدەرىن تولعاندىراتىن سۇراقتارعا جاۋاپ الدى.

IX ازاماتتىق فورۋمنىڭ قورىتىندىسى بويىنشا ازاماتتىق قوعام وكىلدەرىنەن 650-دەن استام ۇسىنىستار مەن ۇسىنىمدار كەلىپ ءتۇستى. ونىڭ ىشىندە رەسپۋبليكالىق فورۋمنىڭ قورىتىندىسى بويىنشا – 500-دەن استام ۇسىنىم، 17 وڭىرلىك فورۋمنىڭ قورىتىندىسى بويىنشا-150 ۇسىنىس قابىلداندى.

ەستەرىڭىزگە سالا كەتەيىك، ازاماتتىق فورۋم - قر اقپارات جانە قوعامدىق دامۋ مينيسترلىگىنىڭ قولداۋىمەن 2003 جىلدان بەرى ءاربىر ەكى جىل سايىن ۇيىمداستىرىلاتىن ءداستۇرلى الاڭ. قاتىسۋشىلاردىڭ قاۋىپسىزدىگى ماقساتىندا ازاماتتىق فورۋم ونلاين رەجيمگە كوشىرىلدى، ال دەلەگاتتارعا ىڭعايلى بولۋ ءۇشىن مازمۇندى باعدارلاما بەس كۇن بويى جالعاستى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565