بەيسەنبى, 28 ناۋرىز 2024
2206 0 پىكىر 26 قاراشا, 2020 ساعات 16:59

سەناتور: «نۇرلى جەر» باعدارلاماسىنىڭ جارتىسىنان كوبى يگەرىلمەگەن

سەناتور اندرەي لۋكين «نۇرلى جەر» قول جەتىمدى تۇرعىن ءۇي سالۋ مەملەكەتتىك باعدارلاماسىن ىسكە اسىرۋ كورسەتكىشتەرىنە كۇمانداناتىنىن جەتكىزدى. دەپۋتات «نۇرلى جەرگە» بولىنگەن قاراجاتتىڭ 50%-دان استامى يگەرىلمەگەنىنە نازار اۋدارۋىن سۇراپ،  مينيسترلەر كابينەتىنىڭ باسشىسىنا ساۋال جولدادى. باعدارلاماعا 873,8 ميلليارد تەڭگە بولىنسە، ونىڭ تەك  476,8 ميلليارد تەڭگەسى عانا جۇمسالعان. ال تۇرعىن ءۇي العىسى كەلەتىندەردىڭ سانى كۇن ساناپ وسە بەرەتىنى زاڭدى. 

«كەزەكتە تۇرعانداردىڭ ەڭ كوبى نۇر-سۇلتان قالاسىندا تىركەلگەن، وندا 45,2 مىڭ ادام، ال الماتى وبلىسىندا 43,3 مىڭ ادام كەزەكتە تۇر», - دەدى اندرەي لۋكين.

سونىمەن بىرگە، يندۋستريا جانە ينفراقۇرىلىمدى دامىتۋ مينيسترلىگىنىڭ مالىمەتتەرى بويىنشا 2017-2019 جىلدار ارالىعىندا ەلىمىزدە «نۇرلى جەر» باعدارلاماسى بويىنشا 32,5 ملن شارشى مەتر تۇرعىن ءۇي سالىندى. الايدا، بۇل مولشەر جەتكىلىكسىز، دەدى سەناتور، ويتكەنى 500 مىڭنان استام قازاقستاندىق جەكە پاتەرلى بولامىز دەگەن ۇمىتپەن  كەزەكتە تۇر. تىزىمدە  نەگىزىنەن الەۋمەتتىك وسال توپ ازاماتتارى، مەملەكەتتىك قىزمەتكەرلەر، بيۋدجەتتىك ۇيىمداردىڭ قىزمەتكەرلەرى جانە اسكەري قىزمەتكەرلەر بار.

«مەملەكەتتىك باعدارلامانى ىسكە اسىرۋعا بولىنگەن بيۋدجەتتىك قارجى كولەمىن جانە ولاردىڭ دامۋ دەڭگەيىنىڭ تومەندىگىن، سونداي-اق ازاماتتاردى تۇرعىن ۇيمەن قامتاماسىز ەتۋدىڭ اسىرا باعالانعان كورسەتكىشتەرىن ەسكەرە وتىرىپ، بولىنگەن قارجىنىڭ پايدالانىلۋى، قولدانۋعا بەرىلگەن تۇرعىن ءۇيدىڭ ءبولىنۋى جانە مەملەكەتتىك باعدارلامانى ىسكە اسىرۋدىڭ تۇرعىن ۇيگە مۇقتاج ازاماتتاردىڭ سانىن ازايتۋعا ناقتى اسەرى تۋرالى اقپارات بەرۋىڭىزدى سۇرايمىن»، - دەدى اندرەي لۋكين. 

بۇگىنگى كۇنى قازاقستاننىڭ تۇرعىن ءۇي قورىنىڭ اۋدانى 347,4 ملن شارشى مەترگە، كوپ پاتەرلى تۇرعىن ۇيلەردىڭ سانى 78402 داناعا جەتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3497