جۇما, 29 ناۋرىز 2024
2834 0 پىكىر 25 قاراشا, 2020 ساعات 10:47

«دارىن» سىيلىعىنىڭ لاۋرەاتتارى انىقتالدى

2020 جىلعى 20 قاراشادا «قازاقستان رەسپۋبليكاسى ۇكىمەتىنىڭ 2020 جىلعى «دارىن» مەملەكەتتىك جاستار سىيلىعىن بەرۋ تۋرالى» قازاقستان رەسپۋبليكاسى ۇكىمەتىنىڭ قاۋلىسى قابىلداندى.

«دارىن» مەملەكەتتىك جاستار سىيلىعى جاس قازاقستاندىقتارعا جەمىستى عىلىمي، شىعارماشىلىق، قوعامدىق قىزمەتى، سونداي-اق جوعارى سپورتتىق جەتىستىكتەرى ءۇشىن بەرىلەدى جانە ادەبيەت، عىلىم، ديزاين جانە بەينەلەۋ ونەرى، جۋرناليستيكا، كلاسسيكالىق مۋزىكا، قوعامدىق قىزمەت، سپورت، تەاتر جانە كينو، ەسترادا، حالىق شىعارماشىلىعى سياقتى ءتۇرلى سالالارداعى 10 نوميناتسيادان تۇرادى. اعىمداعى جىلى «دارىن» سىيلىعىن الۋعا 160-تان استام ۇمىتكەردىڭ قۇجاتتارى كەلىپ ءتۇستى، وتىنىمدەر 29 ءساۋىر مەن 10 تامىز ارالىعىندا قابىلداندى.

«دارىن» مەملەكەتتىك جاستار سىيلىعىن بەرۋ جونىندەگى كوميسسيا قۇرىلدى. كوميسسيا قۇرامىنا قازاقستان رەسپۋبليكاسىنىڭ بەلگىلى مادەنيەت جانە ونەر قايراتكەرلەرى، عالىمدار، جازۋشىلار، جۋرناليستەر مەن قوعام قايراتكەرلەرى جانە ءوز سالاسىنىڭ كاسىپقويلارى ەندى.

1992 جىلدان باستاپ ەلىمىزدىڭ 264-تەن استام تالانتتى جاستارى سىيلىقتىڭ لاۋرەاتتارى اتاندى. ءار جىلدارى باقتيار ارتاەۆ، سەرىك ساپيەۆ، يليا يلين، دەنيس تەن، ديماش قۇدايبەرگەنوۆ، ماريا مۋدرياك، «مۋز ارت» توبى، قالقامان سارين، ەليزابەت تۇرسىنباەۆا، ءادىلحان ماكين جانە ت.ب. ازاماتتار سىيلىقتىڭ يەسى اتاندى.

بارلىق جەڭىمپازدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، ديپلوم، توسبەلگى جانە 600 000 تەڭگە اقشالاي سىيلىق تابىس ەتىلەدى. «دارىن» مەملەكەتتىك جاستار سىيلىعىن بەرۋ قازاقستان رەسپۋبليكاسىنىڭ تاۋەلسىزدىك كۇنى قارساڭىندا جوسپارلانىپ وتىر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558