سەيسەنبى, 19 قاڭتار 2021
655 0 پىكىر 24 قاراشا, 2020 ساعات 11:50

«استىق تۋرالى» زاڭ جوباسى ماقۇلداندى

ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ جالپى وتىرىسى ءوتتى. وندا دەپۋتاتتاردىڭ باستاماسىمەن ازىرلەنگەن «استىق تۋرالى» زاڭ جوباسى ماقۇلداندى.

نۇرلان نىعماتۋلين وسى زاڭ جوباسىنىڭ ماڭىزدىلىعىن العا تارتا كەلە:

- سوڭعى كەزدە پاندەمياعا بايلانىستى كوپتەگەن مەملەكەتتەر  شەكتەۋ رەجيمدەرىن ەنگىزدى. ساۋدا-ەكونوميكالىق بايلانىستار ازايدى. بۇل جاعداي،  ارينە،  ازىق-تۇلىك  ماسەلەسىنە دە اسەر ەتەدى. ال،  استىق ماسەلەسى – ول  ءبىرىنشى  كەزەكتەگى الەۋمەتتىك   سۇراق. سوندىقتان، وسى  زاڭ جوباسىندا قارالعان استىق قورلارىن ساقتاۋدى مەملەكەتتىك قامتاماسىز ەتۋ، وسى سالاداعى وپەراتوردىڭ مارتەبەسىن انىقتاۋ تۋرالى نورمالار  وتە   ماڭىزدى، بۇگىن وتە كەرەك نارسە، - دەدى.

دەپۋتاتتاردىڭ باستاماسىمەن ازىرلەنگەن زاڭ جوباسى تابيعي جانە تەحنوگەندىك سيپاتتاعى توتەنشە جاعدايلار تۋىنداعان، توتەنشە جاعداي ەنگىزىلگەن كەزدە ەلدى ازىق-تۇلىك استىعىمەن كەپىلدى تۇردە قامتاماسىز ەتۋ، سونداي-اق «ازىق-تۇلىك كەلىسىمشارت كورپوراتسياسى» ۇلتتىق كومپانياسى» اكتسيونەرلىك قوعامىنىڭ مارتەبەسى مەن ءرولىن زاڭنامالىق تۇرعىدان ايقىنداۋ ماقساتىندا ازىرلەدى.

Abai.kz

0 پىكىر