بۇگىن «اۋىل» حالىقتىق-دەموكراتيالىق پاتريوتتىق پارتياسىنىڭ كەزەكتەن تىس XVIII سەزىندە ءماجىلىس دەپۋتاتتىعىنا كانديداتتار ءتىزىمى بەكىتىلدى.

پارتيا توراعاسى ءالي بەكتاەۆتىڭ ايتۋىنشا، «اۋىل» پارتياسىنان ءماسليحات دەپۋتاتتىعىنا 654 كانديدات تىركەلگەن.

«بۇگىن ماجىلىسكە ۇسىنىلاتىن كانديداتتاردىڭ بارلىعى ساراپشىلارمەن، ءوڭىر وكىلدەرىمەن، ساياسي كەڭەس، تورالقا مۇشەلەرىمەن تالقىلانىپ، قولداۋ تاپتى. ەندى سەزد قاراۋىنا ۇسىنىلىپ وتىر»، - دەدى ءالي بەكتاەۆ.

ءسويتىپ، «اۋىل» پارتياسى ورتالىق اپپاراتىنىڭ باسشىسى قۋانىش سەيىتجانوۆ ءماجىلىس دەپۋتاتتىعىنا كانديداتتار ءتىزىمىن جاريا ەتتى. تىزىمگە 19 ادام كىرىپ وتىر.

ولار:

1. س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى قايرات ايتۋعانوۆ;

2. قر مادەنيەت جانە سپورت مينيسترلىگى تۋريزم يندۋسترياسى كوميتەتى باسقارماسىنىڭ جەتەكشىسى قارلىعاش ارالبەكوۆا;

3. «نوماد» شارۋا قوجالىعىنىڭ توراعاسى نيكولاي ارسيۋتين;

4. قازاقستان جۋرناليستەرى كاسىپوداعىنىڭ باسشىسى زەيىن الىپبەكوۆ;

5. «زىليقا» شارۋا قوجالاعىنىڭ توراعاسى نۇرجىگىت بەگالى;

6. «استانا» اۋىل شارۋاشىلىعى ونەركاسىبى كووپەراتسياسى« اق باسقارماسىنىڭ توراعاسى تالعات زەينۋللين;

7. قر قازاقستان جازۋشىلار وداعى نۇر-سۇلتان قالالىق فيليالىنىڭ توراعاسى داۋلەتكەرەي كاپۇلى;

8. س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ دەپارتامەنت ديرەكتورى ايگەرىم كوكەەۆا;

9. «قازاق ادەبيەتى» گازەتىنىڭ باس رەداكتورى داۋرەن قۋات;

10. «يننوۆاتسيالىق تەحنولوگيالار اكادەمياسى» جشس-ءنىڭ باس ديرەكتورى بولاتبەك قىستاۋ;

11. قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ ماڭعىستاۋ وبلىستىق اۋماقتىق ينسپەكتسياسىنىڭ باسشىسى كەنجەعالي ماشىرىقوۆ;

12. ەكونوميكا، قارجى سالاسىنىڭ بىلىكتى مامانى الماس مۇحامەتوۆ;

13. «اۋىل» پارتياسى توراعاسىنىڭ ءبىرىنشى ورىنباسارى تولەۋتاي راحىمبەكوۆ:

14. ايدار ساتتاروۆ;

15. قر بعم عم ەكونوميكا ينستيتۋتىنىڭ ديرەكتورى ءازىمحان ساتىبالدين;

16. «مامىلە» اۋىزەكى قازاق ءتىلى كلۋبىنىڭ نەگىزىن قالاۋشى قانات تاسىبەكوۆ;

17. ەكونوميكا عىلىمدارىنىڭ دوكتورى رابيعا توقسەيىتوۆا;

18. «ادەمى-اي» كومپانياسىنىڭ قۇرىلىستايشىسى باحارگۇل تولەگەن;

19. «ازيمۋت» جشس-نىڭ ديرەكتورى ۆالەنتين حادانوۆيچ.

سونىمەن قاتار، بيىلعى سايلاۋدا ۇمىتكەرلەردىڭ ۇشتەن ءبىرى جاستار مەن ايەلدەر بولۋى شارت.

«بۇل كريتەريلەرمەن ءوز باسىم تولىق قوسىلامىن. جاستاردى دا، قىز-كەلىنشەكتەردى دە ءتۇرلى بيلىك سالاسىنا ارالاستىرۋدى كوبەيتۋ ماقساتىندا جاسالىپ وتىر. وزدەرىڭىز بىلەسىزدەر، بىزدە بارلىق وڭىردە كونفەرەنتسيالار ءوتتى. سولاردىڭ بارلىعىندا دا ءتيىستى دەڭگەيدەگى ماسليحاتقا كانديداتتار ۇسىنىلدى. پارتيالىق تىزىمدەر تىركەلدى»- دەدى ءالي بەكتاەۆ.

Abai.kz