جۇما, 29 ناۋرىز 2024
2004 1 پىكىر 18 قاراشا, 2020 ساعات 12:49

200-دەن استام مۇعالىم مەن مىڭنان اسا وقۋشى كوروناۆيرۋس جۇقتىردى

1 قىركۇيەكتەن بەرى قازاقستاندا 241 مۇعالىم مەن 1042 وقۋشىعا كوروناۆيرۋس جۇققان. 302 وقۋشى كەزەكشى سىنىپتا وقىعان. بۇل اقپاراتتى 17 قاراشا كۇنگى بريفينگ كەزىندە دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق قاداعالاۋ كوميتەتىنىڭ ءتورايىمى ايجان ەسماعامبەتوۆا حابارلادى.

- 1 قىركۇيەك پەن 16 قاراشا ارالىعىندا كەزەكشى سىنىپقا بارىپ جۇرگەن 302 وقۋشىدان كوروناۆيرۋس انىقتالدى. ءبىر بالادان ۆيرۋس پنەۆمونياسى تابىلدى. قازىر 456 بالا ەمدەلىپ جاتىر. وقۋ جىلىنىڭ باسىنان بەرى مەكتەپ قىزمەتكەرلەرىنىڭ اراسىندا 241 جاعداي تىركەلدى، - دەدى كوميتەت جەتەكشىسى.

ونىڭ سوزىنە قاراعاندا، كوروناۆيرۋس جۇققان وقۋشى مەن مۇعالىم ەلدىڭ بارلىق ايماعىنان تابىلعان. ءاربىر جاعداي بويىنشا ەپيدەميولوگيالىق زەرتتەۋ جۇرگىزىلىپ، ۆيرۋس جۇققان اداممەن بايلانىستا بولعاندار انىقتالىپ جاتىر.

كوروناۆيرۋسقا بايلانىستى قازاقستاندا وقۋشىلاردىڭ باسىم بولىگى 1 قىركۇيەكتەن بەرى قاشىقتان ءبىلىم الىپ جاتىر. تەك كەيبىر مەكتەپتەردە باستاۋىش سىنىپتارعا ارنالعان "كەزەكشى سىنىپتار" ۇيىمداستىرىلعان. بۇعان قوسا، كەيبىر ايماقتا بالا سانى 300-دەن اسپايتىن شاعىن مەكتەپتەرگە ءداستۇرلى فورماتتا وقۋعا رۇقسات ەتىلگەن.

ءبىلىم جانە عىلىم مينيسترلىگىنىڭ مالىمەتىنشە، 3 ميلليوننان استام وقۋشىنىڭ التىدان ءبىر بولىگى نەمەسە جارتى ميلليوننان استام بالا مەكتەپكە بارىپ ءجۇر.

16 قاراشادا بارلىق مەكتەپتە ەكىنشى توقسان باستالدى.

قازاقستاندا سوڭعى ۋاقىتتا كوروناۆيرۋس جۇقتىرعانداردىڭ كوبەيگەنى بايقالادى. دەنساۋلىق ساقتاۋ مينيسترلىگىنىڭ Telegram-ارناسىنداعى مالىمەت بويىنشا، قازىر شىعىس قازاقستان جانە سولتۇستىك قازاقستان وبلىسى "قىزىل ايماققا" ەنگەن. نۇر-سۇلتان، الماتى قالاسى، قوستاناي، پاۆلودار وبلىستارى - "سارى ايماقتا". قالعان ايماقتار - "جاسىل زونادا". وسىعان دەيىن باتىس قازاقستان وبلىسىندا كارانتين كۇشەيگەنى حابارلانعان ەدى.

سوڭعى مالىمەت بويىنشا، قازاقستاندا كوروناۆيرۋس جۇققانى تەستپەن دالەلدەنگەن 121 مىڭنان استام ادام بار: 109 مىڭى جازىلعان، 1952 ادام قايتىس بولعان. بۇعان قوسا، 40 مىڭنان اسا ادامعا كوروناۆيرۋس پنەۆمونياسى دياگنوزى قويىلعان: باسىم بولىگى ايىققان، 421 ادام قايتىس بولعان.

ەلدە كوروناۆيرۋس ستاتيستيكاسىنا كۇمان كەلتىرەتىندەر دە بار. تاۋەلسىز زەرتتەۋ جۇرگىزگەن ساندج زەرتتەۋ ۇيىمى "ەلدە ءۇش ميلليوننان استام ادامعا ۆيرۋس جۇققان" دەپ سانايدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563