جۇما, 29 ناۋرىز 2024
9073 25 پىكىر 6 قاراشا, 2020 ساعات 14:32

سايلاۋعا قاي پارتيالار قاتىسادى؟

ورتالىق سايلاۋ كوميسسياسى كەلەر جىلدىڭ قاڭتارىندا وتەتىن ءماجىلىس پەن ءماسليحات سايلاۋىنا قاتىساتىن پارتيالاردىڭ ءتىزىمىن جاريالادى. 

كوميسسيا مالىمەتىنشە، الداعى پارلامەنت سايلاۋىنا 6 پارتيا قاتىسادى ەكەن.

«اق جول» قازاقستاننىڭ دەموكراتيالىق پارتيلاۋياسىنا، «اۋىل» حالىقتىق-دەموكراتيالىق پاتريوتتىق پارتياسىنا، «بىرلىك» ساياسي پارتياسىنا، جالپىۇلتتىق سوتسيال-دەموكراتيالىق پارتياعا، قازاقستاننىڭ كوممۋنيستىك حالىق پارتياسىنا جانە «Nur Otan» پارتياسىنا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋعا قاتىسۋعا رۇقسات بەرۋ تۋرالى 6 قاۋلى قابىلداندى»,- دەلىنگەن وسك مالىمدەمەسىندە.

بۇعان دەيىن اتالعان پارتيا وكىلدەرى سايلاۋعا قاتىساتىندارىن رەسمي تۇردە مالىمدەگەن بولاتىن.

ماسەلەن، 21 قازان كۇنى «اق جول» پارتياسى ءوز مالىمدەمەسىن جاسادى.

«اق جول» دەموكراتيالىق پارتياسى قازاقستانداعى جەتەكشى ساياسي ۇيىمداردىڭ ءبىرى رەتىندە اتالعان سايلاۋعا ءوزىنىڭ قاتىساتىنىن مالىمدەيدى»،- دەگەن. ال، پارتيانىڭ سايلاۋالدى قۇرىلتايى بيىلعى جىلدىڭ 20 قاراشاسىندا وتەدى.

ودان كەيىن «اۋىل»  پارتياسى دا ءماجىلىس سايلاۋىنا قاتىساتىندارىن ايتتى.

«ءبىز قازاقستاندا جۇمىس ىستەپ كەلە جاتقان ساياسي پارتيانىڭ ءبىرى رەتىندە وسى ساياسي ناۋقانعا قاتىسۋعا تولىق قۇقىلىمىز...»، - دەدى پارتيا توراعاسى ءالي بەكتاەۆ. «اۋىل» پارتياسىنىڭ كەزەكتەن تىس سەزى 2020 جىلدىڭ 18 قاراشاسىنا بەلگىلەنگەن.

ال، «بىرلىك» ساياسي پارتياسى كۇنى كەشە ساياسي كەڭەس وتىرىسىن وتكىزىپ، پارتيانىڭ رەبرەندينگى مەن اتاۋىن وزگەرتۋ تۋرالى شەشىم قابىلدادى. ەندى «بىرلىك» پارتياسى «ادال» دەپ اتالادى.

«ءبىز رەبرەندينگ بويىنشا زەرتتەۋ جۇرگىزدىك. زەرتتەۋدى كاسىبي الەۋمەتتانۋشىلار وتكىزىپ، ولار 10-عا جۋىق نۇسقانى قارادى. جۇرگىزىلگەن ساۋالناما ناتيجەسى بويىنشا كوپشىلىگى «ادال» دەگەن نۇسقانى تاڭداعان. ماماندار مۇنى حالىقتىڭ جاڭارۋعا دەگەن قاجەتتىلىگىن، ادىلەتتىلىككە دەگەن سۇرانىسىن تۇسىندىرەدى دەيدى», - دەپتى پارتيا توراعاسى سەرىك سۇلتانعالي.

ايتا كەتەيىك، بۇعان دەيىن اتالعان پارتيا «اۋىل» پارتياسىنىڭ قۇرامىنا قوسىلۋ تۋرالى ۇسىنىس ايتقان بولاتىن. بىراق، «اۋىلدىقتار»: «بىرلىك» پارتياسىنىڭ ساياسي بەلسەندىلىگى تومەن ءارى كەيىنگى ءۇش جىلدىڭ ىشىندە ەلدەگى بولىپ جاتقان قوعامدىق-ساياسي وقيعالارعا ارالاسۋدا بەلسەندىلىك تانىتپادى»، دەپ قابىلداماپتى.

سونىمەن قاتار، جالپىۇلتتىق سوتسيال-دەموكراتيالىق پارتياسى دا الداعى سايلاۋدا باعىن سىنايدى. بۇل تۋرالى پارتيا وكىلى تازابەك سامبەتباي الەۋمەتتىك جەلىدەگى پاراقشاسىندا جسدپ توراعاسى اسحات راحيمجانوۆتىڭ مالىمدەمەسىن جاريالادى.

«سايلاۋ ارقىلى مەملەكەتتى باسقارۋ قۇقىعى جۇزەگە اسىرىلادى، سوندىقتان كەز-كەلگەن ساياسي پارتيالار سياقتى جسدپ دا بۇل پروتسەستەرگە قاتىسۋى كەرەك»، دەپتى پارتيا توراعاسى. الداعى ۋاقىتتا سايلاۋ ناۋقانىن ۇيىمداستىرۋعا قاتىستى پارتيالىق شەشىم قابىلداناتىن كورىنەدى.

سونداي-اق، قازاقستان كوممۋنيستىك حالىق پارتياسى دا سايلاۋدا باعىن سىناماق. بۇل تۋرالى پارتيانىڭ ساياسي بيۋرو وتىرىسىندا ايتىلعان. ال، پارتيا سەزى 2020 جىلدىڭ 11-ءشى قاراشاسىنا بەلگىلەنىپتى.

«پارلامەنتتەگى ءبىزدىڭ 7 دەپۋتاتتىڭ ءبارى سايلاۋعا تۇسەدى. ولار جاسقا قارامايدى. ماجىلىستەگى ەڭ جاسى ۇلكەن سانالاتىن كوسارەۆ تا قاتىسادى. مەنىڭ پارلامەنتتىك سايلاۋعا قاتىسپاۋعا قۇقىعىم جوق. ەگەر ءبىزدىڭ پارتيا جەڭىپ شىققان جاعدايدا ماجىلىسكە مەن بارامىن با، الدە باسقا ادام سايلانا ما، ونى سەزد شەشەدى»، دەپتى جامبىل احمەتبەكوۆ.

سونىمەن قاتار، بيلىك پارتياسى سانالاتىن «Nur Otan» وسىعان دەيىن پرايمەريز وتكىزىپ، پارتياىشىلىك ىرىكتەۋ جاساعان. اتالعان پارتيانىڭ سەزى 25 قاراشاعا جوسپارلانعان.

Abai.kz

25 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3596