«7-20-25» وپەراتورىنان قولدانىستا بولعان تۇرعىن ۇيلەرگە ارنالعان «باسپانا حيت» يپوتەكالىق جوباسىنا وزگەرىستەر ەنگىزىلدى. بۇدان بىلاي اتالعان باعدارلاما نەگىزىندە سالىنىپ جاتقان تۇرعىن ءۇيدى ساتىپ الۋعا رۇقسات ەتىلەدى جانە باعدارلاماعا ۇلەستىك قۇرىلىس كىرەدى. قازىرگى تاڭدا ساتىپ الىنعان باسپانانىڭ شەكتى قۇنى كوتەرىلدى.

بۇعان دەيىن ەلباسى نۇرسۇلتان نازارباەۆتىڭ 2018 جىلدىڭ 10 قاڭتارىنداعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» دەپ اتالاتىن قازاقستان حالقىنا جولداۋىندا كوتەرىلگەن جانە ەكس-پرەزيدەنتتىڭ بيزنەستى قولداۋ اياسىنداعى ۇزاق مەرزىمدى نەسيە بەرۋ تاپسىرماسىن ىسكە اسىرۋ شەڭبەرىندە، سونىمەن قاتار قازاقستان رەسپۋبيلكاسىنىڭ پرەزيدەنتى قاسىم-جومارت توقاەۆتىڭ بيىلعى جىلدىڭ 1 قىركۇيەگىندە جاريالانعان «جاڭا جاعدايداعى قازاقستان: ءىس-قيمىل كەزەڭى» دەپ اتالاتىن ەل حالقىنا ارنالعان جولداۋىندا ايتىلعان ەكونوميكانىڭ ناقتى سەكتورلارىن نەسيەلەۋ كەرەكتىگى تۋرالى تاپسىرماسىن ىسكە اسىرۋ ءۇشىن قازاقستان ۇلتتىق بانكى باسقارماسىنىڭ «تۇرعىن ءۇي نارىعىندا ۇزاق مەرزىمدى كرەديتتەۋدى ىنتالاندىرۋ تاسىلدەرى» دەپ اتالاتىن قاۋلىعا وزگەرىستەر ەنگىزدى.

اتالعان شارانىڭ نەگىزگى مىندەتى تۇرعىن ءۇي نارىعىنداعى ۇزاق مەرزىمدى نەسيەلەۋدى جانداندىرۋ، ەكونوميكاداعى ۇزاق مەرزىمدى بانكتىك كرەديتتەۋدى كەڭەيتۋ سونىمەن قاتار حالىقتىڭ ءارتۇرلى توپتارى ءۇشىن تۇرعىن ءۇي يپوتەكاسىنىڭ قولجەتىمدى بولۋىن قامتاماسىز ەتۋ. اتالعان جوبا «قازاقستاننىڭ ورنىقتىلىق قورى» اكتسيونەرلىك قوعامىنا تيەسىلى «باسپانا حيت» نارىقتىق يپوتەكالىق جوباسى ارقىلى ىسكە اسىرىلادى.

اتالعان جوبا حالىققا يپوتەكانىڭ ۇتىمدى تالاپتارىن دايىنداعان. ماسەلەن، يپوتەكانىڭ جىلدىق نومينالدى سىياقى مولشەرلەمەسى بانكتىك قارىز شارتى جاسالعان كۇنىنە «بازالىق مولشەرلەمە +175 بازيستىك تارماق» فورمۋلاسى نەگىزىندە انىقتالادى،سونىمەن قاتار ول قارىز مەرزىمى ىشىندە وزگەرمەيدى. قارىز ۋاقىتى 15 جىلعا دەيىن، ال باستاپقى جارنا 20 پايىزدان باستالادى.

تاعى ءبىر ايتا كەتەرلىگى «باسپانا حيت» جوباسى بويىنشا باستاپقى العان ۇيىڭىزدەن بولەك تاعى دا قايتالاما نارىقتا دا تۇرعىن ءۇي ساتىپ الۋعا مۇمكىندىك بار. وندا جەكە تۇلعانىڭ باسىندا باسپانا بولماۋى بويىنا تالاپتار قويىلمايدى.

«باسپانا حيت» يپوتەكالىق جوباسى نەگىزىندە 2020 جىلدىڭ 26 قازانىنداعى جاعداي بويىنشا 44 228 ءوتىنىش قابىلدانعان. ونىڭ جالپى قۇنى 388,1 ميلليارد تەڭگە. ونىڭ ىشىندە 306,8 ميلليارد تەڭگە «باسپانا حيت» باعدارلاماسىن ىسكە اسىرۋ بارىسىندا ازاماتتاردىڭ وتىنىشتەرى مەن بانكتەردىڭ، قوعامدىق بىرلەستىكتەر مەن قۇرىلىس سالۋشىلاردىڭ ۇسىنىس تالاپتارى تالدانىپ، سونىڭ نەگىزىندە قازاقستان ۇلتتىق بانكى بيىلعى جىلدىڭ قىركۇيەك ايىندا تۇرعىن ۇيلەرگە دەگەن قولجەتىمدىلىكتى ارتتىرۋدى جانە باستاپقى تۇرعىن ۇيگە دەگەن سۇرانىستى كوبەيتۋگە ارنالعان تۇزەتۋلەردى بەكىتكەن بولاتىن.

سونىمەن قاتار، اتالعان قاۋلىدا كەلەسى تالاپتار نەگىزگە الىنعان:

- باستاپقى نارىقتا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن نۇر-سۇلتان مەن الماتى قالالارىندا 25 ميلليون تەڭگەدەن 35 ميلليون تەڭگەگە دەيىن كوبەيتۋ;

- شىمكەنت قالاسىندا باستاپقى جانە قايتالاما نارىقتاردا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن 25 ميلليون تەڭگەگە دەيىن ۇلعايتۋ، ال، قاراعاندى قالاسىندا 20 ميلليون تەڭگەگە دەيىن ۇلعايتۋ كوزدەلگەن;

- «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭىنا سايكەس سالىنىپ جاتقان تۇرعىن ءۇيدى ۇلەستىك قاتىسۋ شەڭبەرىندە ساتىپ الۋ بويىنشا كرەديتتەۋ جوباسى ىسكە اسىرىلاتىن بولادى.

سونىمەن قاتار، «باسپانا حيت» باعدارلاماسىنىڭ سالىمشىلارى جاڭا شەكتى باعالارمەن يپوتەكانى قازىردەن باستاپ راسىمدەي الادى. ال، ۇلەستىك قاتىسۋ شەڭبەرىندە سالىنىپ جاتقان تۇرعىن ءۇيدى ساتىپ الۋعا نەسيە بەرۋدى باستاۋ ءۇشىن باعدارلاما وپەراتورى قازىردەن باستاپ سەرىكتەس بانكتەرمەن بىرگە دايىندىق جۇمىستارىن جۇرگىزىپ جاتىر. ال، سالىنىپ جاتقان تۇرعىن ۇيگە نەسيە بەرۋ تالاپتارى تۋرالى از ۋاقىتتان كەيىن جاريا بولادى.

ايتا كەتەيىك، «باسپانا حيت» يپوتەكالىق جوباسى - قولدانىستا بولعان تۇعىن ءۇيدى، باستاپقى تۇرعىن ءۇيدى جانە ۇلەسكەرلىك قۇرىلىس ارقىلى سالىنىپ جاتقان باسپانالاردى دا ساتىپ الۋعا مۇمكىندىك بەرەتىن ءتيىمدى يپوتەكالىق باعدارلاما. اتالعان جوبا بويىنشا قۇرىلىسى اياقتالماعان باسپانالار مەن 50 جىلدان ەسكى ەمەس ۇيلەردى ەڭ ءتيىمدى تالاپتار بويىنا ساتىپ الۋعا بولادى. تۇرعىن ءۇيدىڭ سوماسى 35 ميلليون تەڭگەگە دەيىن. ال، قارىز مەرزىمى 15 جىلعا دەيىن ياعني، 180 ايعا جوسپارلانعان. سىياقى مولشەرلەمەسى 10,75 پايىزدى قۇرايدى. ال، باستاپقى جارناسى 20 پايىزدان جوعارى.

باعدارلاما اياسىندا باسپانانى قازاقستاننىڭ بارلىق وڭىرلەرىنەن ساتىپ الۋعا بولادى.

ماسەلەن، نۇر-سۇلتان جانە الماتى قالالارىنداعى باستاپقى تۇرعىن ءۇي ءۇشىن باعا قۇنى - 35 ميلليون تەڭگە. ال، ەكى قالاداعى قولدانىستا بولعان تۇرعىن ءۇي ءۇشىن، اقتاۋ، اتىراۋ، شىمكەنت قالالارىنداعى باستاپقى جانە قولدانىستا بولعان تۇرعىن ءۇي ءۇشىن باعا قۇنى - 25 ميلليون تەڭگە.سونىمەن قاتار، قاراعاندى قالاسىنداعى باستاپقى جانە قولدانىستا بولعان تۇرعىن ءۇي ءۇشىن باعا قۇنى 20 ميلليون تەڭگە. ال، باسقا وڭىرلەردەگى باستاپقى جانە قولدانىستا بولعان تۇرعىن ءۇي ءۇشىن باعا قۇنى - 15 ميلليون تەڭگەنى قۇرايدى.

Abai.kz