دۇيسەنبى, 23 قاراشا 2020
COVID-19 قازاقستاندا. جۇقتىرعاندار — 126182. جازىلعاندار — 112806. قايتىس بولعاندار — 1945
46 - ءسوز 1292 5 پىكىر 26 قازان, 2020 ساعات 12:48

مەن نە ءۇشىن وكىنەمىن؟

كەزىندە الاش بالاسى ءۇشىن جان بەرگەن اقيىق اردا اقىنىمىز ماعجان: «مەن جاستارعا سەنەمىن» دەپ ەدى. وكىنىشتىسى قازىرگى بيلىك جاستارعا سەنبەيتىن سەكىلدى. مۇنى قازىرگى پارلامەنتتە وتىرعانداردىڭ جاس قۇرامىنا قاراپ-اق بايقاۋعا بولاتىنداي. مىنا تىزبەگە (الەۋمەتتىك جەلىدەن الىندى! قاراڭىز:

80+ جاس – 1 ادام 0,7%

70-74 جاس – 4 ادام 2,7%

65-69 جاس – 21 ادام 14,3%

60-64 جاس – 34 ادام 23,1%

55-59 جاس – 44 ادام 29,9%

50-54 جاس – 21 ادام 14,3%

45-49 جاس – 11 ادام 7,5%

40-44 جاس – 4 ادام 2,7%

35-39 جاس – 6 ادام 4,1%

30-35 جاس – 1 ادام 0,7%

بويدان كۇش قايتقان، ەشقانداي ايتارى جوق، باستاما كوتەرە المايتىن قانشاما شال-شاۋقان، كەمىپرلەر ءالى دەپۋتات بولىپ وتىر. وسىلار ءوز ەركىمەن باس تارتىپ ورىندارىن جاستارعا بەرسە عوي. جاستار مەملەكەت ءۇشىن ۇلكەن پايدالى ىستەر جاسار ەدى. مەملەكەتتىڭ، ۇلتتىڭ مۇددەسىن كوزدەيتىن يگى زاڭداردى دۇنيەگە اكەلەر ەدى. امال قانشا شال-كەمپىرلەر ورىندارىن بوساتقىسى جوق.

ءتىپتى بيىل پارلامەنتتە وتىرعان دەپۋتاتتارعا 14 ملرد.391 ميلليون تەڭگە ءبولىنىپ جاتىر ەكەن. ياعني ءار دەپۋتاتقا 92 ميلليوننان استام اقشادان كەلەدى ەكەن. پارلامەنتتەگى ازىن-اۋلاق جاستاردى ايتپاي-اق قويالىق، ماسىل بولىپ وتىرعان قانشاما جاسى ۇلكەن ادامداردى قاشانعى اسىراي بەرەمىز؟

تۇسىنىكسىز. قازىر الدا تاعى پارلامەنت سايلاۋى كەلە جاتىر. تاعىدا سول اتا-اپالارىمىز ءبىرازى پارلامەنتكە كەلەرى ايقىن. دەمەك تاعىدا سول ماسىلداردى اسىراۋعا ءتيىسپىز. نەگە؟

ازاماتحان ءامىرتايدىڭ جازباسى

Abai.kz

5 پىكىر