بەيسەنبى, 28 ناۋرىز 2024
ساڭلاق 5623 9 پىكىر 25 قازان, 2020 ساعات 03:10

UFC-دە جەڭىسكە جەتكەن العاشقى قازاق!

24 قازان كۇنى ابۋ-دابيدەگى ياس ارالىندا ارالاس جەكپە-جەك سپورتىنان UFC 254 ءتۋرنيرى ءوتتى.

كەشتىڭ باستى جەكپە-جەگىندە جەڭىل سالماقتاعى (70 كەلى) UFC چەمپيونى، رەسەيلىك حابيب نۋرماگومەدوۆ امەريكالىق دجاستين گەتجيدى جەڭدى. جەكپە-جەكتەن كەيىن بۇگىنگە دەيىن 29 كەزدەسۋ وتكىزىپ، بارىندە جەڭىسكە جەتكەن حابيب مما-داعى مانسابىن اياقتايتىنىن مالىمدەدى.

اتالعان كەش اياسىندا قازاقستاندىق فايتەر شاۆكات راحمونوۆ كوپتكەن كۇتكەن UFC-دەگى العاشقى كەزدەسۋىن وتكىزدى. 26 جاستاعى شاۆكات برازيليالىق الەكس وليۆەيرامەن جۇدىرىقتاستى.

32 جاستاعى وليۆەيرا وتە تاجىريبەلى سپورتشى بولاتىن. بۇگىن ول UFC-دەگى 19-جەكپە-جەگىن وتكىزدى. سوعان قاراماستان قازاقستاندىق فايتەر ءبىرىنشى راۋندتا جەڭىسكە جەتتى. شاۆكات قارسىلاسىن قىلقىندىرۋ ادىسىمەن جەڭدى.

وسىلايشا، شاۆكات راحمونوۆ ءوزىنىڭ مانسابىنداعى 13-جەكپە-جەگىندە جەڭىسكە جەتىپ، امەريكاندىق پروموۋشەن تۋى استىنداعى دەبيۋتىن ءساتتى وتكىزدى. كەزدەسۋدەن كەيىن ول امەريكالىق ۇيىمداستىرۋشىلاردىڭ سۇراقتارىنا قازاق تىلىندە جاۋاپ بەرگەنىن دە ايتا كەتەيىك.

UFC - ارالاس جەكپە-جەك الەمىندەگى (مما) ەڭ بەدەلدى پروموۋشەن. باسقاشا ايتقاندا، ەرەجەسىز جەكپە-جەك سپورتىنىڭ ەڭ بيىك شىڭى دەۋگە بولادى. شاۆكات راحمونوۆ وسى ۇيىممەن كەلىسىمشارتقا وتىرعان العاشقى قازاقستاندىق سپورتشى.

ول 2019 جىلى شىلدە ايىندا UFC فايتەرى اتانعان بولاتىن. بىراق ءتۇرلى سەبەپتەرمەن UFC-دەگى دەبيۋتى بۇگىن عانا ءوتىپ وتىر. ول العاشقى جەكپە-جەگىن وسى جىلدىڭ ناۋرىز ايىندا وتكىزۋى كەرەك ەدى. بىراق كوروناۆيرۋسقا بايلانىستى ول تۋرنير وتپەي قالدى. ال شىلتەدە وتكەن تۋرنيرگە شاۆكات جاراقاتىنا بايلانىستى قاتىسا المادى.

شاۆكات راحمونوۆ UFC-دە جەڭىسكە جەتكەن العاشقى قازاقستاندىق اتانىپ وتىر. بۇعان دەيىن تاعى ءبىر جەرلەسىمىز جالعاس جۇماعۇلوۆ UFC-دە ونەر كورسەتكەنىمەن (UFC 251), جەڭىلىپ قالعان بولاتىن.

قۋانىش قاپپاس

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515