سەنبى, 6 ناۋرىز 2021
بيلىك 1203 2 پىكىر 23 قازان, 2020 ساعات 13:25

بالاەۆا: «پەتيتسيا» ۇعىمىن رەسمي بەكىتەتىن قۇقىقتىق بازا ازىرلەنىپ جاتىر

قر اقپارات جانە قوعامدىق دامۋ ءمينيسترى ايدا بالاەۆا قر پرەزيدەنتى جانىنداعى وكق-دا وتكەن بريفينگتە مەملەكەت باسشىسىنىڭ قازاقستان حالقىنا جولداۋىندا بەرگەن تاپسىرمالارىن ورىنداۋ بارىسى تۋرالى ايتتى.

- مەملەكەت باسشىسى ءوز جولداۋىندا حالىققا ونلاين پەتيتسيالار ارقىلى ءوز ەرىكتىلىكتەرىن بىلدىرۋگە مۇمكىندىك بەرۋ قاجەتتىگىن ەرەكشە اتاپ وتكەن بولاتىن.

وسىعان بايلانىستى اقپارات جانە قوعامدىق دامۋ مينيسترلىگى پەتيتسيا تاجىريبەسىن ناقتى ءىس-جۇزىندە قولداناتىن الەمنىڭ 30-عا جۋىق ەلىنىڭ ءىس-تاجىريبەسىن زەرتتەدى. كوپ ەلدە پەتيتسيا ۇجىمدىق ءوتىنىش ءبىلدىرۋدىڭ ەلەكتروندى فورماسى بولىپ سانالادى جانە زاڭ جۇزىندە رەتتەلەدى.

وسىنىڭ نەگىزىندە پەتيتسيا ۇعىمىن ناقتى بەكىتەتىن جانە ۇسىنۋ مەن قاراۋ ءتارتىبىن رەتتەيتىن قۇقىقتىق بازا ازىرلەنىپ جاتىر. ارينە، ءوتىنىشتى مىندەتتى تۇردە قاراۋ ءۇشىن وعان قاجەتتى داۋىس بەرۋشىلەردىڭ شەكتى سانىن قاراۋ قاجەت. الەمدەگى بۇل كورسەتكىش 10 مىڭنان 100 مىڭ ادامعا دەيىن قاراستىرىلادى، - دەدى بالاەۆا.

ول اتاپ وتكەندەي، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ونلاين پلاتفورما قۇرۋدىڭ تەحنيكالىق مۇمكىندىكتەرىن ازىرلەيدى.

- تۇزەتۋلەردىڭ ازىرلەگەن بلوگى «قوعامدىق باقىلاۋ تۋرالى» زاڭ جوباسىنا ىلەسپە زاڭ جوباسى رەتىندە ەنگىزىلەدى، - دەدى ول.

Abai.kz

2 پىكىر