بەيسەنبى, 28 ناۋرىز 2024
دات 5232 20 پىكىر 23 قازان, 2020 ساعات 11:55

«سايلاۋ تۋرالى» زاڭعا وزگەرىس ەنگىزىلۋىن تالاپ ەتەمىز! 

قر پرەزيدەنتى  ق.ك. توقاەۆقا

قر كونستيتۋتسياسىنىڭ 33-بابىنا سايكەس قازاقستان ازاماتتارى مەملەكەتتىك ورگاندار مەن جەرگىلىكتى ءوزىن-ءوزى باسقارۋ ورگاندارىنا سايلاۋعا جانە سايلانۋعا قۇقىلى. الايدا سوڭعى جىلداردا «سايلاۋ تۋرالى» زاڭعا وزگەرتۋلەر جاسالۋىنان پارلامەنت ماجىلىسىنە جانە جەرگىلىكتى ماسليحاتتارعا كانديداتتاردى تەك ساياسي پارتيالار عانا ۇسىنا الاتىن بولىپ وتىر.  قازاقستاندا حالىقتىڭ باسىم-كوپشىلىگى كەدەيلىك حالدەن شىعا الماي وتىرعاندىقتان ەلگە شىن جاناشىر تۇلعالاردىڭ بالەن وبلىستاردى ارالاپ پارتيا قۇراتىنداي قارجىسى بولمايتىنىنا، ال بار ساياسي پاريالاردىڭ تەك بيلىكتىڭ قولداۋىمەن قۇرىلاتىنىنا جۇرتتىڭ كوزى جەتكەن. قازىرگى قالىپتاسقان سايلاۋ سيستەماسى ءبىزدىڭ ازاماتتاردىڭ سايلانۋعا قاتىستى كونستيتۋتسيامەن بەرىلگەن  قۇقىعىن ورەسكەل تۇردە بۇزىپ وتىر دەپ ەسەپتەيمىز. ول سونداي-اق قازاقستان راتيفيكاتسيالاعان ازاماتتىق جانە ساياسي قۇقىق تۋرالى حالىقارالىق پاكتكە دە قاراما-قايشى.  

قازىرگى ەپيدەميادان ەل احۋالى ودان ءارى كۇيزەلىسكە ۇشىرايتىندىقتان،  بيلىكپەن سىبايلاس ەمەس ازاماتتار پارتيا قۇرا الادى دەۋ ورىندالماس قيال. كونستيتۋتسيالىق قۇقىعى جويىلىپ، زاڭمەن سايلانۋعا جولى مۇلدە جابىلعاندىقتان، بۇگىندە بيلىككە تالاپتارىن جەتكىزبەككە تىرىسقان ازاماتتار، ايتقانىن ەستىمەيتىن كەرەڭ بيلىكتىڭ كەسىرىنەن، الاڭعا شىعىپ،  «كوشە پارتياسى» اتانىپ پوليتسيامەن قاقتىعىستار ۇدەۋدە. 

بىزدەر، سايلاۋ زاڭىنان انتيكونستيتۋتسيالىق، انتيحالىقتىق باپتاردىڭ كۇشىنىڭ جويىلۋىن، سايلاۋ زاڭىنا دەپۋتاتتاردىڭ 50 پايىزى ساياسي پارتيالاردان، 50 پايىزى ماجوريتارلىق جۇيەمەن ءبىر مانداتتى وكرۋگتەردەن ءوزىن ءوزى ۇسىنۋ نەگىزىندە سايلانۋىن، سول ءۇشىن «سايلاۋ زاڭىنا» ءتيىستى وزگەرتۋلەر ەنگىزىلۋىن تالاپ ەتەمىز! 

ەگەر وسى تالاپ ورىندالماعان جاعدايدا، بىزدەر، قوعامدىق ۇيىمدار، كوپشىلىك حالىقتىڭ كونستيتۋتسيالىق قۇقىعىن ورەسكەل بۇزىپ، تاپتاعان مۇنداي «سايلاۋعا» حالىقتىق بويكوت جاريالايتىندىعىمىزدى جانە سايلاۋدىڭ ناتيجەسىن مويىندامايتىنىمىزدى مالىمدەيمىز! 

سونداي-اق، پارلامەنتتى تاراتىپ جىبەرگەن ن.نازارباەۆتىڭ جەكە-دارا ءوزى «قابىلداعان»، بيلىكتىڭ حالىقپەن ساناسپاي جۇگەنسىز كەتۋىنە، جەمقورلىققا باتۋىنا جول اشقان «1995 جىل كونستيتۋتسياسىنا» بالاما جاڭا كونستيتۋتسيا جوباسىن جاسايتىن «حالىقتىق پارلامەنت» قۇرۋعا حالىققا ۇسىنىسپەن شىعاتىن بولامىز!

حاسەن قوجا-احمەت،

«ازات» قوزعالىسىنىڭ، قوعامدىق ۇيىمداردىڭ «قازاق ەلى» بىرلەستىگى اقساقالدار كەڭەسىنىڭ توراعاسى

Abai.kz

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531