دۇيسەنبى, 30 قاراشا 2020
COVID-19 قازاقستاندا. جۇقتىرعاندار — 131659. جازىلعاندار — 116461. قايتىس بولعاندار — 1990
46 - ءسوز 2683 9 پىكىر 22 قازان, 2020 ساعات 12:32

ەسكىرگەن داستۇرلەردى الىپ تاستاۋ قاجەت شىعار

ءبىز قىزىقپىز. ءالى كۇنگە دەيىن ادامدار ءبىر ءبىرىنىڭ ۋيىنە بارسا ماتا اپارادى. بۇرىندا ماتا اپارعانداردى تۇسىنۋگە بولادى. سول ماتادان كيىم تىگىپ الاتىن. قازىر ەندى كيىم تۇرماق ماتادان كورپە جاستىق تا تىكپەيدى عوي. تىكسەڭ دە قىمباتقا ءتۇسىپ كەتەدى. نە ءۇشىن ءبىر بىرلەرىنە ماتا تاسيتىنى تۇسىنىكسىز.
قاي ءبىر جىلدارى قازاقشا ويۋمەن ماشينانىڭ چەحولى شىعا باستادى. ينتەرنەتتە 35 000 تەڭگە تۇردى. 30 000-عا بەر دەسەم بەرمەي قويدى. بازارعا بارسام 12 000-نان تولىپ تۇر ەكەن. جالپى ەندى حەندمەيد دەگەندەر ەكسكليۋزيۆ بولىپ قىمباتتاپ جاتىر عوي. بۇرىندا كەدەيلەر قولدان زات جاساپ، بايلار ماگازيننىڭ زاتىن قولدانسا ەندى كەرىسىنشە بولىپ قالدى. ءبىز ەكى ورتادا قالىپ كەتتىك.
كەيبىر ايەلدەر ىدىس جينايدى. ول ىدىستى وزدەرىنە قولدانۋعا دا قيمايدى. ءسويتىپ ءجۇرىپ قايتىس بولىپ كەتۋى دە مۇمكىن. از عانا ومىردە ءوز راحاتىنا كەرەك جاراعىن قولدانا الماي، تىقپىشتاپ ءومىر سۇرەتىندەر دە بار. نە ءۇشىن دەسەيشى. زامان وزگەردى دەپ قويىپ 100 جىل بۇرىنعى ءداستۇردى ۇستانىپ ءجۇرمىز. كەي جەرلەردە مىناۋ قوجا، مىناۋ تورە بۇلار تورگە شىقسىن دەپ قويادى. نە ءۇشىن؟ قانداي قۇلدىق پسيحولوگيا دەيمىن دا. بۇل نارسەلەر كوپ ادامداردى شارشاتقانىمەن ءبارى وسىنى جاسايدى. نە ءۇشىن ەكەنىن ءوزىمىز بىلمەيمىز.
مۇمكىن بىزگە دە كەرەك ەمەس، ەسكىرگەن داستۇرلەردى الىپ تاستاپ ادامداردىڭ ءومىر ءسۇرۋىن جەڭىلدەتەتىن رەفورما قاجەت شىعار.
ءسابيت رىسباەۆتىڭ جازباسى
Abai.kz
9 پىكىر