سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
631 1 پىكىر 22 قازان, 2020 ساعات 11:55

2021 جىلى اۋىل اكىمدەرىنىڭ سايلاۋى وتەدى

ۇلتتىق قوعامدىق سەنىم كەڭەسىنىڭ ساياسي رەفورمالار جونىندەگى توبى اۋىل اكىمدەرىن سايلاۋعا قاتىستى ۇسىنىستارىن جاريا ەتتى.

«اۋىل اكىمدەرىن سايلاۋ تۋرالى بۇل يدەيانى پرەزيدەنت ءوز جولداۋىڭىزدا دا ايتتىڭىز. بۇل جەردە دە جالپىعا تەڭ جانە توتە سايلاۋ وتكىزۋ كەرەك. داۋىس بەرۋ جاسىرىن تۇردە بولۋى ءتيىس. كەلەسى جىلى كەنت، اۋىل جانە اۋىلدىق وكرۋگ اكىمدەرىن سايلاۋ كەرەك.

مىسالى ەگەر سايلاۋ وڭ ناتيجە بەرسە ونى كەزەڭ-كەزەڭمەن باسقا دەڭگەيدە دە جۇزەگە اسىرۋ دۇرىس دەپ سانايمىز. بۇل جەردە كەز كەلگەن ازاماتتىڭ سايلانۋ قۇقىعىن شەكتەمەۋ كەرەك دەپ ەسەپتەيمىز»، - دەدى ۇلتىق كەڭەس مۇشەسى ماكسيم سپوتكاي كەڭەستىڭ ءتورتىنشى وتىرىسىندا.

ونىڭ ايتۋىنشا اۋىل اكىمى لاۋازىمىنا ۇمىتكەرلەرگە قويىلاتىن تالاپ تا جەڭىل بولۋى كەرەك.

«ول ءۇشىن ۇمىتكەردىڭ 25 جاسقا تولۋى، ءتيىستى ەلدىمەكەن اۋماعىندا سوڭعى ءۇش جىلدا تۇراقتى تۇرۋى، جوعارى نەمەسە ورتا ارناۋلى ءبىلىمى بولۋى شارت. حالقىمىزدا «اكىم بول، حالقىڭا جاقىن بول» دەگەن ءسوز بار. سوندىقتان اۋىل اكىمدەرىن سايلاۋ باستاماسى شىن مانىندە حالىق پەن بيلىك اراسىن جاقىنداستىرا تۇسەدى دەگەن سەنىمدەمىز»، - دەدى ول.

Abai.kz

1 پىكىر