جۇما, 29 ناۋرىز 2024
بيلىك 2988 4 پىكىر 21 قازان, 2020 ساعات 11:06

اشىمباەۆ: سايلاۋ قولدانىستاعى زاڭناماعا سايكەس وتەدى

ماۋلەن اشىمباەۆ ءماجىلىس سايلاۋىن تاعايىنداۋ تۋرالى پىكىر ءبىلدىردى. بۇل جونىندە سەنات توراعاسى facebook-تەگى پاراقشاسىندا جازدى.

«مەملەكەت باسشىسى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى شەشىم قابىلدادى. سايلاۋ كونستيتۋتسيالىق مەرزىمگە سايكەس وتەدى. جالپىۇلتتىق داۋىس بەرۋ كەلەسى جىلدىڭ 10 قاڭتارىندا جۇرگىزىلەدى»، – دەيدى ماۋلەن اشىمباەۆ.

سونىمەن قاتار سەنات توراعاسى كەزەكتى سايلاۋدىڭ كۇنىن بەلگىلەۋ ارقىلى وسى ماسەلەگە قاتىستى ەكىويلى سۇراقتارعا جاۋاپ بەرىلگەنىن تىلگە تيەك ەتكەن. سونداي-اق، ول بۇل سايلاۋ دەموكراتيالىق وزگەرىستەر تۇرعىسىنان ءبىزدىڭ قوعامنىڭ جۇيەلى دامۋىنداعى ماڭىزدى كەزەڭ بولۋى كەرەك دەپ ەسەپتەيدى.

«پرەزيدەنتىمىز ءوز ۇندەۋىندە اتاپ وتكەندەي، جاڭا سايلاۋ ناۋقانىنا دەيىن ساياسي جاڭعىرۋ، كوپپارتيالىقتى دامىتۋ جانە ەلىمىزدىڭ قوعامدىق-ساياسي ومىرىنە ازاماتتاردىڭ قاتىسۋ اياسىن كەڭەيتۋ جونىندە شارالار قابىلداندى. بۇل شارالار پارلامەنتتىك وپپوزيتسيا ينستيتۋتىن جانە پارتيالىق تىزىمگە ايەلدەر مەن جاستار ءۇشىن 30 پايىزدىق كۆوتا ەنگىزۋ ماسەلەلەرىنە تىكەلەي قاتىستى. پارلامەنت بۇعان قاجەتتى زاڭداردى قابىلدادى. مەملەكەت باسشىسى ايتقانداي، الداعى سايلاۋ تولىعىمەن قولدانىستاعى زاڭناماعا سايكەس وتەدى»، – دەلىنگەن جازبادا.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544