سەنبى, 6 ناۋرىز 2021
بيلىك 806 1 پىكىر 21 قازان, 2020 ساعات 10:56

نىعماتۋلين: پارلامەنت سايلاۋى ەلىمىز ءۇشىن ماڭىزدى ساياسي قادام

بۇگىن ءماجىلىس توراعاسى نۇرلان نىعماتۋلين جالپى وتىرىستىڭ كۇن ءتارتىبىن قاراۋعا كىرىسپەس بۇرىن  مەملەكەت باسشىسى قاسىم-جومارت كەمەلۇلى توقاەۆتىڭ پارلامەنت ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى جارلىققا قول قويعانىن اتاپ ءوتتى. 

- ارينە، پارلامەنت سايلاۋى ول ءبىزدىڭ ەلىمىز ءۇشىن دە، ءبىزدىڭ حالقىمىز ءۇشىن دە وتە ماڭىزدى ساياسي قادام. سەبەبى پارلامەنتتىك سايلاۋ ەلىمىزدەگى بارلىق ساياسي پارتيالاردىڭ، ءوز باعدارلامالارىن تانىستىرۋعا جانە حالىقتىڭ سەنىمىنە يە بولۋعا ۇلكەن مۇمكىندىك بەرەدى.

سوندىقتان الداعى سايلاۋ دەموكراتيانى نىعايتۋعا، قوعامدىق ىنتىماقتاستىقتى كۇشەيتۋگە جانە ەلىمىزدىڭ دامۋىنا جاڭا سەرپىن بەرەدى دەپ سەنەمىز، - دەدى. ءماجىلىس سپيكەرى.

سونىمەن قاتار نۇرلان نىعماتۋلين پارلامەنتتىڭ كەلەسى شاقىرىلىمى جۇمىسىن باستاعانعا دەيىن قازىرگى دەپۋتاتتىق كورپۋس ەلىمىزدى ودان ءارى دامىتۋ جانە ىلگەرىلەتۋ ءۇشىن زاڭنامالىق بازانى قالىپتاستىرۋدى جالعاستىرا بەرەتىنىن جەتكىزدى.

ەسكە سالا كەتەيىك، پارلامەنت ءماجىلىسىنىڭ كەزەكتى سايلاۋى 2021 جىلعى 10 قاڭتارعا بەلگىلەندى.

Abai.kz

1 پىكىر