ەلىمىزدىڭ مادەنيەت جانە سپورت ءمينيسترى اقتوتى رايىمقۇلوۆا ديماش قۇداربەرگەنگە قولداۋ كورسەتىپ جاتقان دەمەۋشىلەردىڭ بارىنە جىلى لەبىزىن جەتكىزىپ، العىسىن ايتتى. بۇل تۋرالى  Egemen.kz حابارلادى. 

"البەتتە ەڭ الدىمەن ءبىز ديماشتىڭ ءاربىر جەتىستىگى ءۇشىن قۋاناتىنىمىزدى ايتا كەتكىم كەلەدى. ول – قازاقستاننىڭ ازاماتى. وسىندا وقىدى، كوللەدجدى ءبىتىردى، قازاق ونەر ۋنيۆەرسيتەتىن اياقتادى. وتكەن جىلى ماگيستر ديپلومىن الدى. مەملەكەتتىك شاكىرتاقىمەن بىرگە ول "دارىن" سىيلىعى مەن "قازاقستاننىڭ ەڭبەك سىڭىرگەن قايراتكەرى" اتاعىن الدى. بۇل – قۇرمەتى جوعارى اتاق", دەدى اقتوتى رايىمقۇلوۆا.

سونىمەن بىرگە اقتوتى رايىمقۇلوۆا ديماشتان ءاردايىم قىزىقتى جوبالاردى كۇتەتىنىن ايتىپ ءوتتى.

"مادەنيەت جانە سپورت مينيسترلىگى ءوز تاراپىنان ونى قولدايدى، نۇر-سۇلتانداعى، ماسكەۋدەگى، امەريكاداعى كەشتەرىن وتكىزۋگە اتسالىستىق. قازىرگى تاڭدا وعان وتە كوپ دەمەۋشى كومەك كورسەتەتىنى ايتا كەتكىم كەلەدى. ول قىتايداعى "I am singer" بايقاۋىنىڭ جەڭىمپازى بولعاندىقتان، كەلىسىمشارتقا سايكەس جەڭىمپاز سونداعى بەلگىلى ءبىر شارالارعا قاتىسۋى كەرەك. ديماش "سلاۆيان بازارى" بايقاۋىندا جەڭگەن كەزدە دە ول سول جاقتاعى (بەلارۋس) كونتسەرتتەرگە قاتىسقان ەدى. ارينە قىتايدىڭ پروديۋسسەرلەرى ديماشپەن جۇمىس جۇرگىزۋگە اسىق. ديماش قۇدايبەرگەن قازاقستاننىڭ برەندىنە اينالا باستادى. ارينە ءبىزدىڭ مىندەتىمىز – ونى قولداۋ", دەدى مادەنيەت ءمينيسترى.

Abai.kz