جۇما, 29 ناۋرىز 2024
الاڭ 4878 9 پىكىر 20 قازان, 2020 ساعات 17:39

قازاق پوليتسياسى قىلمىسپەن قالاي كۇرەسەدى؟

بۇگىن اقپارات قۇرالدارىندا پوليتسيا قىزمەتكەرلەرىنە قاتىستى 3 ماسەلە تالقىلانىپ جاتىر. ۇشەۋى دە ابىرويلى اڭگىمە ەمەس. ونسىز دا باسى داۋدان ارىلماعان ءىىم قىزمەتكەلەرىنىڭ كەزەكتى بىلىقتارى سۋ بەتىنە شىقتى دەۋگە بولادى.

ءبىرىنىش وقيعا. شىعىس قازاقستان وبلىسى ءۇرجار اۋدانى ماقانشى اۋىلىنىنىڭ پوليتسيا قىزمەتكەرلەرىنە «ازاپتاۋ» ايىبى تاعىلىپ وتىر. مال ۇرلادى دەگەن كۇدىكپەن ۇستالعان 33 جاستاعى ازامات پوليتسيا بولىمىندە قايتىس بولىپتى.

بولىمشەگە ءوز اياعىمەن بارعان ازاماتتىڭ تەرگەۋ بارىسىندا كوز جۇمعانىنا اۋىلداستارى مەن تۋىستارى نارازىلىق ءبىلدىردى. اشۋعا بۋلىققان ازاماتتار جاقىنىن قيناپ ولتىرگەندەردىڭ قاتاڭ جازالانۋىن تالاپ ەتىپ وتىر.

وسىعان وراي، ىشكى ىستەر ءمينيسترىنىڭ تاپسىرماسى بويىنشا شقو پوليتسيا دەپارتامەنتىنىڭ باستىعى ساعات ماديەۆ وقيعا ورنىنا بارعان. ماقانشى اۋىلىنداعى پوليتسيا بولىمىندە 33 جاستاعى ەر ادامنىڭ قايتىس بولعانى راستالدى.

وسى وقيعاعا بايلانىستى وڭىرلىك پد باستىعى ساعات ماديەۆتىڭ جەتەكشىلىگىمەن ارنايى توپ قۇرىلدى. جەكە قاۋىپسىزدىك باسقارماسى ازاپتاۋ دەرەگى بويىنشا سوتقا دەيىنگى تەرگەۋدى باستاپ، پروتسەسسۋالدىق پروكۋرورلار توبى تاعايىندالدى.

«اتالمىش فاكتىمەن وزىندىك قاۋىپسىزدىك باسقارماسى «قيناۋ» بابى بويىنشا سوتقا دەيىنگى تەرگەۋدى باستادى. پروتسەسسۋالدىق پروكۋرورلاردىڭ توبى تاعايىندالدى. جاقىن تۋىستارىنىڭ قاتىسۋىمەن وقيعا ورنىن قاراۋ جۇرگىزىلدى. قاجەتتى ساراپتامالار، ونىڭ ىشىندە پاتالوگواناتوميالىق زەرتتەۋلەر وتكىزىلدى. ازىرگە ساراپتاما ناتيجەلەرى دايىن ەمەس», – دەدى ساعات ماديەۆ.

مۇنى از دەسەڭىز، جامبىل وبلىسىندا قىلمىسكەرلەرمەن كۇرەسۋى ءتيىس پوليتسەيلەر ءبىر-بىرىمەن اتىستى. انىقتاپ ايتقاندا، ەسىرىتكى ساتۋمەن اينالىسپاقشى بولعان كولىكتەگى پوليتسيا دەپارتامەنتى قىزمەتكەرلەرى كۇدىككە ىلىنگەن.

Polisia.kz سايتى شۋداعى ارنايى وپەراتسيا بارىسىندا پوليتسەيلەرگە قارۋ قولدانۋعا تۋرا كەلدى، دەپ حابارلادى. وزىندىك قاۋىپسىزدىك باسقارماسى كولىكتەگى پوليتسيا دەپارتامەنتى جامبىل وبلىسى شوقپار ستانتسياسىنداعى جەلىلىك پوليتسيا بولىمشەسىنىڭ قىزمەتكەرلەرىنە قاتىستى جابايى قاراسورانى زاڭسىز ەگىپ، جيناۋ فاكتىسى بويىنشا سوتقا دەيىنگى تەرگەۋ باستاعان.

تەكسەرىس بارىسىندا قىزمەت بابىنداعى پوليتسەيلەردىڭ زاڭسىز ەسىرتكى زاتىن جيناپ، ساتۋ ءۇشىن كۇموزەك جەرىنە باراتىنى تۋرالى مالىمەت ءتۇستى. قىلمىستىڭ جولىن كەسۋ ءۇشىن وزىندىك قاۋىپسىزدىك باسقارماسى ارنايى ماقساتتاعى ءبولىنىس قىزمەتكەرلەرىمەن بىرلەسىپ، ارنايى وپەراتسيا جۇرگىزدى.

كۇدىكتىلەر مىنگەن كولىكتى توقتاتۋ ءۇشىن قىزمەتكەرلەر شۋ-تاراز اۆتوجولىن جاپتى. وسى ۋاقىتتا كۇدىكتىلەر بوي تاسالاماق ويمەن، ارنايى ءبولىنىس قىزمەتكەرىن قاساقانا قاعىپ ءوتىپ، وعان اۋىر دەنە جاراقاتىن كەلتىردى.

اتىس قارۋىمەن قارۋلانعان اۆتوكولىكتەگى ءۇش كۇدىكتى قاتتى جىلدامدىقپەن قۋعىنشىلاردان سىتىلىپ كەتپەك بولعان. پوليتسەيلەر اسپانعا ەسكەرتۋ جاساپ وق اتسا دا –كۇدىكتىلەرلەر قۇلاق اسپاعان، بۇدان سوڭ كولىك قۇرالىن توقتاتۋ ءۇشىن قىزمەتتىك قارۋ قولدانىلدى.

ءۇش ادامنىڭ ەكەۋى اتىس جاراقاتىن الىپ، ناتيجەسىندە، ولاردىڭ بىرەۋى مەديتسينالىق مەكەمەدە كوز جۇمدى. ال، ەكىنشىسىنە ستاتسيونار جاعدايىندا مەديتسينالىق كومەك كورسەتىلدى. ءۇشىنشى كۇدىكتى قر قىلمىستىق-پروتسەسۋالدىق كودەكسىنىڭ 128-بابىمەن ۋاقىتشا ۇستاۋ يزولياتورىنا قامالدى.

ال ءۇشىنشى وقيعا قازاقستاندىقتارعا جاقسى تانىس. 25 مامىردا الماتى ماڭىنداعى بلوكبەكەتتە ورىن العان جول اپاتىنان ەكى پوليتسيا قىزمەتكەرى قازا تاپقان بولاتىن. جول اپاتىنا كىنالى ەكس-پوليتسەي ازات ازاماتوۆقا بۇگىن جازا كەسىلدى. ۋداي ماس بولىپ، جول اپاتىن تۋدىرعان ازاماتوۆ 10 جىلعا سوتتالدى.

ءبىزدىڭ ەلدە ءىىم قىزمەتكەرلەرىنە ايتىلار سىن كوپ. قىلمىسپەن كۇرەسۋى ءتيىس باستى ورگانداعى زاڭسىزدىقتار تيىلماي كەلەدى. جوعارىدا ءبىز ءسوز ەتكەن 3 وقيعا دا قازاقستاندىق ساقشىلارعا دەگەن سەنىمدى ازايتىپ، ولاردىڭ بەدەلىن تۇسىرەرى ءسوزسىز.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594