Mercer CFA ينستيتۋتىنىڭ ساراپشىلارىنىڭ پىكىرىنشە، 2020 جىلى الەمدەگى ەڭ جاقسى زەينەتاقى جۇيەسى نيدەرلاندى مەن دانيادا، ال ەڭ ناشارى ارگەنتينا مەن تايلاندتا تىركەلگەن. 

بۇل 20 قازاندا Bloomberg-ءتىڭ Mercer CFA ينستيتۋتىنىڭ ماماندارى دايىنداعان الەمدىك زەينەتاقى يندەكسى ناتيجەسىندە انىقتالدى. 39 ەلدىڭ اقپاراتىنا تالداۋ جاساۋ ارقىلى اتالعان رەيتينگ ءتۇزىلدى.

تالداۋشىلار 2020 جىلى كوروناۆيرۋس پاندەمياسىنىڭ سالدارىنان تىزىمگە ەنگەن 39 ەلدىڭ جارتىسىنان كوبى، اتاپ ايتقاندا 20 ەلدىڭ زەينەتاقى جۇيەسى تومەندەگەنىن اتاپ ءوتتى.

رەيتينگ اۆتورلارىنىڭ ءبىرى دەۆيد نوكستىڭ ايتۋىنشا، پاندەميا اياسىندا عالامدىق رەتسەسسيا كوپتەگەن ەلدەردە زەينەتاقى جارنالارىنىڭ تومەندەۋىنە، ينۆەستيتسيالىق كىرىستىڭ تومەندەۋىنە جانە مەملەكەتتىك قارىزدىڭ وسۋىنە اكەلدى.

زەرتتەۋگە سايكەس نيدەرلاندى مەن دانيا «ا» رەيتينگىنە يە بولدى. «ۆ» كورسەتكىشى - يزرايل، اۆستراليا، فينليانديا، شۆەتسيا، نورۆەگيا، سينگاپۋر، كانادا، جاڭا زەلانديا، گەرمانيا، شۆەتسيا، يرلانديا جانە چيلي. ارگەنتينا مەن تايلاند رەيتينگتىڭ ەڭ ناشارلارى دەپ تانىلدى.

رەيتينگتە قازاقستان تۋرالى ايتىلعان جوق.

14 قازاندا حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا الداعى بەس جىل ىشىندە كوروناۆيرۋس پاندەمياسى سالدارىنان تۋىنداعان داعدارىس جاھاندىق ءجىو-دەگى شىعىندارعا اكەلىپ سوقتىرادى، بۇل بولجامدى تۇردە 28 ترلن دوللارعا باعالانۋى مۇمكىن دەپ مالىمدەدى.

27 ناۋرىزدا گەورگيەۆا كوروناۆيرۋستىڭ تارالۋىنا بايلانىستى الەمدىك ەكونوميكالىق داعدارىس باستالعانىن حابارلادى. ماۋسىمدا حۆق 2020 جىلى الەمدىك ەكونوميكالىق ءوسىم 4,9%-عا باياۋلايدى دەپ ەسەپتەدى.

كەرىمسال جۇباتقانوۆ،

Abai.kz