جۇما, 29 ناۋرىز 2024
2099 3 پىكىر 17 قازان, 2020 ساعات 12:47

ەۋرووداق سادىر جاپاروۆتىڭ بيلىككە كەلۋىنە كۇمانمەن قارايدى

ەۋروپالىق ديپلوماتيا باسشىسى جوزەپ بوررەل قىرعىزستانداعى جاعدايعا قاتىستى پىكىر ايتتى.

ەۋروپالىق وداق پارلامەنت سايلاۋىنىڭ ناتيجەسى جويىلعان سوڭ پرەزيدەنت سوورونباي جەەنبەكوۆتىڭ قىزمەتتەن كەتكەنى تۋرالى مالىمەت الدى، دەلىنگەن ەۋرووداقتىڭ قىرعىزستانداعى وكىلدىگى سايتىندا جاريالانعان مالىمدەمەدە.

"پرەزيدەنت قۇزىرەتى مەن مىندەتتەرى كونستيتۋتسياعا ساي اتقارىلعانى وتە ماڭىزدى. سول سەبەپتى، جوگوركۋ كەنەش سپيكەرىنىڭ پرەزيدەنت قۇزىرەتىن پرەمەر-مينيسترگە تاپسىرعانى ۇلكەن سۇراق تۋعىزدى، ويتكەنى قىرعىز رەسپۋبليكاسى پارلامەنتتىك دەموكراتيانى تاڭداعان", - دەدى بوررەل.

ول ەلدەگى بارلىق ساياسي كۇشتەردى پرەزيدەنت جانە پارلامەنت سايلاۋلارىن ءادىل وتكىزۋگە كۇش سالۋعا شاقىردى.

بۇۇ قىرعىزستانعا ەل بولاشاعىنا قاتىستى شەشىمدەر كونستيتۋتسياعا ساي قابىلدانسىن دەگەن ۇندەۋ تاستاعان. حابارلارعا قاراعاندا، بۇۇ باس حاتشىسىنىڭ ورتالىق ازيا ەلدەرىندەگى ارنايى وكىلى ناتاليا گەرمان بىشكەككە كەلدى. ول قىرعىز استاناسىندا مۇددەلى توپتارمەن بىرنەشە كەزدەسۋ وتكىزەدى.

15 قازاندا پرەزيدەنت سوورونباي جەەنبەكوۆ قىزمەتتەن كەتتى. پارلامەنت سپيكەرى قاناتبەك يساەۆ پرەزيدەنت مىندەتتەرىن اتقارۋدان باس تارتىپ، مەملەكەت باسشىسى قۇزىرەتى پرەمەر-مينيستر سادىر جاپاروۆقا ءوتتى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590