سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
1123 0 پىكىر 20 قازان, 2020 ساعات 14:39

«Birgemiz» قورى: 100 مىڭنان استام جانۇيا الەۋمەتتىك كومەك الادى

نۇر وتان پارتياسىنا قاراستى بىرگەمىز قوعامدىق قورى 650 مىڭنان استام وتباسىنا قارجىلىق قولداۋ ءبىلدىردى. كۇنى كەشە پارتيا توراعاسى نۇرسۇلتان نازارباەۆتىڭ تاپسىرماسىمەن الەۋمەتتىك قولداۋدى قاجەت ەتەتىن 100 مىڭنان استام جانۇياعا 50 مىڭ تەڭگەدەن كومەك بەرىلگەن بولاتىن.

ول ءۇشىن اتالعان قوردان 5 ميلليارد تەڭگە قارجى قاراستىرىلعان. ءسويتىپ، پارتيا توراعاسى نۇرسۇلتان نازارباەۆتىڭ قورىنىڭ قولداۋىمەن اتالعان اقشا قوردىڭ شوتىنا اۋدارىلدى.

بۇل قاراجات الەۋمەتتىك از قامتىلعان 100 مىڭعا جۋىق وتباسىنا بەرىلەدى. “بىرگەمىز” قورىنىڭ توراعاسى رۋسلان ساكەەۆتىڭ ايتۋىنشا، بۇگىندە كومەك قاراجاتتى الۋشىلاردىڭ 7 ساناتى بەكىتىلگەن. سول نەگىزدە رەسپۋبليكا بويىنشا 100 مىڭ كومەككە مۇقتاج وتباسىنا 50 مىڭ تەڭگە تاپسىرىلعان.

اتالعان كومەكتى العانداردىڭ قاتارىندا مۇقتاج مۇگەدەك جاندار، حالىقتىڭ الەۋمەتتىك ءالسىز توبىنا جاتاتىن جەتىم بالالار (اسىراۋشىسىنىڭ بىرىنەن ايىرىلعان بالالار مەن تۇل جەتىم بالالار) الەۋمەتتىك جاعدايى تومەن كوپبالالى وتباسىلار، ەڭ تومەنگى زەينەتاقى الاتىن زەينەتكەرلەر ەكىنشى دۇنيەجۇزىلىك سوعىسىنا قاتىسقان مۇگەدەك ارداگەرلەر مەن تىل ەڭبەككەلەرى بار.

قور توراعاسى رۋسلان ساكەەۆتىڭ ايتۋىنشا، كومەك تاعايىنداۋ بارىسىندا اتالعان قور بۇرىن كومەك الماعان ازاماتتاردىڭ الۋىن قاداعالايدى. ال، كومەك الاتىن ازاماتتاردىڭ ءتىزىمىن جەرگىلىكتى اكىمدىك ۇسىنادى ەكەن.

سونىمەن قاتار رۋسلان ساكەەۆ قور بۇگىنگى تاڭدا وسى باعىتتا باسقا دا وڭىرلەرمەن قارقىندى جۇمىس ىستەپ جاتقاندارىن ايتادى. جانە بۇل كومەك تە اراعا ۋاقىت سالماي بەرىلەدى ەكەن.

ايتا كەتەيىك، “بىرگەمىز” قورى 2020 جىلدىڭ ناۋرىز ايىندا ەلباسى، نۇر وتان پارتياسىنىڭ توراعاسى نۇرسۇلتان نازاراباەۆتىڭ باستاماسىمەن قۇرىلعان. اتالعان قور كوروناۆيرۋسپەن كۇرەسۋ ماقساتىندا حالىقتىڭ الەۋمەتتىك از قامتىلعان توپتارىن قارجىلاي قولداۋ ءۇشىن قۇرىلعان ەدى.

كوروناۆيرۋس پاندەمياسى باستالعان جەتى ايدان بەرى بۇل قور قاراجاتىنان 550 مىڭنان استام مۇقتاج ازاماتتار 50 مىڭ تەڭگەدەن كومەك العان. سونىمەن قاتار، ۆيرۋسپەن كۇرەستە الدىڭعى شەپتە بولعان الماتى مەن ەلوردانىڭ 2112 مەديتسينا قىزمەتكەرلەرىنە بىرجولعى كومەك كورسەتىلگەن.

سونىمەن قاتار حالقى ەڭ كوپ ءۇش مەگاپوليستەگى (شىمكەنت، الماتى، نۇر-سۇلتان) الەۋمەتتىك جاعىنان از قامتىلعان 100 مىڭ وتباسىنا 5 ميلليونعا جۋىق مەديتسينالىق ماسكا تاراتىلعان.

ودان بولەك، اتالعان قور ءبىز بىرگەمىز اتتى اكتسيا ۇيىمداستىرىپ، ناتيجەسىندە 320 مىڭعا جۋىق وتباسى ءبىرىنشى كەزەكتە قاجەتتى تاۋارلارمەن جانە ازىق-تۇلىك سەبەتتەرىيەن قامتاماسىز ەتىلگەن. جانە تاعى دا 100 مىڭ وتباسىنا 5 ميلليون ماسكا تەگىن تاراتتى.

بۇگىندە پارتيا توراعاسى نۇرسۇلتان نازارباەۆتىڭ باستاماسىمەن بىرگەمىز قورىنا مەتسەناتتار مەن دەمەۋشىلەر ەسەبىنەن 34 ميلليارد تەڭگە قاراجات جينالعان.

سونىمەن بىرگە، بىرگەمىز قورى وسى جىلدىڭ مامىر ايىندا تۇرىكستان وبلىسى ماقاتارال اۋدانىنداعى سۋ اپاتىنان زارداپ شەككەن اۋىلداعى وتباسىلارعا دا كومەك كورسەتۋدە. پارتيا توراعاسىنىڭ ورىنباسارى باۋىرجان بايبەكتىڭ ايتۋىنشا، بۇگىندە 20 ءۇيدىڭ قۇرىلىسى اياقتالعان. ول ءۇشىن ەلباسىنىڭ تاپسىرماسىمەن بىرگەمىز قوعامدىق قورى دوستىق اۋىلىنىڭ تۇرعىندارىنا 340 ميلليون تەڭگە بولگەن. جانە قازىر قور دەمەۋشىلىگىمەن فيردوۋسي اۋىلىنداعى 12  ءۇيدىڭ قۇرىلىس جۇمىستارى ءجۇرىپ جاتقان كورىنەدى. بۇل ۇيلەردىڭ قۇرىلىس جۇمىستارى الداعى قاراشا ايىندا اياقتالماق.

ودان بولەك مەملەكەت باسشىسى قاسىم-جومارت توقاەۆتىڭ ۇيندەۋى نەگىزىندە ماقتارالدىق تۇرعىندارعا 1000 توننادان استام گۋمانيتارلىق كومەك كورسەتىلگەن. ونىڭ ىشىندە قۇرىلىس ماتەريالدارى مەن توسەك ورىن جابدىقتارى،كيىم-كەشەك پەن گيگيەنالىق زاتتار جانە ازىق-تۇلىك بار. جانە، سۋ باسقان وڭتۇستىك وڭىردە 500-گە جۋىق جاس وتاندىق جاسار ازىق-تۇلىك جەتكىزۋگە جانە بوگەتتەر كوتەرۋگە قول ۇشىن سوزعان بولاتىن.

پارتيا توراعاسىنىڭ ورىنباسارى باۋىرجان بايبەكتىڭ ايتۋىنشا، وسىنداي قيىن-قىستاۋ كەزەڭدە ءبىر-بىرىنە قولداۋ كورسەتىپ، كومەك جاساۋ حالىقتىڭ كەمەلدىگىنىڭ ءارى ءوز وتانداسىنىڭ تاعدىرىنا بەي-جاي قارامايتىن جاۋاپكەرشىلىك پەن اسقاق ازاماتتىقتىڭ نىشانى.

حالىقتىڭ وسىنداي ىنتىماق پەن بىرلىگى قوعام دامۋىنىڭ نەگىزى. وعان ءاربىر قازاقستاندىق مۇددەلى بولۋعا ءتيىس. ال، قيىن-قىستاۋ كەزەڭدە ءبىر-ءبىرىن قولداي بىلگەن حالىقتىڭ المايتىن اسۋى، باعىندىرمايتىن بيىگى بولماس.

Abai.kz

0 پىكىر