سەيسەنبى, 26 قاڭتار 2021
بيلىك 1253 1 پىكىر 15 قازان, 2020 ساعات 17:10

ايدا بالاەۆا الماتى قالاسى قوعامدىق كەڭەسىنىڭ مۇشەلەرىمەن كەزدەستى

15 قازاندا الماتى قالاسىندا اقپارات جانە قوعامدىق دامۋ ءمينيسترى ا.بالاەۆا الماتى قالاسى قوعامدىق كەڭەسىنىڭ مۇشەلەرىمەن كەزدەستى.

كەزدەسۋ بارىسىندا مەملەكەت باسشىسى ق.توقاەۆتىڭ 2020 جىلعى 1 قىركۇيەكتەگى جولداۋىن ىسكە اسىرۋ شەڭبەرىندە قوعامدىق باقىلاۋدى زاڭنامالىق بەكىتۋ ماسەلەلەرى بويىنشا تاسىلدەر مەن ۇسىنىستار، سونداي-اق كۆازيمەملەكەتتىك سەكتوردا قوعامدىق كەڭەستەر قۇرۋعا قاتىستى قوعامدىق كەڭەستەر ينستيتۋتىن جەتىلدىرۋ ماسەلەلەرى تالقىلاندى.

ايدا بالاەۆا ءوز سوزىندە قوعامدىق باقىلاۋ ينستيتۋتىن جەتىلدىرۋدىڭ دەر كەزىندە جاسالىپ جاتقانىن جانە ماڭىزدىلىعى مەن وزەكتىلىگىن اتاپ ءوتتى.

بولاشاق زاڭ جوباسىنىڭ ماقساتى - قوعامدىق باقىلاۋ جۇيەسىنىڭ قۇقىقتىق نەگىزىن، سونداي-اق ازاماتتىق قوعامدى ودان ءارى دامىتۋ ءۇشىن قۇقىقتىق جاعدايلار جاساۋدى ايقىنداۋ.

زاڭ جوباسىنىڭ مىندەتىنە بىرىڭعاي ۇعىمدىق اپپاراتتى قالىپتاستىرۋ، قوعامدىق باقىلاۋدى جۇزەگە اسىرۋ قاعيداتتارىنىڭ بىرىڭعاي جۇيەسىن بەلگىلەۋ، سىبايلاس جەمقورلىققا قارسى كۇرەستە قوعامدىق كۇش-جىگەردى بىرىكتىرۋدىڭ قۇقىقتىق تەتىكتەرىن جاساۋ، سونداي-اق قوعامدىق باقىلاۋ سۋبەكتىلەرى مەن وبەكتىلەرىنىڭ فۋنكتسياسىن، وكىلەتتىگى مەن جاۋاپكەرشىلىگىن ايقىنداۋ كىرەدى.

مينيستر ا.بالاەۆا «مەملەكەت باسشىسىنىڭ جولداۋىنا سايكەس كۆازيمەملەكەتتىك سەكتوردا قوعامدىق كەڭەستەر قۇرۋدى كوزدەيتىن، سونداي-اق مەملەكەتتىك ورگانداردىڭ، كۆازيمەملەكەتتىك سەكتور سۋبەكتىلەرىنىڭ مەملەكەتتىك ساتىپ الۋ جونىندەگى كونكۋرستىق كوميسسيالارعا قاتىسۋ ارقىلى قوعامدىق كەڭەستەردىڭ وكىلەتتىكتەرىن كەڭەيتەتىن زاڭعا تۇزەتۋلەر ازىرلەنىپ جاتىر. بۇگىنگى تاڭدا بۇل تۇزەتۋلەر كەلىسۋ راسىمىنەن وتۋدە» - دەپ اتاپ ءوتتى.

ءىس-شارا بارىسىندا الماتى قالاسى قوعامدىق كەڭەسىنىڭ حاتشىسى، «اقپاراتتىق - رەسۋرستىق ورتالىق» قوعامدىق قورىنىڭ ديرەكتورى كوبەەۆا التىناي ورمانقاليقىزى، سونداي-اق الماتى قالاسى قوعامدىق كەڭەسىنىڭ مۇشەلەرى، «KAZBREND» قوعامدىق قورىنىڭ باسقارما توراعاسى جازىلبەكوۆ نۇرلان ءابدىجاپارۇلى، «قازرەنا» قازاقستاننىڭ عىلىمي-ءبىلىم بەرۋ كومپيۋتەرلىك جەلىسىن پايدالانۋشىلار قاۋىمداستىعىنىڭ باس ديرەكتورى دجاپاروۆ بوريس اليكەنۇلى جانە «قازاقستاننىڭ داعدارىس ورتالىقتارى وداعى» زتب باسقارما توراعاسى بايساقوۆا زۋلفيا مۇحامەدبەكقىزى ءسوز

سويلەدى. ءىس-شارا سوڭىندا مينيستر كەزدەسۋدىڭ بارلىق قاتىسۋشىلارىنا بەلسەندى قاتىسقانى جانە قوعامدىق ىسكە جاۋاپتى كوزقاراسى ءۇشىن العىس ءبىلدىردى.

Abai.kz

1 پىكىر