سەيسەنبى, 26 قاڭتار 2021
بيلىك 702 0 پىكىر 13 قازان, 2020 ساعات 11:53

اشم: قۇس تۇماۋىنىڭ شىعىنى ازايدى

قر اۋىلشارۋاشىلىعى مينيسترلىگى قۇس تۇماۋىنىڭ شىعىنى ازايعانىن مالىمدەدى. ماسەلەن، الدىڭعى اپتالاردا 200-300 باس (قۇس تۇماۋىنىڭ شىعىنى) تىركەلەتىن بولسا، بۇگىندە 20-22 باس، 10 باسقا دەيىن تۇسكەن.  كۇندەر بار.

اشم ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى تۇرسىن قابدۋلدانوۆ ايتۋىنشا، وڭىرلەردە سوڭعى اپتادا قۇس شىعىنى تىركەلمەگەن.

"بۇگىندە قازاقستاننىڭ ءار وڭىرىندە، ءار ەلدى مەكەنىندە كەز كەلگەن شىعىن بولعان تاۋىقتىڭ سانى ەسەپكە الىنىپ وتىر. ول اقپاراتتار بىزدە بار. مىسالى، سوڭعى اقپارات بويىنشا، سقو-دا جەكە اۋلادا 22 تاۋىق شىعىنى بولعانى تۋرالى مالىمەت بار. باسقا وبلىستاردىڭ اراسىندا سوڭعى اپتادا قۇس شىعىنى تىركەلگەن ەمەس", - دەدى سپيكەر جالپى ەل بويىنشا قۇس ءولىمى تۋرالى سۇراققا بەرگەن جاۋابىندا.

سونداي-اق تۇرسىن قابلۋلدانوۆتىڭ ايتۋىنشا، قازىر ەلىمىزدە قۇس تۇماۋىنان شىعىن ازايعان.

"كورسەتكىش (قۇس تۇماۋى بويىنشا) ازايىپ جاتىر، ديناميكا تومەندەپ كەلە جاتىر. ويتكەنى الدىڭعى اپتالاردا 200-300 باس تىركەلەتىن بولسا، قازىرگى كۇنى 20-22 باس، 10 باسقا دەيىن تۇسكەن كۇندەر بار. سوڭعى 12 اپتا بويىنشا پاۆلودار وبلىسىندا قۇس شىعىنى مۇلدەم تىركەلگەن ەمەس. سول سياقتى تۇركىستان وبلىسىندا، اقتوبە وبلىسىندا 20 كۇندەي بولدى، قۇس اراسىندا شىعىن تىركەلگەن ەمەس. اۋداندارمەن، ءتىپتى ەلدى مەكەندەرمەن ەسەپتەپ وتىرمىز. بىزدە وسىلاردىڭ اقپاراتىنىڭ ءبارى بار. قاي ەلدى مەكەندە، قانشا تاۋىق...", - دەدى ول.

ونىڭ ايتۋىنشا، قۇس شىعىنى تىركەلگەن ايماقتار بار. بىراق ولاردى تەكسەرگەندە قۇس تۇماۋى انىقتالماعان.

"قۇس بولعاننان كەيىن، ارينە، شىعىن بولادى. ونىڭ ءبارى قۇس تۇماۋىنان ەمەس. مىسالى، شىمكەنت قالاسىندا 245 قۇس شىعىن بولعان - قۇس تۇماۋى انىقتالعان جوق. تۇركىستان وبلىسىندا 353 قۇس شىعىنى تىركەلدى - قۇس تۇماۋى ەمەس. اقتوبەدە 25 قۇستىڭ شىعىنى تىركەلدى. ولاردىڭ ءبارى تەكسەرىلدى - قۇس تۇماۋى ەمەس. وسىنداي جاعدايلارمەن بۇگىنگى كۇنى قۇس تۇماۋى تومەندەپ كەلە جاتىر. كورسەتكىشتەر تومەن", - دەپ تۇيىندەدى سپيكەر.

ەسكە سالايىق، 17 قىركۇيەكتە سولتۇستىك قازاقستان وبلىسىندا قۇستاردىڭ جاپپاي قىرىلىپ جاتقانى حابارلاندى. سول كەزدە وڭىردەگى 10 ەلدى مەكەن كارانتينگە جابىلعان بولاتىن.

Abai.kz

0 پىكىر