جۇما, 29 ناۋرىز 2024
بيلىك 2139 0 پىكىر 18 قىركۇيەك, 2020 ساعات 15:03

قارت كاسپي – قازاقستاننىڭ الەۋەتتى تۋريستىك ايماعى!

قازاقستاندا ىشكى جانە سىرتقى ءتۋريزمدى دامىتۋ – مەملەكەتتىك ساياساتتىڭ نەگىزگى باعىتتارىنىڭ ءبىرى ەكەنى بەلگىلى. مەملەكەت باسشىسى قاسىم-جومارت توقاەۆتىڭ 2019 جىلعى «سىندارلى قوعامدىق ديالوگ: قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ۇلتتىق ەكونوميكانى ءارتاراپتاندىرۋدىڭ بىرنەشە مودەلىن ۇسىنعان ەدى.

پرەزيدەنت قاسىم-جومارت توقاەۆ ءوز جولداۋىندا ەلىمىزدەگى تۋريزم سالاسىنا ۇلتتىق ەكونوميكانىڭ نەگىزگى سالالارىنىڭ ءبىرى رەتىندە باسىمدىق بەرۋ كەرەكتىگىن ايتقان.

«ەلىمىزدەگى ءتۋريزمدى، ونىڭ ىشىندە ەتنو-ءتۋريزمدى، ەكو-ءتۋريزمدى دامىتۋ ماڭىزدى. سوندىقتان، بۇل سالاعا ەكونوميكانىڭ نەگىزگى سالالارىنىڭ ءبىرى رەتىندە باسىمدىق بەرىلۋى كەرەك. بيىل التىن وردانىڭ 750 جىلدىعىن اتاپ وتەمىز. وسى ورايدا، شەتەلدىك تۋريستەردى كوپتەپ تارتۋ، ولارعا ءتول تاريحىمىز بەن مادەنيەتىمىزدى تانىتۋىمىز كەرەك.

قازاقستاندا تۋريزم سالاسىن دامىتۋعا كەرەكتى بارلىق ينفراقۇرىلىمداردى جۇزەگە اسىرۋىمىز كەرەك. اتاپ ايتقاندا، تۋريستىك ايماقتارعا جولدار سالىپ، سالا ماماندارىن دايالاۋ ماڭىزدى»، - دەگەن.

شىنتۋايتىنا كەلگەندە، تۋريزم سالاسى ۇلتتىق ەكونوميكانىڭ اجىراماس ءبىر بولىگى. تاۋەلسىزدىك جىلدارى تاريحى ءھام مادەني مۇرالار مەن قۇندىلىقتاردى الەم تۋريستەرىنە تانىتۋ ءۇشىن قاجەتتى العىشارتتار جاسالعان. ول ءۇشىن مادەني – تاريحي، گەوگرافيالىق ءھام كليماتتىق جاعدايلار بارشىلىق.

جۋىردا ەلباسى – تاۋەلسىز قازاقستاننىڭ ءبىرىنشى پرەزيدەنتى نۇرسۇلتان نازارباەۆ ماڭعىستاۋ وبلىسىنا جۇمىس ساپارىمەن بارعان ەدى. جەرگىلىكتى اتقارۋشى ورگان وكىلدەرى ايماقتاعى كاسپي تەڭىزى جاعالاۋىنداعى ارنايى تۋريستىك حاب-تىڭ جۇمىسىمەن تانىستىرعان.

كەزدەسۋ بارىسىندا ەلباسى نۇرسۇلتان نازارباەۆ ەلىمىزدەگى تۋريزم سالاسىن، ىشكى تۋريزم يندۋسترياسىن دامىتۋدىڭ ماڭىزدىلىعىنا توقتالىپ، حاب جۇمىسىنا قاتىستى ءوز پىكىرىن ايتقان. قازاقستاننىڭ كورىكتى تابيعاتى، قاسيەتتى جەرلەرى مەن تاريحي جانە مادەني ورىندارى، مىڭجىلدىقتاردان ساقتالىپ كەلە جاتقان ارحەولوگيالىق ەسكەركىشتەرى مەن ۇلى جىبەك جولىنىڭ بويىنداعى بىرەگەي تاريحي نىساندارى بار ەكەنىن ايتقان ەلباسى ءتۋريزمنىڭ كەز كەلگەن ءتۇرىن دامىتۋعا ۇلكەن مۇمكىندىكتەر مەن رەسۋرستار بارىن ايتقان.

«بىزدە ءتۋريزمنىڭ كەز كەلگەن سالاسىن دامىتۋعا مۇكىندىكتەر بار. مەملەكەتتىك باعدارلاما اياسىندا ارنايى زەرتتەۋلەر جاسالدى. تۋريستىك پوتەنتسيالى جوعارى ايماقتار، تاريحي نىساندار مەن تۋريستىك الەۋەتى جوعارى وڭىرلەر انىقتالىپ، ارنايى كارتاسى ءتۇزىلدى. سولاردىڭ قاتارىندا الاكول، بالقاش ايماقتارى، بۋراباي كۋرورتتىق ايماعى مەن تۇركىستان وبلىستارى بار ەدى. بۇگىن سول قاتارعا ماڭعىستاۋ وبلىسى دا ەنىپ وتىر. مەملەكەتتىك كوميسسيا ىرىكتەۋ بارىسىندا بۇل ايماقتاردىڭ تۋريستىك تارتىمدىلىعىنا ءمان بەرگەن»، - دەدى ەلباسى نۇرسۇلتان نازارباەۆ.

كاسپي تەڭىزى جاعالاۋىنداعى تۋريستىك حاب-تىڭ قۇرىلىسىنا شەتەلدىك ينۆەستورلار تارتىلعان. بۇل ايماقتاعى تۋريستىك قىزمەتتىڭ بارلىق ءتۇرى قامتىلعان العاشقى وتباسىلىق دەمالىس كەشەنى بولماق.

سونداي-اق، جيىن بارىسىندا ەلباسىعا «Rixos» قوناق ۇيلەر جەلىسىنىڭ باسشىسى ف.تاميندجە اقتاۋداعى «Rixos Water World Aktau» قوناي ءۇي كەشەنىنىڭ جۇمىسىن تانىستىردى. بۇل وڭىردەگى بەس جۇلدىزدى ليۋكس كلاسىنا جاتاتىن «Rixos Water World Aktau» قوناي ءۇي كەشەنى كاسپي جاعالاۋىنداعى تۋريستىك حاب قۇرۋ جوسپارىنىڭ العاشقى قادامى بولىپ وتىر. بۇل تۋرالى ءوز سوزىندە ەلباسى ايتتى.

«بۇل قارت كاسپيدىڭ جاعاسىندا كەڭ كولەمدى حالىقارالىق تۋريستىك حاب قۇرۋدىڭ العاشقى قادامى بولىپ وتىر. الداعى ۋاقتا بۇل ايماققا تەك قانا وتاندىق تۋريستەر عانا ەمەس، شەتەلدىك تۋريستەر دە كوپتەپ كەلۋى كەرەك. سول ءۇشىن بارلىق جاعداي جاسالۋى ءتيىس»، - دەدى ەلباسى.

ال جوبا اۆتورلارى الداعى ۋاقىتتا كاسپي تۋريستىك حاب-ىنىڭ جۇىسىنا  قازاقستاندىق ءھام شەتەلدىك سالىمشىلاردى تارتۋ جوسپارلانىپ وتىرعانىن جەتكىزدى. دالىرەك ايتساق، جوبانى ىسكە اسىرۋ ءۇشىن الداعى ۋاقتا 2 ميلليارد دوللار كولەمىندە ينۆەستيتسيا تارتىلۋ جوسپارلانعان ەكەن. مۇنىمەن قاتار، وڭىردەگى تۋريزم سالاسىن دامىتۋ ارقىلى 50 مىڭعا جۋىق جاڭا جۇمىس ورىندارىن اشۋعا بولاتىنى ايتىلعان.

ەلباسى نۇرسۇلتان ءابىشۇلى ءوز سوزىندە قارت كاسپيدىڭ جاعاعاسىندا اشىلاتىن تۋريستىك ايماقتا جاڭا جۇمىس ورىندارىنىڭ اشىلۋىنىڭ، سوعان وراي، حالىقارالىق ستاندارت تالاپتارىنا ساي بىلىكتى ماماندار دايارلاۋدىڭ ماڭىزدىلىعىنا توقتالعان.

«وسىناۋ تاۋەلسىزدىك جىلدارىندا اتقارىلعان شارۋالار از بولعان جوق. بۇرىن اتى-زاتى بەيمالىم قازاقستان قازىر الەم ەلدەرى كوز تىككەن، دۇنيەجۇزى كارتاسىنان ويىپ تۇرىپ ورىن العان الەۋەتتى مەملەكەتكە اينالىپ وتىر. ءبىز ارقا توسىندە استانا سالدىق. بۇگىنگى كۇندە استانا – قازاقستاننىڭ وزگە قالالارى مەن وبلىستارىنىڭ دامۋىنىڭ نەگىزگى درايۆەرىنە اينالدى. مەن الداعى كۇندەرى قاسيەتتى تۇركىستانعا بارۋدى جوسپارلاپ وتىرمىن. ول قازاقستان مۇسىلماندارىنىڭ جانە بارشا تۇركى ەلدەرىنىڭ قاسيەتتى مەكەنى. كەشەگى قازاق حاندىعىنىڭ ەجەلگى استاناسى بولعان قارت شاھار قازىر جاڭاشا تۇرلەنىپ، تۋريستىك ايماققا اينالىپ وتىر»، - دەدى ەلباسى نۇرسۇلتان نازارباەۆ.

ءوز سوزىندە ەلباسى ن.نازارباەۆ ەلىمىزدەگى ءتۋريزمدى دامىتۋعا باعىتتارعان ناقتى قادامدار تەك ءبىرلى-جارىم، جەكەلەگەن ايماقتارعا عانا قاتىستى ەمەس، بارشى رەسپۋبليكا ەكونوميكاسىنىڭ ىلگەرىلەۋىنە وڭ سەرپىن بەرەتىنى ايتقان.

ەلباسى ماڭعىستاۋ ساپارى بارىسىندا «Rixos Water World Aktau» قوناق ءۇيى كەشەنىن ارالاعان. اتالعان ءىس-شاراعا ونلاين جانە وفلاين فورماتتار ارقىلى قازاقستاندىق ءھام شەتەلدىك ينۆەستورلار قاتىسقان.

كونفەەنتسياعا قاتىسقاندار ىشىندە تاياۋ شىعىس، ەۋروپا مەن افريكا ايماقتارىندا جوعارعى كلاستى ليۋكس قوناق ۇيلەر كەشەنىن دامىتۋمەن اينالىساتىن «ACCOR» كومپانياسىنىڭ ءبىرىنشى ۆيتسە-پرەزيدەنتى ف. بودەن، «ÖG Holding» باسقارما توراعاسى و.گيۋر، «BI Group» حولدينگى ديرەكتورلار كەڭەسىنىڭ توراعاسى ا.راحىمباەۆ، «بازيس-ا» كپ ديرەكتورلار كەڭەسىنىڭ توراعاسى ا.بەلوۆيچتار دا بار.

كاسپي تەڭىزى ارقىلى قازاقستان 5 مەملەكەتپەن شەكتەسىپ جاتىر. بۇل ايماقتىڭ تۋريستىك الەۋەتىن ارتتىرۋ ءۇشىن  ساكرالدى، ەتنو ءھام ەكو، تەڭىز  جاعالاۋى ترۋيستىك بازالارى ورنالاسقان. اتالعان ايماقتا وتاندىق جانە شەتەلدىك تۋريستەردى قابىلداۋ ءۇشىن 92 ورنالاستىرۋ ورىندارى بار ەكەن سونىڭ ىشىندە، تەك قانا اقتاۋ قالاسىندا 5 جۇلدىزدى ءتورت، 4 جۇلدىزدى ەكى، ءۇش جۇلدىزدى توعىز جانە 2 جۇلدىزدى جەتى قوناق ءۇي بار.

تاقىرىپقا تۇزدىق رەتىندە ايتا كەتەيىك، قازاقستان پرەزيدەنتى قاسىم-جومارت توقاەۆ 2019 جىلى «ۇلىتاۋ» حالىقارالىق تۋريستىك فورۋمىندا ەلىمىزدىڭ تۋريزم سالاسىن دامىتۋدىڭ ماڭىزدىلىعىنا توقتالعان بولاتىر.

«ءبىز قازاقتىڭ وتكەنى مەن كەلەشەگەنى، بۇگىنىن، اتا-بابالارىمىزدىڭ تاريحى مەن ءور رۋحىن تۋريزم ارقىلى دارىپتەۋىمىز كەرەك. سوندىقتان دا ءبىز وسى سالانى دامىتۋ ءۇشىن ارنايى مەملەكەتتىك باعدارلاما قابىلدادىق. ول جۇزەگە اسىرالاتىن بولسا تۋريزم سالاسىنىڭ قازاقستانىنڭ ءجىو-دەگى ۇلەسى 8 پايىزدان اساتىن بولادى.

تۋريزم كۇردەلى سالا. وعان بىلىكتى ماماندار كەرەك. تۋريزم سالاسىنداعى قىزمەتكەرلەر سانىن 650 مىڭ ادامعا جەتكىزۋ جوسپارلانىپ وتىر. سوندىقتان دا، اتالمىش سالا ماماندارىن دايارلايتىن ۋنيۆەرسيتەت اشۋ كەرەك»، - دەگەن ەدى پرەزيدەنت.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604