سارسەنبى, 27 قاڭتار 2021
بيلىك 1147 0 پىكىر 8 قازان, 2020 ساعات 11:52

مامين مەن ميشۋستين ماسكەۋدە جولىقتى

قر پرەمەر-ءمينيسترى اسقار مامين ماسكەۋ قالاسىنا جۇمىس ساپارى اياسىندا رف ۇكىمەتىنىڭ توراعاسى ميحايل ميشۋستينمەن كەلىسسوز جۇرگىزدى.

تاراپتار ساۋدا-ەكونوميكالىق، قارجى-ينۆەستيتسيالىق، ەنەرگەتيكا سالالارىنداعى، سونداي-اق ونەركاسىپتىك كووپەراتسياداعى ەكىجاقتى ىنتىماقتاستىقتى ودان ءارى ارتتىرۋ ماسەلەسىن تالقىلادى. ەۋرازيالىق ەكونوميكالىق وداق فورماتىنداعى ءوزارا ءىس-قيمىلدىڭ وزەكتى ماسەلەلەرى قارالدى.

COVID-19 ىندەتىنىڭ تارالۋىنا قارسى كۇرەس جانە ەكى ەلدىڭ ەكونوميكاسى ءۇشىن پاندەميانىڭ سالدارىن جويۋ جونىندەگى بىرلەسكەن شارالارعا ەرەكشە كوڭىل ءبولىندى.

سونىمەن قاتار ماسكەۋ قالاسىنا ساپار بارىسىندا قر پرەمەر-ءمينيسترى ا. ءماميننىڭ رەسەيدىڭ ورتالىق مەملەكەتتىك ورگاندارىنىڭ، مەملەكەتتىك كورپوراتسيالارى مەن قارجى-بانك قۇرىلىمدارىنىڭ باسشىلىعىمەن كەزدەسۋلەرى جوسپارلانعان.

Abai.kz

0 پىكىر