جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 2034
46 - ءسوز 2749 11 پىكىر 2 قازان, 2020 ساعات 13:49

حالىقتان تاعى دا كەشىرىم سۇرايمىز

سەناتتىڭ الەۋمەتتىك- مادەني دامۋ جانە عىلىم كوميتەتى وتىرىسىندا دەنساۋلىق ساقتاۋ ءمينيسترىنىڭ دەنساۋلىق ساقتاۋ سالاسىنداعى جاسالىپ جاتقان جۇمىستارىن جان- جاقتى تالقىلادىق.

قوردالانىپ قالعان پروبلەمالار جەتكىلىكتى. توزىعى جەتكەن دەنساۋلىق سالاسىنداعى عيماراتتار، مەديتسينالىق قۇرال-جابدىقتار، اۋىلدىق جەرلەردە مەدپۋنكتتەر، فاپ، اۋىلدىق امبلۋتوريالار، بىلىكتى دارىگەرلەر جەتىسپەيدى. دارىگەرلەر مەن ورتا بۋىندى مامانداردىڭ ايلىعى تومەن. ەلىمىزدەگى دارىگەرلەر دايارلايتىن التى جوو - دا ينفەكتسيونيست، ۆيرۋسولوگ ت.ب. سالالىق ماماندار دايارلامايدى.

سوڭعى ون جىل ىشىندە ەكى ۇلكەن "سالاۋاتتى قازاقستان" باعدارلاماسىن قابىلداپ، وعان تريلليونداعان قارجى بولىنگەنىمەن دەنساۋلىق ساقتاۋ جۇيەسىندە وڭ وزگەرىس بولدى دەپ ايتا المايمىز. جۇيەلىك قاتەلىكتەرگە كوپ ۇرىندى. حالىق سىنى مەن قارعىسىنىڭ استىندا قالىپ، كوپتەگەن ازاماتتارىمىزدىڭ ءومىرىن ساقتاپ قالا المادىق. حالىقتان تاعى دا كەشىرىم سۇرايمىز .

ەندى مۇنداي قاسىرەتتى جاعدايدى ەشقاشان بولدىرماۋىمىز كەرەك. مۇنىڭ بارلىعى مينيسترگە اشىق ايتىلدى. قازىر ءدارى- دارمەكتىڭ ەكى ايعا جەتەتىن قورى بار. تەك باعاسىن قاداعالاپ وتىرۋ كەرەك.يۆل اپپاراتتارىن وزىمىزدەن شىعارىپ جاتىر. بارلىق وڭىرلەردە جاڭا ينفەكتسيالىق اۋرۋحانالار ىسكە قوسىلاتىن بولادى.

ءبىز “دەنساۋلىق سالاسى قىزمەتكەرلەرىنىڭ مارتەبەسى”تۋرالى زاڭ قابىلداۋدى ۇسىندىق. ءمينيستردىڭ نىق سوزىنە قاراپ 2023 جىلعا قاراي دارىگەرلەردىڭ ورتاشا جالاقىسى 550 مىڭ تەڭگە شاماسىندا بولاتىنىنا كوز جەتكىزدىك. ءمينيستردى سۇراق جاۋاپتىڭ استىنا الا وتىرىپ، ونىڭ وسى اۋىر سالانى جاقسى بىلەتىندىگىن كوردىك جانە جانىمەن ادال جۇمىس جاسايتىنىنا تىلەكتەستىك بىلدىردىك.

مۇرات باقتيارۇلىنىڭ جازباسى

Abai.kz

11 پىكىر