سارسەنبى, 28 قازان 2020
COVID-19 قازاقستاندا. جۇقتىرعاندار — 110832. جازىلعاندار — 105883. قايتىس بولعاندار — 1825
1136 1 پىكىر 28 قىركۇيەك, 2020 ساعات 16:14

بجزق شوتىندا قانشا اقشا بار؟

قازاقستاندا 10 870 610 ادامنىڭ شوتىندا زەينەتاقى جيناعى بار، ولاردىڭ جالپى جيناعى 11 تريلليون 942 ميلليارد 813 ميلليون تەڭگەگە جەتكەن. بۇل تۋرالى Sputniknews.kz مالىمدەدى. 

بىرىڭعاي جيناقتاۋشى زەينەتاقى قورى قازاقستاندىقتار 2020 جىلدىڭ 1 قىركۇيەگىنە دەيىن قانشا اقشا جيناعانىن جاريا ەتتى.

بجزق مالىمەتىنشە، 10 870 610 ادامنىڭ شوتىندا زەينەتاقى جيناعى بار: 5 615 939 – ەر، 5 254 671 – ايەل. ولاردىڭ جالپى جيناعى 11 تريلليون 942 ميلليارد 813 ميلليون تەڭگەگە جەتكەن، ونىڭ ىشىندە 7 تريلليون 040 ميلليارد 032 ميلليون تەڭگە ەر ازاماتتارعا، ال 4 تريلليون 902 ميلليارد 781 ميلليون تەڭگە ايەلدەرگە تيەسىلى.

  • 5 906 632 ادام – 500 مىڭ تەڭگەگە دەيىن;
  • 1 590 837 ادام – 501 مىڭ تەڭگەدەن 1 ميلليون تەڭگەگە دەيىن;
  • 2 348 114 ادام – 1 ميلليون تەڭگەدەن 3 ميلليون تەڭگەگە دەيىن;
  • 634 188 ادام – 3 ميلليوننان 5 ميلليون تەڭگەگە دەيىن;
  • 238 931 ادام – 5 ميلليوننان 8 ميلليون تەڭگەگە دەيىن;
  • 151 908 ادام 8 ميلليون تەڭگەدەن جوعارى زەينەتاقى جيناعىنا يە.

بۇل رەتتە ەرلەردىڭ زەينەتاقى جيناقتارىنىڭ ورتاشا سوماسى – 1 ميلليون 254 مىڭ تەڭگە، ال ايەلدەردە – 933 مىڭ تەڭگە.

الايدا بۇكىل جيناقتاۋشى زەينەتاقى جۇيەسى قولدانىستا بولعان كەزەڭ ىشىندە جارنالاردى تۇراقتى تۇردە اۋدارىپ وتىرعان ادامداردىڭ زەينەتاقى جيناقتارىن باعالايتىن بولساق، وندا 1998 جىلدان بەرى زەينەتاقى جارنالارىن اي سايىن اۋدارىپ وتىرعان سالىمشىلاردىڭ اراسىندا ەر ازاماتتاردىڭ جيناقتارىنىڭ ورتاشا سوماسى 5,8 ميلليون تەڭگە، ال ايەلدەردە – 4,4 ميلليون تەڭگە.

ەسكە سالا كەتەيىك، پرەزيدەنت قاسىم-جومارت توقاەۆ بيىلعى قازاقستان حالقىنا جولداۋىندا 2021 جىلى بجزق سالىمشىلارى ءوز زەينەتاقى جيناعىنىڭ ءبىر بولىگىن تۇرعىن ءۇي ساتىپ الۋعا، ەمدەلۋگە جانە قارجى كومپانيالارىنىڭ باسقارۋىنا بەرۋ ءۇشىن الا الاتىنىن ايتتى.

وسىعان بايلانىستى مەملەكەت باسشىسىنىڭ تاپسىرماسى بويىنشا جىل سوڭىنا دەيىن بارلىق قاجەتتى نورماتيۆتىك-قۇقىقتىق اكتىلەردى تۇپكىلىكتى قابىلداۋ ءۇشىن دايىندىق جۇمىستارى جۇرگىزىلىپ جاتىر.

Abai.kz

1 پىكىر