جۇما, 29 ناۋرىز 2024
3227 2 پىكىر 25 قىركۇيەك, 2020 ساعات 14:08

10 مىڭعا جۋىق ەتنيكالىق قازاق قانداس مارتەبەسىن الدى

2020 جىلى 10 مىڭعا جۋىق ەتنيكالىق قازاق قانداس مارتەبەسىن الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى. 

اعىمداعى جىلدىڭ 1 قىركۇيەگىندەگى جاعداي بويىنشا 9,9 مىڭ ادام تاريحي وتانىمەن تابىسىپ، ورالمان مارتەبەسىن الدى. جالپى 1991 جىلدان بەرى رەسپۋبليكاعا 1 ميلليون 67,2 مىڭ ەتنيكالىق قازاق ورالدى.

وسى جىلى قازاقستانعا كەلگەن ورالمانداردىڭ جارتىسىنان كوبى  (59,1%) قىتايدان، 25,6% وزبەكستاننان، 8,8% تۇرىكمەنستاننان، 3,5% موڭعوليادان جانە 3% باسقا ەلدەردەن.

كەلگەن ەتنيكالىق قازاقتار نەگىزىنەن الماتى (54,6%) جانە ماڭعىستاۋ (12,7%) وبلىستارىنا، سونداي-اق نۇر-سۇلتان (4,1%) جانە شىمكەنت قالالارىنا (3,1%) قونىستاندى.

«كەلۋشىلەردىڭ ىشىندە 60%-دان استامى ەڭبەككە جارامدى جاستا، ال شامامەن 5%-ى عانا زەينەتكەرلەر. ورالمان مارتەبەسىن العاندار، قازاقستان ازاماتتارىمەن قاتار، جۇمىسپەن قامتۋدىڭ جول كارتاسى شەڭبەرىندە جۇزەگە اسىرىلاتىن جوبالار اياسىندا، جۇمىسپەن قامتۋ ورتالىقتارى ارقىلى جۇمىس تابا الادى»، - دەدى قر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ كوشى-قون مونيتورينگى باسقارماسىنىڭ باسشىسى داستان ايتقۇلوۆ.

ايتا كەتۋ كەرەك، 2019 جىلدىڭ وسى كەزەڭىندە 9,6 مىڭعا جۋىق ەتنيكالىق قازاق ورالمان مارتەبەسىن الدى، ونىڭ ىشىندە 53% وزبەكستاننان، 26% قىتايدان، 21% موڭعوليادان، تۇركمەنستاننان جانە باسقا ەلدەردەن كەلدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3618