كلينيكا سايتىندا جاريالانعان مالىمەتكە سايكەس، وپپوزيتسيالىق ساياساتكەردىڭ دەنساۋلىعى جاقسارعاندىقتان دارىگەرلەر ونى ستاتسيوناردان شىعارۋدى ءجون كورگەن.
دارىگەرلەر ناۆالنىيدىڭ تولىق ايىعۋى مۇمكىن، الايدا ۋدىڭ اسەرى ءالى ۇزاق ساقتالۋى مۇمكىن دەپ وتىر.
كلينيكا حابارلاماسىنا سايكەس، اۋرۋحانادا ءبىر ايدان استام ۋاقىت جاتقان ناۆالنىي 24 كۇن رەانيماتسيادا بولعان.
44 جاستاعى الەكسەي ناۆالنىي 20 تامىزدا نوۆوسيبيرسكىدە جەمقورلىق تۋرالى زەرتتەۋ جۇرگىزىپ قايتىپ كەلە جاتقان جولدا ۇشاقتا جاعدايى كۇرت ناشارلاپ، كوماعا تۇسكەن. ومبى اۋرۋحاناسىندا ەكى كۇن جاتقاننان كەيىن تۋىستارى مەن جاقتاستارىنىڭ تالابىمەن بەرليندەگى "شاريتە" كلينيكاسىنا اۋىستىرىلعان.
گەرمانيا دارىگەرلەرى ونىڭ اعزاسىنان سوۆەت كەزىندە جاسالعان "نوۆوچيك" اسكەري ۋىنىڭ قالدىقتارى تابىلدى دەگەن. ال رەسەي بيلىگى "ساياساتكەردىڭ اعزاسىنان ۋ تابىلمادى" دەگەن ومبى اۋرۋحاناسى ماماندارىنىڭ ايتقاندارىن العا تارتىپ، نەمىس عالىمدارىنىڭ دەرەگىنە كۇمان كەلتىرەدى. باتىس رەسەيدەن ماسەلەگە تولىق تۇسىنىكتەمە بەرۋدى تالاپ ەتىپ وتىر.
بۇعان دەيىن ناۆالنىي جازىلعاننان كەيىن رەسەيگە ورالىپ، قىزمەتىن جالعاستىرعىسى كەلەتىنىن ايتقان.
Abai.kz
