دۇيسەنبى, 19 قازان 2020
COVID-19 قازاقستاندا. جۇقتىرعاندار — 109508. جازىلعاندار — 105030. قايتىس بولعاندار — 1768
ارانداتۋ 4337 20 پىكىر 24 قىركۇيەك, 2020 ساعات 10:55

بوجكو 7 جىلعا سوتتالۋى مۇمكىن...

قوستاناي وبلىسى، رۋدنىي قالاسىنىڭ تۇرعىنى كيريلل بوجكو ۇلتتىق ارازدىق تۋدىراتىن مالىمدەمەسى ءۇشىن زاڭ الدىندا جاۋاپ بەرەدى. بۇل تۋرالى قوستاناي وبلىسىنىڭ پوليتسيا دەپارتامەنتى حابارلادى. 

«kznews.kz» سايتىنىڭ حابارلاۋىنشا، بۇگىندە قوستانايلىق پوليتسەيلەر وبلىس تۇرعىنىنا قاتىستى تەرگەۋ امالدارىن باستاعان.

«الەۋمەتتىك جەلىگە مونيتورينگ جۇرگىزۋ بارىسىندا پوليتسەيلەر «YouTube» ارناسىنان اتالمىش ۆيدەونى انىقتاپ، شۇعىل تەكسەرىس جۇرگىزدى. قازىر كۇدىكتىنىڭ تۇلعاسى انىقتالىپ، تەرگەۋ شارالارى باستالدى. كۇدىكتى 7 جىلعا دەيىن باس بوستاندىعىنان ايىرىلۋى مۇمكىن»، - دەپ مالىمدەدى قوستاناي وبلىسىنىڭ پوليتسيا دەپارتامەنتى.

بوجكو اتىشۋلى ۆيدەوجازباسىندا «قازاق ءتىلىن – مايمىلداردىڭ ءتىلى، قازاقتار – مايمىلدار» دەپ اتاعان بولاتىن. كەيىن ماس بولعانىن ايتىپ، حالىقتان كەشىرىم سۇرادى.

بىراق قازاقستان رەسپۋبليكاسى قىلمىستىق كودەكسiنىڭ 174-ءشى بابىندا الەۋمەتتىك، ۇلتتىق، رۋلىق، ءدىني ارازدىقتى قوزدىرعانداردى جاۋاپقا تارتۋ كوزدەلگەن. وندا «ازاماتتاردىڭ ۇلتتىق ار-نامىسى مەن قادiر-قاسيەتiنە» قول سۇعۋعا بولمايتىنى انىق جازىلعان. ەگەر ادام قاندايدا ءبىر ارازدىقتى قوزدىرۋ ءۇشىن ارەكەت ەتسە، نە بولماسا سول ارەكەتكە شاقىرسا، وندا ول اتالعان باپ بويىنشا جاۋاپقا تارتىلادى. زاڭدا سولاي جازىلعان.

وسى باپقا سۇيەنسەك، تۇتاس ۇلتتى كەمسىتىپ، ۇلتارالىق الاۋىزدىقتى قوزدىرعاندار ءۇشىن كەشىرىم سۇراۋ جەتكىلىكسىز. سول ءۇشىن بوجكو سەكىلدىلەر زاڭ بويىنشا جاۋاپقا تارتىلعانى ءجون-اق...

Abai.kz

20 پىكىر