جەكسەنبى, 25 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
انە، كوردىڭ بە؟ 1884 20 پىكىر 24 قىركۇيەك, 2020 ساعات 12:11

لۋكاشەنكو پرەزيدەنت پە، جوق پا؟

گەرمانيا، ليتۆا، سلوۆاكيا جانە چەحيا الەكساندر لۋكپشەنكونى بەلورۋس پرەزيدەنتى رەتىندە مويىندايتىندارىن مالىمدەدى. كەشە لۋكاشەنكو مينسكىدەگى تاۋەلسىزدىك سارايىندا انت قابىلداپ، بەلارۋس پرەزيدەنتى رەتىندە قىزمەتىنە كىرىسكەن بولاتىن.

بىراق ونىڭ ۇلىقتاۋ ءراسىمى اياق استىنان ۇيىمداستىرىلدى ءارى ەشبىر ەلدىڭ ەلشىسى شاقىرىلماعان. التىنشى مارتە اقورىستاردى باسقارۋعا كىرىسكەن لۋكاشەنكونى ءوز حالقى دا مويىنداماي جاتىر.

بەلارۋس وپپوزيتسياسىنىڭ ورتاق كانديداتى سۆەتلانا تيحانوۆسكايا ۆيدەو ۇندەۋ جاساپ، “لۋكاشەنكو زەينەتكە شىقتى، مەن – بەلورۋستىڭ زاڭدى ءارى حالىق سايلاعان پرەزيدەنتىمىن!” - دەپ مالىمدەدى.

فوتو: دميتري برۋشكو، TUT.BY

ايتا كەتەيىك، «تut.by» سايتى الەكساندر لۋكاشەنكونىڭ يناۋگۋراتسياسى 23 قىركۇيەك كۇنى وتكەنىن جازىپتى.

«لۋكاشەنكو كونستيتۋتسياعا قول قويىپ تۇرىپ، بەلارۋس تىلىندە انت قابىلدادى. سوسىن، ول انت قابىلداعانى تۋرالى اكتىگە قول قويدى. ال بەلارۋستىڭ رەسپۋبليكالىق رەفەرەندۋم جانە سايلاۋ وتكىزۋ جونىندەگى ورتالىق كوميسسياسىنىڭ توراعاسى ليديا ەرموشينا الەكساندر لۋكاشەنكوعا پرەزيدەنت كۋالىگىن تاپسىردى»، - دەپ جازادى اۆتورلار.

ال «پۋل پەرۆوگو» Telegram ارناسى لۋكاشەنكونىڭ انت قابىلداۋ ءراسىمىنىڭ سۋرەتىن جاريالاپ: «لۋكاشەنكو بەلارۋس پرەزيدەنتى قىزمەتىنە كىرىستى»، - دەپ جازىپتى.

بەلارۋس اقپاراتىندا لۋكاشەنكونىڭ يناۋگۋراتسياسى قاشان وتەتىنى تۋرالى تالقى بولعان. ول كەزدە انت قابىلداۋ ءراسىمىنىڭ ناقتى قاي كۇنى وتەتىنى ايتىلماعان. ال 23 قىركۇيەك كۇنى، ياعني بۇگىن مينسكىدەگى تاۋەلسىزدىك سارايىنىڭ ماڭىنا اسكەري تەحنيكالار اكەلىنگەن. سونداي-اق، تاۋەلسىزدىك داڭعىلى جابىلعان. كەيىن بەلگىلى بولعانداي، الەكساندر لۋكاشەنكونىڭ پرەزيدەنتتىك كورتەجى وسى كوشەمەن وتكەن ەكەن.

«پودەم» Telegram ارناسى لۋكاشەنكونىڭ انت قابىلداۋ راسىمىندە سويلەگەن سوزدەرىن جاريالاپتى.

«وزدەرىنىڭ ساياسي ۇستانىمدارىن عانا ەمەس، بولاشاق ومىرلەرىن مەملەكەتپەن بايلانىستىرعان، بەلارۋس ءۇشىن وسىنداي قيىن كەزدە وتانى مەن حالقىنا ادال بوپ قالعان بەلارۋستەردى تاستاپ كەتۋگە مەنىڭ حاقىم دا، قۇقىم دا جوق.

مەملەكەتتىك قىزمەتكەرلەر مەن شەندى ازاماتتار وزدەرىنىڭ ەرلىكتەرىن، تاباندىلىقتارىن كورسەتتى. ءبىزدىڭ بالالارىمىزعا ولاردىڭ ەرلىكتەرى ۇلگى.

ءبىز جاڭا دۇنيەنى قازىرگى جەتكەن جەتىستىكتەرىمىزدىڭ بازاسىندا عانا جاساۋعا بولاتىنىن دالەلدەدىك. ءبىر كەزدەرى بەلارۋس كۇتپەگەن جەردەن، وپ-وڭاي تاۋەلسىزدىككە قول جەتكىزدى. جانە سونى ءبىزدىڭ ازاماتتارىمىز سولاي بولۋى كەرەك ەكەن دەپ ءتۇسىندى. ءتىپتى، تاۋەلسىزدىكتىڭ قادىرىنە جەتكەن جوق. بۇگىن ءبىز بۇل كەزەڭنەن وتتىك»، - دەپتى الەكساندر لۋكاشەنكو.

ول سونداي-اق، وسى سايلاۋدان سوڭ بەلارۋستە ءتۇرلى-ءتۇستى رەفوليۋتسيانىڭ جولى كەسىلگەنىن ايتقان.

«ءبىزدىڭ ەلىمىزگە قاتەر ءتوندى. مەملەكەتتەردىڭ تاۋەلسىزدىگىن جويۋعا باعىتتالعان، بۇرىن تالاي رەت سىناقتان وتكىزىلگەن قاتەر ءتوندى. بىراق، ءبىز سول ءتۇرلى-ءتۇستى رەۆوليۋتسيالاردىڭ جولىن كەسكەن ساناۋلى، ءتىپتى، بىردەن-ءبىر ەل بولدىق. جانە بۇل ءوز مەملەكەتتەرىن جوعالتقىسى كەلمەيتىن ازاماتتاردىڭ تاڭداۋى!»، -دەپ سويلەگەن.

ەستەرىڭىزگە سالا كەتەيىك، بەلارۋستە پرەزيدەنت سايلاۋى 9 تامىزدا وتكەن. رەسمي ەسەپ بويىنشا، الەكساندر لۋكاشەنكو 80,1, ال ونىڭ باستى قارسىلاسى سۆەتلانا تيحانوۆسكايا 10,1 پايىز داۋىس العان.

الايدا بەلارۋس حالقى سايلاۋدىڭ بۇل قورىتىندىلارىمەن كەلىسپەيدى. سايلاۋ وتكەن 9 تامىزدان باستاپ كۇنى بۇگىنگە دەيىن مينسكى باستاعان ءىرى-ءىرى قالالاردا نارازىلىق اكتسيالارى جالعاسۋدا.

ەۋرو وداق بەلارۋستەگى سايلاۋدىڭ قورىتىندىلارىن، الەكساندر لۋكاشەنكونىڭ جەڭىسىن مويىنداعان جوق. ءتىپتى، ەۋروپارلامەنت دەپۋتاتتارى ارنايى رەزوليۋتسيا قابىلداعان. ول بويىنشا الەكساندر لۋكاشەنكو 5 قاراشادان باستاپ پرەزيدەنت دەپ سانالمايدى. سونداي-اق، ەو الەكساندر لۋكاشەنكوعا قارسى سانكتسيالار پاكەتىن ازىرلەيتىنىن مالىمدەگەن.

ايتا كەتەيىك، الەكساندر لۋكاشەنكو بەلارۋستى 26 جىلدان بەرى باسقارىپ كەلەدى. بۇل جولعى سايلاۋ لۋكاشەنكونىڭ التىنشى سايلاۋى بولعان.

Abai.kz

20 پىكىر