ەلىمىزدە جوو -ڭ سانى 129-عا جەتتى. ون توعىز ميلليون حالقى بار ەل ءۇشىن بۇل تىم كوپ. ولاردىڭ كوپشىلىگىنىڭ سانى بولعانىمەن ساپاسى جوق ەكەنىن جاقسى بىلەمىز.

كەڭەس وداعى كەزىندە قازاقستاندا نەبارى 40-تاي عانا جوو بولىپ، وتە ساپالى ءبىلىم بەردى، بىلىكتى ماماندار دايارلادى. كەزىندە مينيسترلەر ا. سارىنجيپوۆكە، ە.ساعاديەۆكە ساپاسىز ءبىلىم بەرەتىن وقۋ ورىندارىن قىسقارتۋ تۋرالى بىرنەشە دەپۋتاتتىق ساۋال دا جولدادىق، ۇسىنىس تا ايتتىق، بىراق ناتيجە بولمادى. مەنىڭشە ولار قۇلىقسىز بولدى.

پرەزيدەنتىمىزدىڭ بىلتىرعى جانە بيىلعى جولداۋلارىندا ديپلوم ساتاتىن وقۋ ورىندارىن جابۋ تۋرالى بەرگەن تاپسىرمالارىنان كەيىن سەڭ قوزعالا باستادى.

وسى باعىتتا مينيستر ا. ايماعامبەتوۆتىڭ جاساپ جاتقان جۇمىستارىن تولىق قولدايمىن. وسى جوو-ڭ ىشىندە ۋنيۆەرسيتەتتىك ستاتۋسى بار وقۋ ورىندارى باسىم.

ۋنيۆەرسيتەت دارەجەسىنە سايكەس كەلمەيتىندەردى ينستيتۋتتەرگە، كەيبىر ينستيتۋتتەردى اكادەميا دارەجەسىنە ءتۇسىرىپ تە ماماندىقتاردىڭ سانىن بارىنشا قىسقارتۋعا بولادى.

جوعارى ءبىلىم بەرەتىن وقۋ ورىندارى اراسىندا باسەكەلەستىك ورتا بولۋىن جاقتايمىن، بىراق ولاردىڭ ەڭ نەگىزگى قاعيداتى ساپا بولۋى كەرەك، ەگەر ونى قامتاماسىز ەتە الماسا نارىقتان كەتۋى ءتيىس.

مۇرات باقتيارۇلىنىڭ جازباسى

Abai.kz