جەكسەنبى, 25 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
46 - ءسوز 1333 1 پىكىر 21 قىركۇيەك, 2020 ساعات 12:42

جەر سالاسىندا جەمقور شەنەۋنىكتەردىڭ 3 الاياق ارەكەتى

ءبىلىپ ءجۇرىڭىز، جازىپ الىنىز، ساقتانىپ ءجۇرىڭىز!

بىرىنشىدەن، جەردىڭ نىسانالى ماقساتىن اۋىستىرۋعا قاتىستى اكىمدىكتىڭ شەنەۋنىگىنىڭ اۋىزىنان جەردىڭ نىسانالى ماقساتىن اۋىستىرۋعا بولمايدى، موراتوري دەگەن ءسوزدى حالىق كوپ ەستيدى.

ودان كەيىن، شەنەۋنىك، بۇل موراتوريگە قاراماستان "ارنايى اقىعا" (پارا) اۋىستىرىپ بەرەمىن دەگەن ۇسىنىس جاسايدى.

ءسىز بۇعان كەلىسىپ، جيناعان، تەرگەن اقشاڭىزدى اكىمدىك نە جەر قاتىناستارى ءبولىمى، ساۋلەت جانە قالا قۇرىلىس ءبولىمىنىڭ جەمقور قىزمەتكەرىنىڭ قولىنا ۇستاتازدار.

ءبىلىپ قويىڭىزدار، ەشقانداي موراتوري جوق، ال ايتىپ جاتقان موراتوري بۇل جەمقورلاردىڭ ويدان شىعارىلعان، ءسىزدىڭ قالتاڭىزداعى تىرناقتاپ جيناعان اقشاڭىزدى قاعىپ الۋدىڭ امالى.

جەر كودەكسىنىڭ 49-1 بابىندا جەردىڭ نىسانالى ماقساتىن اۋىستىرۋعا شەكتەۋ قويىلماعان، ناقتى 49-1 بابىنا موراتوري بەلگىلەنبەگەن.

ەگەر دە، جەردىڭ نىسانالى ماقساتىن اۋىستىرۋ ەلدى مەكەننىڭ باس جوسپارى (گەنپلان) مەن ەگجەي-تەگجەي جوباسىنا (پدپ) سايكەس بولسا، وندا پارا بەرمەي، رەسمي كاداسترلىك قۇنىن تولەپ ءسىز جەرىڭىزدىڭ نىسانالى ماقساتىن اۋىستىرا الاسىز.

بۇل شەنەۋنىكتەردىڭ الاياق الداۋىنا ءتۇسىپ قالماڭىزدار.

ەكىنشىدەن، 10 سوتىق جەردى تەگىن الۋعا ۇمىتكەر ازاماتتار اكىمدىكتىڭ شەنەۋنىگىنىڭ اۋىزىنان، قايتادان "موراتوري" دەگەن ءسوزدى ەستيدى.

جەر كودەكسىنىڭ 44 بابىنا سايكەس، جەكە تۇرعىن ءۇي قۇرىلىسىن جۇرگىزۋ ءۇشىن تەك، ينجەنەرلىك تۇرعىدا ازىرلەنگەن، ياعني سۋ جانە ەلەكتر جەلىلەرىمەن قامتىلعان جەرلەر عانا بەرىلەدى.

دەمەك، جەر ءومىر سۇرۋگە دايىن بولاتىنداي سۋ قۇبىرى وتكەن، ەلەكتر جۇيەلەرى ورنىققان، ستولبتارى قويىلىپ، كابەلى وتكەن جەرلەر بەرىلەدى. بىراق، بۇل موراتوري ەمەس، سەبەبى موراتوري بۇل زاڭنىڭ كەيبىر بابىن ۋاقىتشا توقتاتۋ.

10 سوتىق جەردى جەكە تۇرعىن ءۇي قۇرىلىسىن جۇرگىزۋگە موراتوري قويىلعان با؟

ارينە جوق.

بۇل دا جالعان، نەگىزسىز جانە ميعا سيىمسىز دۇنيە.

مۇندا دا، اكىمدىكتىڭ شەنەۋنىكتەرى موراتوري دەپ، ازاماتتاردى "ارنايى پارا بەرۋگە" يتەرمەلەپ، زاڭسىز تىزىمگە تۇرعىزباي، ءتىزىمسىز دەرەۋ جەردى تابىستاۋدى كوزدەيدى.

ءسىز، ولاردىڭ كومەگىمەن ارنايى ەسەپ (تىزىمدە) تۇرماي تۇرعىن ءۇي قۇرىلىسى ءۇشىن جەر تەلىمىن الىپ، ءۇيىڭىزدى سوعىپ باستايسىز. ال تەكسەرىستىڭ ناتيجەسىندە انىقتالسا، ءتيىستى اكىمنىڭ قاۋلىسى، جالعا الۋ شارتىڭىز بەن مەملەكەتتىك اكتىنىز سوت شەشىمى ناتيجەسىندە زاڭسىز دەپ تانىلادى.

ۇشىنشىدەن، مىسالىعا ايتالىق، ەگەر دە سىزگە اكىمدىكتىڭ شەنەۋنىكتەرى جاقىنداپ، شارۋا فەرمەر قوجالىعىنا ارنالعان 10 گەكتار جەرىڭدى نىسانالى ماقساتىن اۋىستىرىپ، ونى 100 ۋچاستوكقا ءبولىپ بەرەمىز.

ەشنارسە تولەمەيسىن، تەك اۋىستىرعاننان كەيىن ونشاقتى جەرىڭدى ءبىزدىڭ اتىمىزعا اۋداراسىن دەسە، بۇل الاياقتىق.

سەبەبى، جوعارىداعى ءىس ارەكەتىن جەمقورلار اياقتاعاننىن وزىندە، جەردىڭ ماقساتىن وزگەرتىپ، ءبولىپ بەرگەننىڭ وزىندە، تەكسەرىستىڭ ناتيجەسىندە بارلىعى انىق بولىپ شىعادى. ءبىلىپ قويىڭىز، ەگەر دە باس جوسپار پەن ەگجەي-تەگجەي جوباسىندا كوزدەلمەسە، ەلدى مەكەن شەگىنە ونىڭ كەڭەيۋى اياسىندا كىرمەسە، شارۋا قوجالىقتان جەكە قوسالقى ءۇي شارۋاشىلىعى ماقساتىنا اۋىستىرۋعا تيىم سالىنعان.

سونىمەن قاتار، ەگەر دە اۋىلشارۋاشىلىق جەرىڭىز رەسپۋبليكالىق نە وبلىستىق ماڭىزدى بار قالالاردىڭ قالا ماڭى شەگىنە كىرمەسە، وندا جەرىڭىزدى بولە المايسىز.

بۇنىن بارلىعى كەيىن پروكۋراتۋرا نەمەسە جەر ينسپەكتسياسىمەن تەكسەرىسى ناجەسىندە سوتتا زاڭسىز دەپ تانىلادى.

سوندىقتان دا، الداڭباڭىز! ساق بولىڭىز!

باقىتجان بازاربەكتىڭ جازباسى

Abai.kz

1 پىكىر