جۇما, 29 ناۋرىز 2024
2148 1 پىكىر 21 قىركۇيەك, 2020 ساعات 11:20

سقو-دا تاۋلىك ىشىندە قۇس تۇماۋىنان 180 مىڭ تاۋىق قىرىلدى

سقو-داعى بەسكول قۇس فابريكاسىندا تاۋلىك ىشىندە مەكيەن تاۋىقتاردىڭ جارتىسىنان كوبى قۇس تۇماۋىنان قىرىلىپ قالدى. بۇل تۋرالى پەتروپاۆلوۆسك.news مالىمدەدى. 

فابريكا ماماندارى جاقىن ارادا كاسىپورىندا تاعى وسىنداي جاعداي بولادى دەپ بولجاپ وتىر. قۇستىڭ جاپپاي قىرىلۋىنان فابريكا قىزمەتكەرلەرى جۇمىسسىز جانە تابىسسىز قالۋى مۇمكىن.

"بۇگىندە مەكيەن تاۋىقتاردىڭ جارتىسىنان ازى قالدى. كەشە كەشكە 180 مىڭنان اسا قۇس قىرىلدى، بۇگىن تاعى 30-40 مىڭعا جەتەتىن شىعار. انالىق قازدان ءتىپتى قالمادى دەۋگە بولادى. بىرنەشە تاۋلىكتە ونداعان مىڭ قۇس قىرىلدى. قالدىقتى ءوزىمىز جويىپ جاتىرمىز: جەر قازامىز، ورتەيمىز، ىندەت تارالماۋى ءۇشىن ونى بالشىقپەن جابامىز", - دەدى بەسكول قۇس فابريكاسىنىڭ تەحنولوگى تاتيانا كوستەنكو كاسىپورىنعا اۋىل شارۋاشىلىعى ۆيتسە-ءمينيسترى گۇلميرا يساەۆا ارنايى ساپارمەن كەلگەن كەزدە.

كوستەنكونىڭ ايتۋىنشا، قۇس تۇماۋىنا قارسى جاپپاي ۆاكتسينا جاساتۋعا فابريكا قارجىلاي دايىن بولماعان: قىركۇيەكتىڭ باسىندا بار بولعانى 15 مىڭ انالىق قازعا ۆاكتسينا سالىنعان.

"سولتۇستىك قازاقستانمەن شەكاراداعى تەرريتوريادا ەپيدەميا ءجۇرىپ جاتقانىن ەستىگەندە قالعان ۆاكتسينانى انالىق ۇيرەكتەرگە سالامىز دەپ شەشتىك. سەبەبى مەكيەن تاۋىقتارعا جەتپەيتىن ەدى. بۇگىندە تەك ۇيرەكتەر بار. ولار امان قالادى دەپ ۇمىتتەنەمىز", - دەپ ءتۇسىندىردى تەحنولوگ.

ول قۇس تۇماۋىنا قارسى مىڭ دوزا ۆاكتسينا ورتا ەسەپپەن 50 مىڭ تەڭگە بولاتىنىن ايتتى. قۇس فابريكالارى سۋبسيديا المايتىن بولعاندىقتان، كاسىپورىننىڭ مۇنداي قىمبات ۆاكتسينا الۋعا قوسىمشا اقشاسى بولماعان.

"كوكتەمدە نە بولارىن ويلاۋدىڭ ءوزى قورقىنىشتى، ادامدار قۇسسىز قالادى. قانشا تاۋىق قالسا دا، جويۋ كەرەك بولادى، سەبەبى ولار قۇس تۇماۋىن تاسىمالدايدى. مۇمكىن ايماقتا قۇس فابريكالارىنىڭ جۇمىسى توقتاپ قالار. ۇلكەن تراگەديا كەلگەنىن ءتۇسىنىپ وتىرمىز: قۇس فابريكاسىندا 170 ادام جۇمىس ىستەيدى، ياعني 170 وتباسى قىس الدىندا تابىسسىز قالۋى مۇمكىن", - دەدى تاتيانا كوستەنكو.

ەسكە سالايىق، بۇعان دەيىن سقو-دا قۇس تۇماۋىنان قۇستار جاپپاي قىرىلىپ جاتقانى تۋرالى حابارلاندى. 17 قىركۇيەكتە قۇس تۇماۋىنا بايلانىستى كارانتين ەنگىزىلدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596