47 جاستاعى قياسوۆ قازاق مەملەكەتتىك مەديتسينالىق ۋنيۆەرسيتەتىن، ورتالىق ازيا ۋنيۆەرسيتەتىن، ءال-فارابي اتىنداعى قازاق ۇلتتىق ۋنيۆەرسيتەتىن تامامداعان.

ول كارەاراسىن 1990 جىلى الماتىداعى جەدەل مەديتسينالىق كومەك اۋراحاناسىنىڭ جانساقتاۋ ءبولىمىنىڭ سانيتارلىق دارىگەرى بولىپ باستاعان. 1997-99 جىلدارى قازاقستان اۋە ترانسپورتتارىنىڭ ەپيدەمولوگيالىق ستانتسياسىندا ەپيدەميولوگ دارىگەر بولعان. 1999 جىلدان باستاپ پرەزيدەنت ءىس باسقارماسى مەديتسينالىق ورتالىعىندا (مەملەكەتتىڭ ءبىرىنشى تۇلعالارى مەن مەملەكەتتىك قىزمەتكەرلەردى ەمدەۋگە ارنالعان اۋرۋحانا، عىلىمي ورتالىق پەن شيپاجايلار كەشەنى) سانيتارلىق دارىگەر بولىپ كەلگەن.

قازاقستان دەنساۋلىق ساقتاۋ ءمينيسترى الەكسەي تسوي بۇل ۆەدومستۆوعا كەلگەنگە دەيىن پرەزيدەنت ءىس باسقارماسى مەديتسينالىق ورتالىعىن باسقارعان.

ەلدە سانيتارلىق دارىگەر ءبىر جىلدىڭ ىشىندە ەكىنشى رەت اۋىسىپ وتىر. 2020 جىلدىڭ 20 مامىرىندا جانداربەك بەكشين قىزمەتىنەن كەتىپ، ورنىنا ايجان ەسماعامبەتوۆا تاعايىندالعان.

ايجان ەسماعامبەتوۆانىڭ قىزمەتىنەن نە ءۇشىن بوساتىلعانى بەلگىسىز.

قازاقستاندا كوروناۆيرۋس پاندەمياسى ءورشىپ، ەلدە ىندەتكە شالدىققاندار كوبەيگەن تۇستا ەلدىڭ دەنساۋلىق سالاسىندا كوپتەگەن اۋىس-ءتۇيىس بولدى. دەنساۋلىق ساقتاۋ ءمينيسترى ەلجان ءبىرتانوۆ ەلدە اۋرۋحانادا ورىن جەتپەي، ءدارى تاپشىلىعى قىسقان شاقتا قىزمەتىنەن كەتتى. ءوزى دە كوروناۆيرۋس جۇقتىرعانى حابارلانعان ءبىرتانوۆ مينيسترلىكتەن "ەمدەلۋ ءۇشىن" كەتكەنىن جازعان. كەيىن ونىڭ ورنىنا الەكسەي تسوي تاعايىندالدى.

بىراق ەل پرەزيدەنتى قاسىم-جومارت ەلدەگى ىندەتتىڭ ءورشىپ، اۋرۋحاناداعى ورىن مەن ءدارى تاپشىلىعىنا ەلجان ءبىرتانوۆتى ايىپتاي سويلەدى. ءبىرتانوۆتىڭ تۇسىندا جۇمىس ىستەگەن ۆيتسە-مينيستر ولجاس ابىشەۆ "اقشا جىمقىردى" دەگەن كۇدىكپەن ۇستالعان. قازىر ءبىرتانوۆ جۇرت كوزىنەن تاسا بولدى. ال ابىشەۆتىڭ ءىسى قالاي ءجۇرىپ جاتقانى بەلگىسىز. بۇدان بولەك دەنساۋلىق ساقتاۋ مينيسترلىگىمەن تىعىز بايلانىستى الەۋمەتتىك مەديتسينالىق ساقتاندىرۋ قورى مەن "سك-فارماتسيا" كومپانياسىنىڭ توپ-مەنەدجەرلەرى جۇمىستان بوساتىلدى. بيلىك الەۋمەتتىك مەديتسينالىق ساقتاندىرۋ قورى مەن "سك-فارماتسيا" كومپانياسىنا قاتىستى تەرگەۋ باستالعانىن حابارلاعان.

قازاقستان - تمد ەلدەرى ىشىندە كوروناۆيرۋستان قاتتى زارداپ شەككەن ەلدىڭ ءبىرى. ەلدە 16 قىركۇيەكتەگى رەسمي ستاتيستيكاعا ساي، 137 مىڭنان اسا ادام ىندەتكە شالدىعىپ، ەكى مىڭنان اسا ادام قايتىس بولدى. بۇل ەسەپكە اناليزىنەن كوروناۆيرۋس تابىلعاندار دا; ءاناليزى تەرىس، بىراق كلينيكالىق بەلگىلەرى كوروناۆيرۋسقا ۇقساس پنەۆمونياعا شالدىققاندار دا ەنگەن. قازىر ەلدە ىندەتكە شالدىققان 127 مىڭنان اسا ادام ناۋقاس دەرتتەن ايىقتى.

Abai.kz