جەكسەنبى, 25 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
46 - ءسوز 1145 4 پىكىر 16 قىركۇيەك, 2020 ساعات 12:12

سويلەم قۇراستىرۋدىڭ زاڭى بار ەمەس پە؟..

قۇرمەتتى فيلولوگتار، گرامماتيستەر، ...سۇراعىم بار...

***قازاقشا سويلەمدى ساۋاتتى ەتىپ قۇراستىرۋدى ويلانبايتىن قازاقتار كوبەيىپ بارا جاتقان جوق پا؟.. گازەت، جۋرنال بەتتەرىندە، جارنامالاردا كىلەڭ ينۆەرسيالىق قاتەلەر....

مىسال كەلتىرەيىن:

1).«قۇرمەتتى سەمينارعا قاتىسۋشى ارىپتەستەر»، دەپ جازادى، سولاي سويلەيدى. سوندا، «سەمينار» ما قۇرمەتتى؟

نەگە «سەمينارعا قاتىسۋشى قۇرمەتتى ارىپتەستەر» دەمەيدى؟.

2).«ارنايى بەلگىلەنگەن جەرلەردە تەمەكى شەگۋىڭىزدى سۇرايمىز» دەپ جازىپ قويادى.

(ولەردەي بولىپ ءوتىنىپ تۇر عوي.)

3).«ءارتۇرلى حالىققا كومەك كورسەتۋ ورتالىعى اشىلدى» دەپ جازىپتى ءبىر گازەت.

(اۋەلى ءوز حالقىمىزدى جارىلقاپ الايىقشى، دەگىم كەلەدى.)

4).«ءساندى ايەلدەر كيىمى». ( قايسىسى ءساندى؟)

5).«اقىلى كوز اۋرۋلار بولىمشەسى». (دۇرىسى : «كوز اۋرۋلارىن اقىلى ەمدەيتىن بولىمشە» بولۋ كەرەك ەمەس پە؟.

6).«حالىقارالىق ايەلدەر مەرەكەسى قۇتتى بولسىن!» دەپ قۇتتىقتاي بەرىڭدەر، تەك مەنىڭ حانىمىم (قاتىنىم) حالىقارالىق ەمەس دەپ باياعىدان بەرى جازىپ كەلەمىن. قۇداي-اۋ، «مەرەكە عوي حالىقارالىق».

7). ءورىستىلدى قازاقتى قازاق ءتىلدى....

قازاقتىلدى ورىستى ورىس ءتىلدى.

( بولەك جازاتىندار ءجيى كەزدەسەدى )...

***سويلەم قۇراستىرۋدىڭ زاڭى بار ەمەس پە... مەكتەپتى ورىسشا ءبىتىرىپ، مەديتسينانى ورىسشا وقىپ، قازاقشا گرامماتيكاسى قالت-قۇلت ەتىپ ءجۇرىپ سۇراق قوياتىن مەن سياقتىلار كوپ ەمەس شىعار.... جاۋاپ بەرىڭىزدەرشى.

مىسىلى: «نۇر وتان پارتياسى جانىنداعى سىبايلاس جەمقورلىقپەن كۇرەسۋ جونىندەگى كوميسسيا» دەگەن جازۋدى ءبىر جەردەن جازىپ العام. وقىدىم. ويلاندىم. تۇسىنە المادىم. ءتىل ماماندارىنا سۇراق قويىپ وتىرعان ءتۇرىم عوي...

مۇحامبەديا احمەتوۆتىڭ جازباسى

Abai.kz

4 پىكىر