سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
مىنە، كوردىڭ بە؟ 1209 5 پىكىر 15 قىركۇيەك, 2020 ساعات 17:59

توقاەۆتىڭ كەڭەسشىسى ميرزياەۆتىڭ دە كەڭەسشىسى بولادى

ەۋروپانىڭ دامۋ جانە قايتا قۇرۋ بانكىنىڭ بۇرىنعى پرەزيدەنتى سۋما چاكرابارتي وزبەكستان پرەزيدەنتى شاۆكات ميرزياەۆتىڭ ەكونوميكالىق دامۋ، ءتيىمدى باسقارۋ جانە حالىقارالىق ارىپتەستىك ماسەلەلەرى جونىندەگى كەڭەسشىسى بولادى.

بۇل تۋرالى ەدقب-ءنىڭ ەكس-باسشىسى Twitter جەلىسىندەگى جەكە پاراقشاسىندا حابارلادى.

"پرەزيدەنت شاۆكات ميرزياەۆقا رەفورمالار باعدارلاماسىن جۇزەگە اسىرۋعا كومەكتەسەتىن ءساتتى اسىعا كۇتەمىن", – دەپ جازدى سۋما چاكرابارتي.

سونىمەن بىرگە ول قازاقستان پرەزيدەنتى قاسىم-جومارت توقاەۆتىڭ دا كەڭەسشىسى بولىپ تاعايىندالعانىن حابارلادى.

سۋما چاكرابارتي ەۋروپانىڭ دامۋ جانە قايتا قۇرۋ بانكىن 2012-2020 جىلدار ارالىعىندا باسقارعان.

ەسكە سالايىق، بيىل شىلدە ايىندا پرەزيدەنت شاۆكات ميرزياەۆ سۋما چاكرابارتيدى "دۋستليك" وردەنىمەن ماراپاتتاعان ەدى.

Abai.kz

5 پىكىر